မင်းသားကို တတ်နိုင်သမျှ အမြန်ဆုံးရှာဖို့နဲ့ တာဝန်တွေ ပြီးဆုံးဖို့ ငါ နဂါးလေးကိုချီရင်း မြန်နိုင်သမျှမြန်မြန် ရှေ့ဆက်ခဲ့တယ်။
တကယ်တော့ အိမ်ပြန်ပြီး ထီးနန်းဆက်ခံဖို့ လောနေမိတာပါ။
ငါတော့ တောထဲက အကောင်ငယ်လေးတွေကို စားနေရတာ ငြီးငွေ့လာပြီ။
ဒါ့ကြောင့် အရသာရှိတဲ့အစားအသောက်တွေကိုစားကြဖို့ နဂါးလေးနဲ့အတူ ဆုံးဖြတ်ခဲ့ကြတယ်။
ငါတို့နှစ်ယောက် လမ်းမကြီးဘက်ကို လှည့်လာကြတာပေါ့။
နောက်ဆုံးတော့ တည်းခိုဆောင်မှာအိပ်ပြီး ပုံမှန်အစားအသောက်တွေ စားနိုင်ခဲ့ပြီလေ။
အစားအသောက်တွေက နဂါးလေးချက်ပေးတာတွေလောက် အရသာမရှိပေမယ့် အနည်းဆုံးတော့ ငါကိုယ်တိုင် အမဲလိုက်စရာမလိုတော့ဘူး။
ပျော်ရွှင်မှုကိုရဖို့ တစ်ခုခုတော့ ပေးဆပ်ရမယ်။
အထူးသဖြင့် ငါတို့မှာ သုံးဖြုန်းစရာငွေ မရှိတော့တဲ့အခါမှာပေါ့။
ငါတို့သွားမယ့်နိုင်ငံက လက်တစ်ကမ်းအကွာအထိ နီးလာတာကိုတွေ့ကတည်းက ငါတို့ဗိုက်ဖြည့်ရအောင် စားသောက်ဆိုင်ကောင်းကောင်းရှာကြဖို့ စီစဥ်ထားကြပြီသား။
ငါ menu ကိုဆွဲယူရင်း ကန့်သတ်ချက်တွေအကုန်ဝဲပစ်လိုက်ပြီး အကုန်လုံးကို လက်ညှိုးထိုးပြလိုက်တယ်။
“ ဒီတစ်မျက်နှာရယ်၊ ဒီတစ်မျက်နှာနဲ့ ဒီတစ်မျက်နှာကို တစ်မျိုးတစ်ခုဆီ ချပေး ”
ဆိုင်ရှင်က ငါအရမ်းရက်ရာတာကိုမြင်တော့ သူမျက်လုံးတွေ မမြင်ရတော့တဲ့အထိ အားရပါးရ ပြုံးပြလာတယ်။
ငါတို့တွေ စားသောက်ဗိုက်ဖြည့်ပြီးတော့ နဂါးလေးက သူ့အင်္ကျီလက်ကိုလိမ်ရင်း ရှက်ကိုးရှက်ကန်းနဲ့ ပြောလာတယ်။
“ အစ်မကြီး ကျွန်တော့်ရွှေပြားတွေ ကုန်သွားပြီလား။ ”
အာ
ငါ မျက်လုံးပြူးသွားတယ်။
“ အကုန်သုံးလိုက်ပြီလား ”
ပြောရင်းနဲ့ ငါစားထားတာတွေကို တွက်ကြည့်လိုက်တယ်။ ကြက်သား၊ ဘဲသား၊ ငါး၊ ဆိတ်သား၊ ယုန်သားနဲ့ အမဲသားရောပဲ ……
နဂါးလေးကတော့ အများကြီးမစားလိုက်တဲ့ပုံပဲ …
ငါ ကိုးရိုးကားရားနဲ့ ချောင်းဟန့်လိုက်ပြီး ငါ့မှာပါတဲ့ ငွေတွေကို ကပျာကယာရှာလိုက်တယ်။
ငွေပြားရှစ်ပြား
မလောက်တာ ကျိန်းသေတာပေါ့
နဂါးလေးက နှုတ်ခမ်းကိုကိုက်ရင်း
“ ကျွန်တော် တစ်ယောက်ယောက်ကို သွားရှာပြီး ပိုက်ဆံချေးလိုက်သင့်လား။ ”
ငါ လက်ယမ်းလိုက်ကာ
“ နင်က ဒီနေရာရော၊ ဒီကလူတွေနဲ့ရော မရင်းနှီးဘဲနဲ့ ဘယ်နေရာက လူဆီကနေ ပိုက်ဆံသွားချေးမှာလဲ။ ”
ငါ တည်ငြိမ်စွာနဲ့ ထရပ်လိုက်တယ်။
“ ကြည့်ရတာ အခု ငါ့ရဲ့ အလှတရားတွေကို ရောင်းစားရတော့မှာပေါ့ ”
“ နေပါဦး ကျွန်တော် ဆိုင်ရှင်နဲ့ စကားပြောကြည့်ပါဦးမယ်။ ”
ဆိုင်ရှင်က ငါငွေရှင်းဖို့လာတယ်ထင်ပြီး ပြုံးပြီး ဘောင်ချာကို ကမ်းပေးလာတယ်။
“ မဒမ်... ငွေပြား ၃၂ ပြားကျပါတယ် ”
ငါ ဘောင်ချာကိုကြည့်ရင် ဆိုင်ရှင်ဆီကို နုနုညံ့ညံ့လေး ပြုံးပြလိုက်တယ်။
ဆိုင်ရှင်ကလည်း ငါ့ကို ကြင်ကြင်နာနာလေး ပြန်ပြုံးပြရှာပါတယ်။
“ ဒါက .……”
ငါ့စကားတွေက ပြောမထွက်တော့ဘူး။
“…… အကြွေးပေးလို့ရလား ”
……
“ ဟေး ဟေး ဟေ့ ရှင် ဒီလိုလုပ်လို့မရဘူးလေ ဘာမှမပြောနိုင်ရင်တောင် လုံခြုံရေးကို မခေါ်နဲ့လေ.... ဟေ့... ကယ်ကြပါဦး... နဂါးလေးရေ ငါ့ကိုလာကယ်ပါဦး !”
……
Ugh.
အရှက်ကွဲတဲ့နေ့ပဲ
[T\N: Prince is coming . 😎]
YOU ARE READING
အတင်းအဖျင်း! အရှက်မရှိတဲ့ မင်းသားနဲ့ နဂါးတို့အတွဲ ✔️
FantasyTitle Gossip! The Prince and the Dragon, That Shameless Couple အတင်းအဖျင်း! အရှက်မရှိတဲ့ မင်းသားနဲ့ နဂါးတို့အတွဲ အတင္းအဖ်င္း! အရွက္မရွိတဲ့ မင္းသားနဲ႕ နဂါးတို႔အတြဲ Author 元甜 圆甜 English Translator Sleepy Potato Status in 14 Chapters +1 Extra (Comp...
