التيتيز الأخضر [القرنShreek 21]

Chapter 2

تأليف وكتابة : Rayhanee Regraguii

فيونا (مخلووعة): منصـــف

كان حيد الشوميز لي كان لابس فوق التيشورط ويالله ناوي يگلس فالصالة دالطاج اللول حتى كيسمع تعياطها، خرج عندها مخلوع من صوتها لي ماشي طبيعي

منصف: ا مالك؟
فيووونا (باقا هابطة): ليوون (تقطعات فيها النفس)
منصف: مالوو؟ شكاين
فيوونا: مالقيتوش
منصف: خلعتيني، كون راه غير مخشي فشي قنت
فيونا: ماكاينش، قلبت ونتا عارفو كيسمع الحس كينوض يجري

مالقى باش يجاوبها، اما هي طاح ليها الما فالركابي كملات الدروج للتحت گاع، حلات لباب مضهشرة، غتبدا تقلب وماعارفة حتى فين حتى كيبان ليها خونا فلگرونة هازو وغادي بيه جيهة طموبيلتو
مني خرجو، بقى ليون كيدور تم من قنت لقنت حدا باب الدار، غادي جاي حتى طاح فالباب لي فاصل بين الريسطو والدار لتحت، دخل كيلعب حتى وصل تاني للباب لي كيخليه منصف غير مردود باش فاش توصلو شي كوموند ديال المطريال يدفع الگارديان غا الباب ويخليهم يدخلوها، بقى معافر ليون مع داك الباب مرة يدفعو مرة يحاول يجرو حتى تحل وخرج
جاب الله تصادف مع رجوع أنير وسفيان من القهوة الشي لي خلى أنير يسايس معاه حتى هزو من نص الشانطي وقصد دارهم، دق وعاود مني ماجوبو حد دخلو معاه، X

شحال وهو وسفيان گالسين وهو كيدور حداهم.. حتى ناض سفيان مشا فحالو وبقى غير هو وياه..
أنير متكي وهو گالس على لفوطووي ورجليه باقين فالأرض.. مرة مرة كيرمي عينو معاه ليهرس ليه شي حاجة ولا يحط ليه شي 💩 حشاكم فشي ركنة.. ماعارفوش بلي كلاها شحال من مرة على هاد القضية ومستحيل يقرب ليهم..
ماشي شي عصى نيت ولكن غير بشوية وهي كتدوي معاه وسبحان الله لقطوط كيفهموو وهكاك كيترباو
(كندوي على لقطوط لي كتجيبوهم صغار ماشي مش تجيبوه كبير من الزنقة.. وماشي ضربوهم دبصح غير غوتو عليهم ونتوما كتقيسوهم راه مرة على مرة مايعاودوهاش)
على شحال هو يجي طلع حداه كيشوف فيه ويغوت ويدور بلاصتو..
قربو ليه أنير بيديه كيقلب مالو.. خاف تكون تجرح ولا قاستو شي لعبة.. فلاه.. لقاه صحة سلام.. بانتليه السمطة لي فعنقو مكتوب فيها ليوون.. وفيه نفس الريحة لي شم فيد سفيان..
قربو عندو كثر كيشم فيه ويعاود بلا ما يشعر..

ليوون (مابغاش يسكت): ميييو.. ميييو.. ميييو..

ناض على وعدو وسعدو دخلوو لطواليط مادار والوو..
حطليه شوية دلما وشوية دلحليب واالو.. لا هو خدا منهم ولا هو سكت..
شاف حتى عيا لبس عليه وهزو فيدوو وخرج..
يالله قرب لطموبيلتو باغي يحلها.. وقفو صوتها..

فيونا (طالعة ليها القردة لسطح): أفين غادي بيه الشريف؟

دار بشوية عليه وبكل تقة.. طلع فيها وهبط مخنزر..
أنير: كتهضري معايا أنا؟
فيونا: كيبانلك شي حد غيرنا هنا؟
رجع كي كان.. ليون باقي فيديه.. حل لباب..
فيونا: وااا السمحمد 😾 واقيلة معاك كندوي..
أنير (ببرودة): كي تتعلمي تهضري بشوية غادي نجاوبك..
فيونا (قربات عندو مخنزرة): شوية لباس؟ كتشرب دواك؟
(بغات تاخدو من يدو ليون هو يبعدو) عطيني مشي 😾
أنير: وملي هو مشك علاش مخلياه يترامى فالزناقي؟
فيونا: وأش حرگ شطاطتك؟