မင်းသားလေးကို တွေ့ချင်တာကြောင့် ငါလည်း ရှေ့ဆက် အားကုန်လျှောက်လာခဲ့တယ်။
ငါတို့တွေ မှောင်တဲ့အထိ အချိန်အတော်ကြာ ခရီးဆက်ခဲ့ကြပြီးမှပဲ နှစ်ယောက်သား ညစာမစားရသေးဘူးဆိုတာ သတိရသွားတယ်။
ငါနည်းနည်းလေး အပြစ်ရှိသလိုခံစားသွားရပြီး နဂါးလေးကို တောင်းပန်လိုက်တယ်။
“ ငါ ... နင််ကို ဗိုက်ဆာလားလို့မေးရမှာ မေ့သွားတယ်။ ”
သူက ပညာရှိတစ်ယောက်လိုပုံစံနှင့် ခေါင်းကိုခါရင်း-
“ ရပါတယ်။ ကျွန်တော် မဆာသေးပါဘူး။ ”
ငါလည်း ရှေ့နောက်စဥ်းစားချင့်ချိန်ကြည့်ပြီး သူ့ကို အောက်ချပေးလိုက်တယ်။
ငါတို့က လမ်းမကြီးကမသွားဘဲ ဖြတ်လမ်းက လာခဲ့ကြတာကြောင့် အခုတော့ တောကြီးမျက်မည်းထဲမှာ လူသူအရိပ်အယောင် တစ်စလေးကိုတောင်မှ မတွေ့ရတော့ဘူး။
ငါ သူ့ကို မေလိုက်တယ်။
“ ပုံမှန်ဆို အစားအသောက်ပြဿနာကို နင် ဘယ်လိုဖြေရှင်းတတ်လဲ။ ”
သူက ရွေတစ်ပြားထုတ်ပြီး အေးအေးဆေးဆေးပဲ ပြန်ဖြေလာတယ်။
“ ကျွန်တော့်မှာ ပိုက်ဆံရှိတယ်လေ။ ”
ငါ့ကိုယ်က ငွေပြားလေးတွေကို အသာထိကြည့်လိုက်ရင်း သောကရောက်ကာ မနာလိုသွားရတော့တယ်။
Fuck.
သူက ငါ့ထက် ပိုလှ၊ ပိုချစ်ဖို့ကောင်းရုံတင်မကဘူး ငါ့ထက်လည်း ပိုချမ်းသာသေးတယ်။
ကောင်းကင်ဘုံက တကယ်ကို မတရားဘူး !
ဒါပေမယ့် လက်ရှိအခြေအနေက ဘာပိုက်ဆံမှ သုံးလို့ရမှာ မဟုတ်ဘူး။
ဘေးဘီကို နည်းနည်းလှည့်ပတ်ကြည့်ပြီး သားကောင်ဖမ်းပြီး စားကြဖို့ပဲ ဆုံးဖြတ်လိုက်ရတော့တယ်။
“ နင် ဒီမှာပဲ ထိုင်နေနော်၊ ဘယ်မှမသွားနဲ့၊ ငါ စားစရာသွားရှာလိုက်ဦးမယ်၊ ငါ့ကိုစောင့်နေနော်။ ”
နဂါးလေးက သစ်ရွက်ကြီးတစ်ရွက်ကိုကောက်ပြီး ငါ့နောက်ကနေ ထပ်ချပ်မကွာ လိုက်လာတယ်။
“ ကျွန်တော် ရေသွားရှာလိုက်မယ်လေ။ ”
ငါလည်း သစ်ရွက်ကိုလိပ်ပြီး ရေထည့်သောက်ဖူးပေမယ့်လို့ သစ်ရွက်နှင့် ရေစက်နည်းနည်းလေးကိုပဲ သောက်လို့ရပြီး ထည်သိမ်းထားလို့လည်း မရဘူးလေ။
နဂါးလေး ပူပန်နေတာလျော့သွားအောင် ငါနှစ်သိမ့်ပေးလိုက်တယ်။
“ ဒီအရွက်လေးနဲ့ အသုံးဝင်မှာမဟုတ်ဘူး။ ငါ့ဆီကို ဘာရေမှတောင် ပါမလာလောက်ဘူး။ နင့်ကိုယ်နင်သာ ဝအောင်သောက်စမ်းပါ။ ”
သူက မျက်လုံးလေပေကလပ်ပေကလပ်နှင့် သစ်ရွက်ကို ကျည်တောက်ပုံဘူးလေးလိုခေါက်လိုက်ပြီး ငါ့မျက်စိရှေ့မှာ ထောင်ပြကာ စစ်ကြည့်ခိုင်းတယ်။
“ ဒါဆို ရပြီလေ၊ အစ်မကြီး စိုးရိမ်စရာမလိုပါဘူး။ ”
……
အဲ့ဒီတော့ ငါကိုက တုံးလွန်းတာလား ???
ဘယ်လိုနဂါးက ဒါမျိုးလုပ်တတ်လို့လဲ။ သူက လက်မှုပညာလည်း တတ်တာပဲလား။
ဟွန့် !
ငါကိုယ်ငါ အထင်ကြီးနေမှုတွေက ပေါ်လာပြီး သူ့ကိုထားခဲ့ကာ လှည့်ထွက်ခဲ့လိုက်တယ်။
ဒါပေမယ့် ချီးကျူးခံချင်နေတဲ့ နဂါးပေါက်စမျက်နှာကို မြင်လိုက်ရတယ်။ ငါ့လည်း မနေနိုင်တော့ဘဲ သူ့ခေါင်းလေးကို ပုတ်ပေးပြီး ချီးကျူးပေးလိုက်ရတော့တာပေါ့။
“ သိပ်တော်တာပဲ ”
ရေခပ်ဖို့သွားရင်း နဂါးလေးမျက်လုံးလေးတွေက တောက်ပနေလေရဲ့။
ငါလည်း အသိပြန်ဝင်လာပြီး သက်ပြင်းမိသွားတော့တယ်။
အပေါ်ယံ အလိမ်အညာ ချီးကျူးစကားတွေကို အလေးအနက်မထားသင့်ဘူးလေ။
YOU ARE READING
အတင်းအဖျင်း! အရှက်မရှိတဲ့ မင်းသားနဲ့ နဂါးတို့အတွဲ ✔️
FantasyTitle Gossip! The Prince and the Dragon, That Shameless Couple အတင်းအဖျင်း! အရှက်မရှိတဲ့ မင်းသားနဲ့ နဂါးတို့အတွဲ အတင္းအဖ်င္း! အရွက္မရွိတဲ့ မင္းသားနဲ႕ နဂါးတို႔အတြဲ Author 元甜 圆甜 English Translator Sleepy Potato Status in 14 Chapters +1 Extra (Comp...
