'' අග්නි.. මෙහි පැමිණෙන්න.. ''
සුග්‍රීව පැවසුවේ සිය අසිපතින් අග්නි වෙත සංඥා කරමිනි.. ඔහු අග්නිට උපකාර කිරීම පිණිස පැමිණීමට තැත් කලද මිධුනාථ විසින් ඔහුව නවත්වනු අග්නිට පෙනුණි . අග්නි නිසැකවම සැලැසුමකට අනුව ක්‍රියාකරනවග මිධුනාථට විශ්වාස විය . ධීර ද අග්නිට හිතවත් වග ඔහුට හොදින්ම සහතික විය හැකි විය . අවසානයේ වශයෙන් ඔහු හුදෙක් එක් දාසයෙක් නොවන වග මිධුනාථ හොදින්ම දැනුවත් විය .
සිනාසෙමින්ම මිගාරගේ ගෙලින් අල්ලාගෙන සිටි ගිරි අසපු ශිෂ්‍යයාගේ පාදය වෙත සැහැල්ලුවෙන් පා පහරක් එල්ල කල අග්නි මිගාර මුදවා ගෙන ක්ෂණයෙන් සුග්‍රීව වෙතට තල්ලු කලේ ඇසිල්ලකිනි .
සියලු දෙනාගේ අවධානය ඒ දෙසට යොමු වනු දුටු ධීර ඕනෑකමින්ම ගිරි අසපු ශිෂ්‍යයන්ගේ ඇගෙහි වැදුනේ මයුර ශිෂ්‍යන් දෙදෙනාට පලා යාමට ඉඩ සලසමිනි .
අවසානයේ ගැටලුවෙහි අඩක් හෝ ලිහා අවසන් කිරීමට අග්නිට හා ධීරට හැකි විය .
ථිත ද ඉක්මනින්ම තමා සතුව සිටි මයුර අසපුවෙහි ප්‍රාණ ඇපකරු , මයුර අසපුව භාරයේ සිටි භීෂ සමගින් හුවමාර කරගත්තේ සියල්ල නොසන්සුන් ලෙස අවසන් කරමිනි .
සිය පිටුපසින් ගිරි අසපුවෙහි ශිෂ්‍යයන් එල්ල කල ප්‍රහාරය ඉතා සැහැල්ලු ලෙස මගහැර පිටුපසට පැනි අග්නි ඊලග මොහොතෙහි ගිරි අසපුවෙහි ශිෂ්‍ය ප්‍රධානියා වූ ජඨිල අසල විය . ඔහුගේ ප්‍රහාරයට ප්‍රතිප්‍රහාරයක් එල්ල කල අග්නි ඔහුව පසෙකට තල්ලු කලේ ය.
'' ඕහ්.. මේ ඔබනේ... කෙසේ ද ජඨිල ... බොහෝ කලකින් නොවේ ද ?? '' අග්නි පැවසුවේ මුළු ශාලාවම මීයට පිම්බාක් මෙන් නිශ්ශබ්ද කරමිනි .
ඔවුන් සියලු දෙනා හුස්ම ගැනීමට අමතක වූ සෙයින් බලා සිටියේ ගිරි අසපුවෙහි ප්‍රධාන ශිෂ්‍යයා හට නාමයෙන් අමතන සේවකයා දෙසයි. මිගාර ද , රුද්‍ර ද අග්නි දෙස බලා සිටියේ පුදුමයෙන් විසල් වූ දෙනෙත් දෙසයි . අග්නි සිය දෑස්වලින් ධීර වෙත සංඥා කලේ ය . ධීරද ඉක්මනින්ම අග්නිගේ සංඥාවට ප්‍රතිචාර දැක්වීමට විය .
'' අග්නි ?? ඔබ සැබවින්ම අග්නි ද ? '' ධීර විමසුවේ සියල්ලන්ගේ ම අවධානය ඔහු වෙත ලබාගනිමිනි . මෙවරද ඔහුගේ රංගනය විශිෂ්ට මට්ටමේ විය .
YOU ARE READING
♛ අග්නි ♛
Historical FictionSTORY ] - COMPLETED ✅ ❌ All Rights Reserved ❌ Start Date - 2020 . 06 .05 Completed - 2020 .09 -03 _ සියලු දෙනා සර්ව සාධාරණ ද ? _ ''මෙතැනට අන් කිසිවෙකුගේ අවශ්‍යතාවය මිධුනාථට නොදැණුනේ ය . අවට වාතය ,මදනලට නැළවෙන වෘක්ෂයන්, හිසට ඉහළින් ඇති අහස හා එහි...
