كانت تسير والدموع تشق طريقها للنزول وهي تتذكر ما مرت به منذ دقيقه وكيف أصبحت على ما هي عليه الآن
على بعدٍ مناسب منها وبالتحديد خلفها كان هذا العاشق يسير خلفها وقلبه ينزف على محبوبته وهي تسير يبكي الصخر علي حالها.
.* العودة للماضي*
كانت تسير بسرعة كبيرة وتحمل الكثير من الأشياء وتتحدث مع صديقتها منار وفجأة وبدون سابق إنذار تصطدم بشخص وتسقط الأشياء التي كانت تحملها سيلين: أنت أعمى مشوفتنيش وأنا ماشيه وانحنت هي تجمع أشيائها بسرعه دون النظر لذاك الذي كان ينظر لها بنظرات حارقه جمعت أشيائها هي وصديقتها وذهبا سريع حتى يلحقا بالمحاضرة سيلين وهي تنظر في ساعتها
سيلين: ااوف احنا اتأخرنا اوي وكل ده بسبب الأعمى ده
منار: يا بنتي اهدي شويه وبعدين أنتي كمان غلطتي عشان كنتي ماشيه بسرعة ومش بتبصي قدامك
سيلين: طب خلاص تعالي نشرب قهوة في الكافتيريا لحد المحاضرة الثانية
منار: يلا
سيلين: طب ابعتي رسالة للشلة ييجو لينا بعد المحاضرة
منار: اشطا ياسطا
وهنا يأتي صوت من خلف منار يجعل قلبها يكاد يخرج من صدرها محمد: أنا مش عارف إنتِ أزاي دخلتي هندسة إنتِ آخرك تكوني سواقة توك توك هههههههه
سيلين: دايما أقول لها كده بس مش بتسمع كلامي
محمد وهو يضحك: لا والله
سيلين وهي تنظر لمحمد بغيظ: أنا هروح اطلب قهوة أجبلكم معايا
منار: لا أنا عايزه أفطر
أروي وهي تقترب منهم: أنا كمان عايزه أكل وأنسى اللي الدكتور عملوا فيا
أحمد: يا بنتي ما أنتِ اللي دخلتي بعده وكمان مبطلتيش كلام محمد: خلاص انسوا كل ده هنعمل إي في المشروع اللي الدكتور أمير طلبه
سيلين وهي تقترب منهم وتحمل الطعام والقهوة: زي أي مشروع قبله هنعملوا مع بعض
أروي وهي تأخذ الطعام من يدها: لا ياختي المرة دي الدكتور هو اللي هيقسمنا فرق وهو اللي هيختار مين هيكون شريك التأني
سيلين: طيب ما هنكون مع ب. . . . . . . . نعم يعني إي الكلام ده
منار وهي تتصنع الحزن وتقترب من سيلين وتعانقها: عايز يفرقنا يا عمري
أروي وهي تقترب منهم وتعانقهم: محدش يفرقنا أبدا يا عمري ضحك الجميع على هؤلاء الثلاث فهم دائما معًا منذ الحضانة أروي وهو تدفع سيلين ومنار: أوعي يابت أنتي وهي خليني أكل وانسى أحزاني
سيلين: حيث كدا بقا أنا هروح أجيب أكل تاني واعمل كل اللى نفسي فيه قبل ما اموت نظر الجميع لها بعدم فهم
فأكملت وهي تحرك يدها على رقبتها: أيوه عشان بابا الحاج بعد ما يشوف الشهادة هيخليني أروح أقابل رب كريم في أقرب وقت
ضحك الجميع بشدة علي سيلين قاطع ضحكات سيلين هاتفها وهو يرن نظرت في هاتفها ثم أشارت على رقبتها بعلامة الذبح وأجابت
سيلين: السلام عليكم
سالم والد سيلين: وعليكم السلام أخبار أميرتي أي؟ ؟
سيلين: بخير طول ما أنت بخير يا قلبي أنت عامل اي يا حبيبي واي اخبار المهمه
سالم: بخير الحمدلله المهمه ماشيه تمام انتي اخبار محاضراتك اي
سيلين: كله تمام الحمدلله
سالم: متتأخريش بره
سيلين: حاضر هترجع أمتي واحشتني اووي
سالم: هخلص المهمه وهرجع علي طول هقفل بقى هتعوزي حاجه
سيلين: سلامتك يا قلبي سلام
سالم: سلام
سيلين وهي تنظر لأصدقائها: سليمه المرادي
احمد: طب يلا بقا عشان المحاضرة هتبدا ودكتور آسر مش بيدخل حد بعده
ذهب الجميع للمحاضرة
بعد الانتهاء من المحاضرة
سيلين: أنا هروح بقى لأني أتأخرت اوي
منار: وأنا كمان يلا
أروي: استنوا أنا جايه معاكوا ذهب البنات وأوقفوا تاكسي وذهبوا للمنزل فهم يسكنون بجوار بعضهن البعض كل هذا تحت أنظار ذلك العاشق وسار خلفهم حتى تأكد من دخولها منزلها ثم ذهب
دخلت سيلين المنزل سيلين: يا عالم ياللي هنا أنا جيت ياناس ياهوو فين الأكل همووت من الجوع
آمال والدة سيلين: يابت اهدي شويه أنتي على طول كده همك علي بطنك
سيلين: كده يا أموله ده أنا حتى بحبك
آمال: خلاص ياختي روحي غيري لحد ما احط الأكل يكون أخوكي رجع هو كمان
سيلين وهي تذهب لغرفتها: صحيح نسيت أقولك أن حبيب القلب كلمني النهارده وقالي أنه هيرجع أول ما يخلص المهمة آمال: يا بت أحترمي نفسك
سيلين وهي تغمز لآمال: الله هو مش بابا الحاج حبيب القلب برده يا أموله
آمال وهي تنحني لتأخذ فردة من الشبشب وتلقيه علي سيلين: أنا هوريكي يا بنت سالم
سيلين وهي تدخل لغرفتها وتغلق الباب بسرعة: مجاتش فيا مجاتش فيا
آمال وهي تذهب للمطبخ: يا رب دايما تفضل الضحكة علي وشك
دخلت سيلين لغرفتها وهي تضحك على والدتها فهي تحب مشاغبتها ثم أخذت ملابسها وذهبت للحمام وخرجت تؤدي فرضها ثم خرجت من الغرفة
سيلين: فين الأكل يا أموله همووت من الجوع
آمال وهي تخرج من المطبخ وتحمل الطعام للطاولة: يابت أنتي دايما هتموتي من الجوع ومفيش مره أشوفك شبعانة سمعت
آمال صوت الباب يفتح
آمال: أهو أدهم جه أدهم وهو يدخل للمنزل: السلام عليكم
آمال وسيلين : وعليكم السلام
آمال وهي تشير لأدهم: شوفتي أتعلمي
أدهم: فين الاكل همووت من الجوع
سيلين: هو فعلا لازم اتعلم ههههههههه
آمال وهي تضحك: اغسلوا أديكم لحد ما أجيب باقي الأكل أدهم لسيلين: أميرتي عامله أي واي أخبار الجامعة معاكي سيلين: الحمد لله ياقلبي كله فل أنت أخبارك أي وشغلك
أدهم: أنا الحمد لله والشغل تمام كان عندي مأمورية النهارده والحمد لله خلصت على خير
سيلين: بابني أنت مش وش بهدله إي بس اللي دخلك شرطه أدهم: عشان نفسي أكون زي بابا وبعدين إي مش وش بهدله دي انتي نسيتي اخوكي مين ولا إي ههههههههه
سيلين: لا ياخويا منستش أدهم انت لسه بتفكر في نور واللي حصل معاها
أدهم وقد ظهر عليه تعبير الحزن: نور كانت كل حياتي يا سيلين ومش هرتاح غير لما اجيب حقها
يتبع....
أنت تقرأ
أحببتها للأبد (مكتمله)
Romansaكانت تسير والدموع تشق طريقها للنزول وهي تتذكر ما مرت به منذ دقيقه وكيف أصبحت على ما هي عليه الآن على بعدا مناسب منها وبالتحديد خلفها كان هذا العاشق يسير خلفها وقلبه ينزف على محبوبته وهي كانت تسير يبكي الصخر علي حالها.
