التيتيز الأخضر [القرنShreek 21]

Chapter 1

تأليف وكتابة : Rayhanee Regraguii

وقف كاميوو كبيير فزنقة من زناقي المدينة الشرقية المعروووفة، قدام دار من الديور القدام لي بقاو من عهد الاحتلال الفرنسي لي وخا قدام تصميمهم عصري وزوين، وباقين شادين فراسهم رغم السنين لكثيرة لي دازت.. هبطات من القدام، كتشالي بشعوراتها، لابسة توني ديال المنتخب حمر عاقداه فالجنب مع سروال جينز طاي أووط هازة فيديها ِليُون؛ مشها المزغب لي بسبابو تجرجرو هاد التجرجيرة وهزو قلوعهم من كازة لهناا
شداتووو فجنبها وتمات غاديا بيه حتى وصلات للباب، حلاتو بالساروت وخلات الدراري لي جايبين معاها الرحيل يطلعوه.. تار انتباهها صووت وقووف طموبيل، تلفتات لقاتو منصف، يالله وصل من مور ماتفارقو فدخلة دلمدينة باش يجيب باش يتغداو
هبط هاز فيديه كراطن دلحووت، داز من حداها جر ليها نيفها وطلع يوريهم كل حاجة فين يحطوها
الدار ماكانتش خاوية، أصلا هي دوالديه كانو ساكنين فيها قبل مايتقاعد باه ويطج من الجو ديال تم
بقات هي لتحت حاضية الطالع والنازل، گالسة مربعة فوق الكابو ديال الطموبيل حتى خواو داك الكاميو كامل وقفوو بتلاتة قدامها ناطق واحد فيهم

الشخص: راه سالينا اختي، واش نعاودو نطلعو عندو ولاشنو؟
فيونا: صبر.. (هبطات جامعة الوقفة وتقابلات مع الدار كتعيط بالجهد كي شي عزري) الوليييييييد.. وااا الوليييد.. أمووووونصييف

وخليييييني نكملك سيدي الجيج وحكم نتايا .. وراها صراتلي قصة خلصتها غاااالية .. ودرتها بيدي اااانا .. ورأيي دّاني بعيييد
وبقيت وحدي ااانا .. و جي پا لابيتييد.. ويا اللي فالقلب يدري بيه الرب .. والله ماكنتشي نشرب يا كيما ولّيتْ

مخشعين مع الأغنية لي كيسمعوو، واحد فووق لحاف عالي شوية محطوط منو للزربية لايح رجلوو فوق الطبلة ديال الزاج ويديه على مخدة حاطها قدامو والمانيطة فيدو والتاني فالجهة لخرى؛ مربع رجلو لفوق الارض وبنفس الطريقة شاد حتى هو اللعيبة ديال لبلاي بلمخدة. وخداااامين كيلعبووو حتى قفزهم صوووت تبراحها لي كسر دنيا.. شافو فبعضياتهم، حبيسو الموسيقى وتفرزااات الهضرة

فيوونا : اا موووونصييييف.. (صفرااات)

ناض أنير من بلاصتو ناوي على خزيت، أصلا ولاد الحومة كلهم قاطعها فيهم ياويلوو لي يبرزطوو كينوض قربالة.. حل الشرجم كيتنتر نااوي يعرععععر، طل بانت ليه واحد البعلوكة واقفة بين الطموبيل والكاميو مقابلة مع الدار لي قدامهم، عاطياه بالظهر وكتغوت مزال بسمية منصف

أنير (بصوت غليض ومسمووع): مال دينك گالبالنا راسنا واش باغياني نخرج نسبك ؟

دارت بالعرض البطيء مخصرة وجهها كتقلب على مصدر الصوت، طلعات فيونا راسها للشرجم مطلعة حاجب ومهبطة لاخر لقاتو مقنزع، حاط كفو على حاشية الشرجم وكون كانو فعنيه القرطاس كون قتلها، خنزرات فيه باستهزاء ودارت بالعرض البطيء گأنها مشافت والوو