♥بين المــاضي والحــاضر 🌹♥ || المتاهة || ♥ 🌹( كرونيك باللهجة التونسية )

🍇الحلقة الرابعة🍇

الحلقة الرابعة:

مفاجأة تستنى فيه  وين كان مكتوب  " WELCOME DADDY"

آدم: ما فهمتش !!!، أنا .. أنا .. قصدي إنت enceinte ؟ اناا باش نولي بوو!؟ ... تحكي بلحق ، ماكش تفدلك ؟

نور: أي ...أي.. أنا حبلة ...روحي باش يجينا بنبينوو... باش نوليو ثلاثة

آدم دموعه هابطة وحدها دموع الفرحة حمل نورر و يدوور بيها  " أنا باش نولي بووو... بووو ياربي الحمدلله... راني باش نولي بووو... قطعة مني.... من لحمي ودمي.

كانت فرحتهم لا توصف ، و بدأت رحلة الوحم ، هكا هكا بيها ما يخليها تمس شيء لتطلب تلقى ...

مرة الحال شتاء  و مع نص الليل :

نور: آدم ! آدم! تي قووم

آدم: شفما باش تولد ، هيا نهزك

نور: ههه مازلت في الشهر الثالث ولادة شنوة

آدم: شبي حبي

نور: شاهية عنب 😋

آدم: نور عنبب في ها الوقت وين باش نلقى ؟!

نور: ما يهمنيش نحب عنب

آدم: روحي خلي الصباح رباح

نور: نحب تو تو ! ياخي تحب تجي في ولدك شهوة في وجهه !

آدم: اسكت بركك هاني خارج

نور: وين على خيير؟

آدم : باش نجيبلك العنب

نور: أي ستنى نحب نمشي معاك

آدم: وينن باش تمشي طقس بارد عليك ، تو فيسع نجي ما نبطاش

نور: قتلك لااا نحب نمشي معاااك

آدم مغلوب على امرو : اوك هياا ههه

خرجوا في هاك الليل ... يدور مسيكن من بلاصة لبلاصة حتى لقا لعنب خرج فرحان مشا للكرهبة
آدم: حبي لقييت لعنب ، أي خوو

نور: 😴😴😴

آدم: هياا قووم ، جبتلك شهوتك

نور: لا ما عادش عيني ، خليني راقدة

مسيكن آدم باش يوقف قلبه هههه لكن عندو على قلبو أحلى مالعسل ، مدللها و ياخو بخاطرها ، وصلوا للدار حملها و حطها في الفرش ، راقدة تقول بيبي

آدم يمسح على شعرها : محلاااك في كل حالاتك ، ربي يخليك ليا و لا يحرمني منك و نفرحوا بجيت ولدنا على الدنيا ...)

في الوقت الحالي :

نور: الماضي عمره ما يتنسى و أنا مانيش باش ننساك ولدي الغالي
رد بالك على روحك ولدي أنا ماشية للميتم ...

في الميتم :

أطفال الميتم: طاطا نور جات.. طاطا نور جات .

كل جمعة تمشيلهم تعدي نهار معاهم و تكون سند ليهم و تفرحهم تحاول تعوضلهم شوي مالحرمان و الفقدان إلي عايشينو بم إنو تعرف شعورهم... ماهي عاشت يتيمة .

كان فما ولد نور تحبه برشا لدرجة يخرج معاها ديما ، كانت تحاول تعوض فقدان ولدها ... ولد شباب يهبل بالزين أبيض عينيه خضر و شعره أصفر تقول ڨاوري ، يحب نور برشاا متعلق بيها ساعات يكلموها مالميتم في ليل يقولولها يبكي عليك تخرج تجري تمشيلوا من غير ما تخمم ، عندها قلب أبيض و حنين

مالك: طاطا نحب نخرج نمشي للألعاب و ناكل هامبورغر

نور: تدلل ولدي، هياااااا

خرجوا تفرهدوا لعب ، عمل جو كيما العادة لين جاه نوم رقد ، رجعاته لبيته و حطاطه في فرشو باسته و روحت ...

قامت الصباح مقررة تخرج للتخييم من جديد لازم ترجع لحياتها الطبيعية ، لبست sport وواكييد لونها أسود  ، هزت عدتها و قصدت ربي  لبلاصة العادة دوب وصلت انتبهت فما جرت صباط ، ذكية ما تتعداش عليها، بدات تحضر في الخيمة لكن حاسة فما حاجة مش عادية، عملت روحها مش لهنا و ركحت جوها جا ليل و رقدت وفما شكون يمشي بشوي مسلح ...هو هكاكا وهي حطت سلاح في راسه من تالي ...سمعتو يقلها : كي تهز سلاحك تضرب بيه مترجعهوش

نور :  مش من مبادئي نضرب مالقفا دورلي ونتفاهمو ...
لكن ... كي دار...تصدمت !