အနှိမ်ခံလိုက်ရတယ်လို့ ခံစားလိုက်ရပေမယ့် နဂါးလေးရဲ့ မျက်နှာလေးကိုကြည့်လိုက်တော့ ငါ့မှာပြန်ချေပဖို့ စကားမရှိတော့ ။
ငါလည်း လေသံအေးအေးလေးနဲ့ပဲ သူနဲ့ညှိလိုက်တယ်။
“ ဒီမှာ... နင်က မင်းသမီးတစ်ယောက်ကို ဖမ်းရမယ်။ ငါက မင်းသမီးပဲ။ ပြီးတော့ ငါကလည်း နဂါးတစ်ကောင်ဆီက အဖမ်းခံရမှဖြစ်မယ်။ နင်ကလည်း နဂါး။ ငါတို့နှစ်ယောက် ပူးပေါင်းပြီး နင်က ငါ့ကို ဖမ်းသွားလိုက်။ ဒါဆို နှစ်ယောက်လုံးရဲ့တာဝန်ပြီးပြီ။ ”
နဂါးလေးက တွန့်ဆုတ်သွားတယ်။
“ ဒါ…… ဒါပေမယ့် ……”ငါကတော့ ပြတ်ပြတ်သားသားပဲဆုံးဖြတ်လိုက်ပြီ။
“ ဒါပေမယ့်ဆိုတာ မရှိဘူး ! ငါ့ကို မြန်မြန်ဖမ်းခေါ်သွားတော့ !”
နဂါးလေးမျက်နှာက နီရဲသွားပြီး ခေါင်းကိုငုံကာ ပြောလာတယ်။
“ ဒါပေမယ့် ငါ မင်းကို မသယ်နိုင်ဘူး။ ”
ငါ : “……”
သူငယ်ချင်း... ၅၀ ကီလိုပဲရှိတဲ့ ၁၆၈ စင်တီမီတာအရွယ် မိန်းကလေးတစ်ယောက်က လေးလို့လား။
[ T\N: အရပ် ၅ ပေ ၆ လက်မနဲ့ ပေါင် ၁၁၀ ပါတဲ့။ ]အာ....
ငါစိတ်ပျက်လက်ပျက်နဲ့ ထပ်မေးလိုက်တယ်။
“ နံဂါးပုံစံပြောင်းပြီး ငါ့ကိုမသယ်နိုင်ဘူးလား။ ”
သူကခေါင်းကိုယမ်းပြီး တိုးတိုးလေးပြန်ဖြေလာတယ်။
“ ငါတို့ရဲ့ ကြင်ယာဖက်ကိုပဲ နဂါးပုံစံနဲ့ သယ်ခွင့်ရှိတယ်။ ”
" ငါက နင့်ရဲ့ကြင်ယာဖက်ဖြစ်လာမှာလေ" လို့ ပြောလိုက်ချင်ပေမယ့် သူ့မျက်နှာလေးကို တွေ့လိုက်ရတော့ ပြောချင်တဲ့စကားတွေကို ပြန်မျိုချလိုက်ရတယ်။
ထားလိုက်ပါတော့...လမ်းပဲလျှောက်ကြတာပေါ့... ရတယ်မလား။
လမ်းလျှောက်လို့မရပြန်ဘူးလား။
ကြိုးတစ်ချောင်းရှာပြီး သူ့လက်ထဲကို ထည့်ပေးလိုက်တယ်။
“ မြန်မြန် ... ငါ့ကို ကြိုးနဲ့တုပ်လိုက် ”
သူက မှင်သက်သွားပြီး မေးလာတယ်။
“ ဘာလို့လဲ ? မင်းက ငါနဲ့အသာတကြည်လိုက်မှာမဟုတ်ဘူးလား ?”
ငါ နဂါးလေးကို မျက်နှာသေနဲ့ ကြည့်လိုက်တယ်။
“ ဒါ လုပ်ထုံးလုပ်နည်းတွေပဲ နားလည်လား။ ”သူက ရုတ်တရက်နားလည်သွားပြီး ကြက်လေးတစ်ကောင် အစာကောက်သလို ခေါင်းကို တဆတ်ဆတ်ညိမ့်လေတယ်။
“ နားလည်ပြီ... နားလည်ပြီ။ ”
သူက ငါပြောသလို ကြိုးတုပ်လိုက်ပြီး ရှက်ကိုးရှက်ကန်းပုံနဲ့ တစ်ဖက်ကြိုးစကို ဆွဲတယ်။
“ ဒါဆို …… သွားကြတော့မလား။ ”
ငါလည်း ပျော်ပျော်ရွှင်ရွှင်ပဲ ပြန်ဖြေလိုက်တယ်။
“ သွားစို့ !”တကယ်ကို မလွယ်တာပဲ !
နောက်ဆုံးတော့ နဂါးအဖမ်းခံခြင်းလမ်းကတော့ စတင်ခဲ့ပြီ။
နောက်ဆုံးတော့ ငါ့ဘဝတာဝန်ရဲ့ အရေးကြီးဆုံးအပိုင်းလေးက ပြီးဆုံးသွားခဲ့ပြီ။
ငါ မျက်ရည်တွေကျလာပြီး ငါကြီးပြင်းခဲ့မြို့လေးကို ပြန်လှည့်ကြည့်ချင်လာမိတယ်။
အာ...
သူက ဘာလိုလုပ် ငါ့အနောက်မှာ ရောက်နေရတာလဲ။
နဂါးလေးကို လှည့်ကြည့်လိုက်တော့ ဟောဟဲလိုက်နေတယ်။ သူက မျက်ရည်အပြည့်နဲ့ မျက်လုံးတွေနဲ့ ညည်းညူလာတယ်။
“ အစ်မကြီး နည်းနည်းလောက်ပိုနှေးပြီး လျှောက်လို့မရတော့ဘူးလား ? ကျွန်တော် မလိုက်နိုင်တော့ဘူး။ ”
YOU ARE READING
အတင်းအဖျင်း! အရှက်မရှိတဲ့ မင်းသားနဲ့ နဂါးတို့အတွဲ ✔️
FantasyTitle Gossip! The Prince and the Dragon, That Shameless Couple အတင်းအဖျင်း! အရှက်မရှိတဲ့ မင်းသားနဲ့ နဂါးတို့အတွဲ အတင္းအဖ်င္း! အရွက္မရွိတဲ့ မင္းသားနဲ႕ နဂါးတို႔အတြဲ Author 元甜 圆甜 English Translator Sleepy Potato Status in 14 Chapters +1 Extra (Comp...