مر أول اسبوع هادي دون أي أحداث مهمه، اندمج صمت مع قروب الدوام باستثناء جاسر اللي ما مر يوم دون ما يرمي كلمه او يضايقه وما كان يلقى اي ردة فعل.
دخل الشركه وقابله رائد: صباح الخير.
أبتسم بهدوء : صباح النور.
رائد: اسف أزعجتك من الصباح بس ممكن تجين معي المكتب فيه كم تعديل على التصاميم حقتك.
صمت" الكذب واضح بعيونه لو يبغى اي تعديل كان وجهه كلامه لجاسر كل العاده" : حاضر.
مشى معاه لين وصل المكتب وسحب كرسي وحطه جنب كرسيه.
فهم صمت الحركه فدخل يده بجيب الشنطه وهو يطلع فلاش دون ما ينتبه رائد وحطها عالكرسي المقابل للمكتب" ذي فرصتي الوحيده، معليش تحمل صمت"
جلس رائد وجلس جنبه صمت وهو يطالع الشاشه وتكلم رائد: التصاميم جيده وفوق الجيده لكن حسيت بالزاويه ذي لازم يكون مكان الشعار.
رفع صمت يده متعمد وأشر على زاويه اخرى: اقدر اخليه هنا لو كان بيناسب اكثر.
ابتسم بخبث رائد وحط يده فوق يد صمت وقعد يحركها على الشاشه ويشرح استغل صمت عدم تركيزه وشبك الفلاش دون ما ينتبه.
سحب يده بهدوء عشان يقدر يكتب: بس كذا لازم اعيد الشغل من البدايه.
ألتفت له رائد وحط يده على فخذ صمت وربت عليه: أعرف انك قدها باسمح لك تاخذين اليوم كله عشان تخلصينها.
صمت وهو على وشك يستفرغ" الله يلعنك يا متخلف" جا بيكتب بس طلع جهازه صوت بان الفلاش خلص نقل البيانات رفع وجهه وابتسم وسحب الفلاش وهو يوقف وكتب: لازم اروح اشحنه.
ضحك رائد : المره الجايه بتعلم لغه الاشاره لعيونك عشان لو طفى ما نقطع كلامنا.
ابتسم صمت واخذ شنطته وطلع وهو ما بقى لعنه ما دعاها، جلس عالمكتب وهو عصبيه الدنيا كلها فيها متجاهل كلامهم وحط سماعاته على طول.
عقد عمار حواجبه : شكله يوم سيء.
جاسر باستهزاء: ممكن الدوره.
استحى صالح وهو يطالع بجاسر: عيب!!!
جاسر: عادي شفيك! خلني اسالها.
عمار بحده: جاسر!
طنشه جاسر وسحب ورقه كورها ورماها على على جهة صمت اللي صدم الكل ومسكها وهو يطالع اتجاه جاسر بنظرات حاده.
أنت تقرأ
هُدوء|TBxB.
Random" نوع الروايه تومبوي x بوي"⚠️ كُل هذا الصمت قد يبدو مخيفًا للوهلة الأولى، لكن عندما تنصت للضوضاء سيبدو الصمت أشد وطئ عليك من صوت الحقيقه الصاخب.
