♥بين المــاضي والحــاضر 🌹♥ || المتاهة || ♥ 🌹( كرونيك باللهجة التونسية )

🍇الحلقة الاولى 🍇

أجمل شعور في الحياة تكون عايش بين عائلتك و أحبابك و هذه نعمة من الله ، لكن الكمال لله ،خاطر فما إلي عايش يتيم ، مكانه دار الأيتام ، أمه و بوه المربين ، إخوته هم أطفال الميتم ، ما عندوش لقب ،يكبر و أسئلة في مخه ، هو شكون؟ عاىلته وينهم؟ علاش تخلاو عليه؟ و فما إلي يتمنى يكون عنده صغير يملى عليه الدار و يونسه،هكذا حياة البعض ...

__________________

الحلقه الأولى:

م.١:

كل البدايات جميلة...

10 جوان 2019، 6 متاع الصباح ، حال صيف السماء صافية و البحر لونه أزرق جمال المنظر لا يصف تقول جنة سبحان الخالق ، إلي قاصد ربي للخدمة و إلي هاز ولده للقراية ... هكذا تسير الحياة ، خرجت نور تجري على ساحل البحر كيما العادة كل صباح ، تتأمل منظر الشروق إلي يحسسها بالطمأنينة من أجمل المناظر إلي تراها العين و تبدأ بيها يومك بطاقة إيجابية.

اه ما حكيتلكمش شكون نور ؟ نور مرأة قوية برشا ناضلت باش نجمت تكمل تعيش بشموخ و رأس مرفوع رغم إلي تعرضت لأكبر خيانة في حياتها و في قلبها جرح كبير ... بيضاء البشرة ، محجبة، لون عينيها بني فاتح تقعد تخزرلهم و ما تشبعش من جمالهم لكن فيهم حزن كبيير ، طولها 1,68 توزن 53 محافظة على رشاقتها عندها الرياضة من أولويات حياتها ، مغرومة بركوب الخيل و التخييم ، قلبها أبيض و حنينة تعاون كل محتاج و ما تحبش الظلم ، تعيش مع الأب يوسف و الأم عائشة إلي رباوها في منزل صغير و بسيط لكن تحبه برشا عندها فيه ذكريات ...

م.2:

نور : صباح الخير عم حمد

العم أحمد ( عطار الحومة) : نهارك زين بنتي الغالية

نور: شنوة أحوالك الصحة بخير؟

العم أحمد : الحمدلله بخير عيش بنتي ، هاو الحليب و الخبز متاع العادة حاضر.

نور: عيشك عم حمد

العم أحمد: سلم على سي يوسف و للا عائشة

نور: يبلغ ، ربي يعينك .

م.3:

هكا و هي راجعة للدار كل نساء و أطفال و رجال الحومة يصبحو عليها ، يحترموها برشا،ملي بدأت تعيش في الحومة تبدلت حياتهم للأحسن ، تعاون الكبير و الصغير و كانت عندها نقطة ضغف الصغار "خط أحمر" ...

م.4:

نور: أنا جييت

الأم عائشة: صباح ورد و ياسمين بنتي .

نور: نهارك فل يا أغلى و أحن أم بالدنيا , جبتلك الورد ياحلى وردة .

الأم عائشة: عيش بنتي عمرك ما تنساني كل صباح تفرحني .