Together Forever||معاً للأبد {Jikook}

مش بارت بس اقرأوه

دا مش بارت بس هتكلم في حاجة عشان بتضايقني
خدت بالي ان بئا في كذا حد تعليقاته كلها مش حلوة وعادي بتحصل مش دي المشكلة المشكلة لو هتقعد كل مرة تعملها وتفترض اتفراضات غلط عني وعن القصة بتاعتي وانت لسة في نصها متعرفش الحصل بعدين عشان تتكلم وبرضه في كذا حد بيفضل يعلق على شخصية جيمين انا عارفة انها مش حلوة بس خلاص هي دي شخصيته من البداية مش عارفة اغيرها كل مخططاتي مشيت في اتجاه مختلف عشان شخصيته مش هعرف اجي دلوقتي واغير حاجة هو المفروض في القصة شخصيته تبئا عاملة كدا

وفي برضه كذا حد بيعلق على الأخطاء الإملائية طب ما اي حد بيغلط وهو بيكتب عادي من ورايا حاجات تانية اعملها وورايا حياة مش هقعد امسك القصة سطر سطر واشوف الغلط واصلحه انا بعمل الاقدر عليه المش هيقدره مش مشكلة بس متوجعش دماغي بتعليقاتك الكريهة وانا قعدت ليالي سهرانة بحماس بكتبها وبحبها وفي المقابل الاقي كدا انت كدا بتقفلني من القصة وبتخليني مش عايزة اكملها انا اغلب التعليقات عندي مش بتبئا حلوة او مش حاجة تفرح اليقرأها ساعات بتبئا محرجة ليا ساعات كلها انتقادات عن القصة وعن جيمين وبصراحة مش هغير فيها حاجة لان دا الانا خططه للقصة وهي كدا عجباني

مع العلم ان القصة دي كانت اول قصة ليا اكتبها هنا فعشان كدا معنديش خبرة في الكتابة لا كتابتي حلوة ولا السرد حلو وفي أخطاء إملائية عادي

القصة دي انا بكتب فيها من شهر مايو ٢٠١٩ ونزلت مش فاكرة كام بالضبط بس نزلت في ٢٠٢٠ فا القصة قديمة معايا وليا ذكرايات كتير معاها وغالية عليا عشان كدا معلش مش قادرة اغير فيها حاجة وخلال القصة كبرت شوية افكاري اتغيرت شخصيتي اتغيرت بس حاولت اني مبعدش عن القصة واكملها فبالتالي اول القصة مختلف عن اخرها كل حاجة اختلفت

في الاخر المش حابب القصة بإحترام وهدوء يمسحها من عنده في مليون قصة غيرها انت مش مجبر تقرأ قصة مش عجباك واحنا هنا لغرض المرح فقط ولو هتقرأها وهي مش عجباك لأي سبب اينجوي انت حر لكن خلي بالك من تعليقاتك عشان الناس مش خدامة تحت رجلك

والعجباه وهي كدا اهلا وسهلا وانا لسة مش مخططلها نهاية فبكتب وقت ما تجيلي افكار