Here I Am

Episode - 11

[Unicode]
🌞

Gucci Gang Company ၏အတွင်းရောအပြင်မှာပါသတင်းထောက်များနှင့်ပြည့်နေသည်။ CEO Tzuyu၏ ငယ်ရွယ်ပြီးထက်မြတ်သော ဂုဏ်သတင်းကြောင့် ဂိမ်းဇာတ်ကောင်အသစ်ကိုလည်းစိတ်ဝင်စားနေကြသည်။ ဂိမ်းဇာတ်ကောင်အသစ်၏ Modelမှာလည်း
အသံချိုချိုနဲ့ Rapper Son Chaeyoung ဖြစ်နေတာကြောင့် ပရိတ်သတ်များလည်း ပို၍စိတ်လှုပ်ရှားနေကြသည်။ ထို့အပြင် Party တွင်လည်း နာမည်ကျော် မင်းသမီး Yoo Jeongyeonနှင့် Rapper Dahyunတို့လည်း တက်ရောက်မည်ဖြစ်သဖြင့် Gucci Gang company၏သတင်းစာရှင်းလင်းပွဲမှာ လက်ရှိတွင် အလွန်ရေပန်းစားနေသည်။

"CEOကား လာပြီဟေး!!!"

သတင်းထောက်တစ်ယောက်က အော်လိုက်တာကြောင့်
တခြားသတင်းထောက်များလည်း Tzuyu၏ကားနားသို့ ဝိုင်းအုံရောက်လာကြသည်။ထို့ကြောင့် Tzuyu၏ကားနောက်မှ လိုက်လာကြသော Bodyguard များ၏ကားသည်လည်းရပ်လိုက်ကာ Tzuyu၏ကားအနားတွင် ဝန်းရံလိုက်သည်။ ထိုအခါမှ Tzuyuလည်း ကားပေါ်မှဆင်းကာ
Company အထဲကိုဝင်လာခဲ့သည်။

"သူဌေး အားလုံးအဆင်သင့်ဖြစ်ပါပြီ Chaeyoungလည်း ခဏနေရောက်တော့မယ်တဲ့"

Nayeon က Tzuyu ကိုလှမ်းပြောသည်။ Tzuyuလည်း ခေါင်းငြိမ့်လိုက်ပြီး သတင်းထောက်များနှင့် ဝန်ထမ်းများစုဝေးနေသော စင်မြင့်ဘက်ကိုတက်လာခဲ့သည်။ စင်ပေါ်သို့ Tzuyu ရောက်သည်နှင့် အားလုံး၏အာရုံများမှာ Tzuyuဆီသို့ရောက်သွားသည်။

"မင်္ဂလာပါ Tzuyuပါ..။လာရောက်ပေးကြတဲ့ သတင်းထောက်တွေကိုလည်း ကျေးဇူးတင်ပါတယ်..။ ဒီနေ့သတင်းစာရှင်းလင်းပွဲကတော့ သိတဲ့အတိုင်း ဂိမ်းဇာတ်ကောင်အသစ်ကို တရားဝင်မိတ်ဆက်တဲ့ပွဲပါ....။ ယခုခေတ်မှာ ဂိမ်းဆိုတာက လူသားတွေရဲ့စိတ်အခြေအနေအတွက် အခန်းကဏ္ဏတစ်ခုကနေ ပါဝင်လာပြီဖြစ်ပါတယ်..။ ဒီနေ့မိတ်ဆက်ပေးမဲ့ ဂိမ်းဇာတ်ကောင်အသစ်ကတော့ Rap starတစ်ယောက်ပါ..။ သူမက အားလုံးကိုရင်ဆိုင်ပြီး အထီးကျန်နေတဲ့ လူသားတွေကိုကယ်တင်ပေးမဲ့ သူရဲကောင်းသဘောမျိုးပါ.........."

Tzuyuပြောနေသည်များကို သူများတွေထက် ပိုပြုံးကာ ကြည့်နေသူနှစ်ယောက်ကတော့ Mina နှင့် Sanaပင်ဖြစ်သည်။ဂိမ်းဇာတ်ကောင်ဟာ ဘာကြီးပဲဖြစ်နေပါစေ..
သူတို့စိတ်ဝင်စားသည်မှာ Tzuyuပဲ ဖြစ်သည်။