♥بين المــاضي والحــاضر 🌹♥ || المتاهة || ♥ 🌹( كرونيك باللهجة التونسية )

🍇الحلقة الثالثة 🍇

الحلقه الثالثه:

تلقا آدم يستنى فيها مشاتله تجري على حافة البحيرة

نور: روحي لباس؟ وين كنت تفجعت عليك

آدم يخزرلها وعينيه يلمعوا حب وفرحة ، زين البلاصة تقول في حلمة ضوء و ورد و... ، هبط على ركبة و نص و قالها:

آدم: تقبل تكون حلالي و شريكة حياتي و ام أولادي؟ تقبل  تعرس بيا؟

تخزر لعينيه و تقرأ الفرحة و الحب إلي فيهم ، حطت ايدها على خده و مشتها على لحيته
نور: نقبل أي نقبل أي نقبللللللللل

آدم مالفرحة عيط ... لبسها الخاتم ...باسها من جبينها و حملها و  يدور بيها :  مرتي مرتي صغرونتي ...باش تولي مرتي... حلاالي.. يا رب الحمدلله... نحبك نحببك نمووت علييك نعشقكك ، نوعدك باش نكون معاك على الحلوة و المرة لآخر نفس في حياتي و ما نخليكش مهما يصير .

كانوا طايرين بالفرحة... لكن... لهنا باش تتقلب حياتهم ! فما برشا  كانوا ضدهم مالاول بحكم يخدموا في المخابرات عندهم أولويات العمل قبل كل شيء !

نور: و أنا نحبكككك ، نوعدك باش نكون معاك في كل لحظة و ما نتخلاش عليك

كانت أحلى ليلة يعيشوها ملي تولدوا ، ليلة كاملة و آدم قاعد قدام خيمة نور خايف عليها لين جاء الصباح فاقت لقاته يستنى فيها و حظر الفطور و هكا هكا بيها ، فطروا و روحوا وقيت يرجعوا للخدمة و يبداو يحضروا لعرسهم).
♥✴♥
الوقت الحالي :

هذا إلي عاشته نور في أحلى لحظة في حياتها تفكرت كل التفاصيل مانسات شئ ....بعد استغفرت و روحت للدار

نور: أنا جييت أمي بابا وينكم

الأب يوسف: مرحبا بنتي

الأم عائشة: أهلا بنتي

نور: ممم شنوة هالروايح لبنينة ، باش ندوخ من الجوع نطلع نبدل دبشي و نصلي و نجي .

طلعت بدلت دبشها  وصلت وختمتها بدعاء صغير

نور: اللهم ارح قلبي اللهم لا تبتليني بمصيبتي اللهم ارح بالي  امين يا رب العالمين 🤲

تعشاو و كيما العادة سهروا و فدلكو و كيف كل ليلة تطلع نور ترقد و في قلبها جرح كبير الليل يطيح و هي تتفكر كل شيء الوحدة ، الخيانة، الصدمة، التضحية، الكذب ، برشا مشاعر تسيطر على تفكيرها لكن ديما تستغفر و تقول الحمدلله على كل حال.

♥✴✴♥

صباح جديد و يوم جديد ، نهار الجمعة و كيف كل جمعة تخرج صباح بكري تمشي تزور قبر ولدها... أي أي... نور عندها ولد إسمه "جود" توفى عنده خمسة سنين تشوت عليه تعدات بأصعب أيامات في حياتها ، ديما تزوره و تحكيله إلي في قلبها 💔

نور ( وهي ع القبر ): السلام عليكم ماما روحي ، توحشتككككك نعرف بطيت عليك سامحني كبدي أما جيتك كيما العادة و جبتلك ورد لونه أبيض و أزرق مرة هذه ريحته بنيينة ، خليني نزرعهم و نسقيهم .... عجبوك ماما ؟ مانيش نبكي عيني توجع فيا ،
تمنيت نشوف وجهك و نبوسك نحملك و نقلك ولدي من لحمي و دمي قطعة مني إنت فرحتي إنت حياتي و دنتي إنت نور عينايا ، تمنيت نشم ريحتك نعنقك نحطك عندي نخبيك و نحميك لكن ربي حبك ....الحمدلله ، إنت جيت و مشيت فيسع ما شفتكش أما نتذكر صوتك أول ما تولدت سمعت بكيتك و كاينك تقلي سامحني ماما تعبتك أنا هاني جيت أما راني ماشي مانيش مطول تمنييت نحل قلبي و نحطك لداخل نخبيييك عندي ، يا الله يا الله... الحمدلله على كل حال، اللهم الهمني الصبر ...

رجعت بيها الذاكرة من جديد وسرحت مع الماضي
♥✴✴♥

قبل سنوات

(نور: أحلى نهار في حياتي ، كيفاش باش نقول لادم رويجلي ...

تضحك و تبكي في نفس الوقت مالفرحة ، فرحة لا توصف

نور: يا رب الحمدلله إلي خليتني نعيش نهار كيف هكا الحمدلله على نعمه ، لازم نهار ليوم يكون spécial اممم شنوة نعمل زعمة ، نكلم آدم؟ لا لا ، نمشيلوا للخدمة؟ حتى هذه لاااا ... امم لقيتهاا

✴✴✴
ع التاليفون

نور: الوو روحي

آدم: حبيبي اناا متوحشك تو كنت نخمم فيك

نور: حتى أنا

آدم: شبيه صوتك لباس؟

نور: لا مانيش لباس

آدم: نور شفما ؟

نور: دايخة شوي يمكن سكر طاحلي

آدم: لطف عليك قلبي هاني جاي تو

نور: اوك

خرج ادم عجاجة يخاف عليها من دڨة الشوكة ، وصل دخل يجري للدار يلقا .....