♥بين المــاضي والحــاضر 🌹♥ || المتاهة || ♥ 🌹( كرونيك باللهجة التونسية )

🍇الحلقة التاسعة 🍇

الحلقة التاسعة: 

سليم: هذا باش يقتله خاطر النوري في الميناء

فهمو إلي هو كان باش يسكت معتز واكاهاو

النوري: ما تخلوا حتى اثر بعد ما تقتلوه ، ما نحبش تصير حتى مشكلة مفهووم ، والا حسابكم معايا

جهاد( اليد اليمنى لنوري): حاضر سي النوري

هما اكاكا ودخل عليهم آدم
آدم: يا نوري يا نوري ما كنتش نعرف اخرتك باش تكون ساهلة هكا

النوري  مصدوم : منين دخلت إنت ، يا بهايم وين الرجال ؟
يدور كيف المجنون وادم يتبسم بشماتة

وكملت دخلت نور: رجالك انتقلوا إلى جوار ربهم

آدم وهو يجبد عليه بالدم البارد :  نور شنوة قال ذكرني؟

نور: قال ندمكم على النهار إلي تولدنا فيه و نخليكم عبرة

آدم: اااه تذكرت ، أما مش كاينه نسى حاجة

نور وهي تضحك :  أي نسى إلي نحنا ما نعرفوش وقتاش تولدنا هههه

النوري اعصابو على آخرها :  أنتم شكون ؟ ياخي كي باش تقتلوني باش تترتاحوا ، لااااا إلا ما تخززوا في الحبس .

آدم وهو يمثل دور الحساس : هههه تخممش علينا ابكي على همك

كمال (عرف نور و آدم سابقا): هبطوا سلاحكم

بعد خمس سنين  اكتشفو انو  عرفهم و يعرفهم فين  لكن السؤال كيفاش عرف ؟

آدم بصدمة : إنت !

كمال: عيش ولدي هبط سلاحك

آدم بغش :  إنت آخر واحد يقلي شنوة نعمل ، اخرج و ما تدخلش خير

نور تخزر لكمال بشطر عين : إن شاء الله خير ، ريتنا في منامك

كمال : نور تعرف إلي أنتم كيف ولادي و نخاف عليكم

نور : لا ما نعرفش

آدم: اخطاك منو نور ، هذا همه أنا لكن باش يجي نهار و يتسكر الحساب

كمال: آدم ما تتهورش ، رد بالك تقتله ، آدم أصلا ما تنجمش تقتله

آدم: علاه ؟ باش ندخل حبس ههه ، أنا في حبس عندي خمسة سنين ، شنية باش يتبدل

كمال: لا يا آدم ما تنجمش تقتله خاطره ...

آدم : خاطره شاد عليك دوسيات ؟ شنوة الفرق بينك و بينه

نور: كمال ابعد و خلينا نتصرفوا نحنا

كمال: نور مش بالسهولة هذه تقتلوه ، فما حقائق ما تعرفوهاش

نور: علاش

كمال: مش النوري هدفنا

آدم: كيفاش ؟!!!

كمال: الراس الكبير حد ما يعرفه

آدم: يعني تحب تلقاه على حسابنا ههه

كمال: لا ، أنا نحب نحميكم

آدم: هههه تحبني نصدق ، تأثرت ...

آدم عنده حساب كبير مع كمال مازال ما تسكرش ، نهار إلي ولدت نور و توفى الصغير ، قام آدم بالدفن و بعد تخطف من ناس ما يعرفهمش ، عذبوه بأبشع طرق التعذيب  وشاف الويل

فلاش باك

( آدم: سيب ، تي سيب ، شكون إنتم؟!

واحد ضربه وراء راسه فقد الوعي ماعاد حاسس بشي و كي فاق يلقا روحه مربوط بسلاسل من ايديه و ساقيه و راجل ملثم  واقف قدامه

الملثم: و أخيرا فقت ، صحة النوم

آدم بتعب : كلب شكون إنت

الملثم: تبعد على نور و لا نخلطوها على جود

آدم صاح بعصب ووجيعة :  يااا واطي ، أنتم قتلتولي ولدي ، شنوة تحبو من بيبي ، يا مرضى ، وليتو تاجرو بالصغار ، إلا ما ندمكم على النهار إلي تولدتو فيه ، سيب سيب سييييببني

الملثم: يا تبعد و تنساها يا نقتلوها ، باش نخليك لغدوة تخمم مليح نرجع نلقاك قررت

آدم: يا حيوان ، مش أنا إلي نتهدد ، جبت اخرتك بإيدك

رجعوا لتعذيبه ، مرمدوه مسيكن لين فقد الوعي ، تحمل برشا حتى استسلم بعد ما وروه فيديو لنور و حاطين السلاح في راسها خاف برشا عليها وقتها ...كانت هي حياته ، قرر يبعد عليها ، ختار تكرهه نور المهم تقعد عايشة .

بعدها بايام سيبوه وهو مشى لكمال قلب دنيا غادي .. كسر كل شئ في الإدارة ، كيفاش ما يوفروش حماية لنور و يقتلوا ولده وهما يتفرجو

كمال: ولدي مش عارفين كيفاش صار تجاوز كيف هكا

آدم: أنتم كي بيكم كي بلاش ، أنتم أعدائي ماليوم ، كمال إنت مخبي حاجة عليا، لكن تو نعرفها ، إن شاء الله ما عندكش ايد في الحكاية ، خرج في حالة غش و توتر اول مرة يعجز باش يحمي نور و زيد قهرته زادت كي ولده تقتل

كمال كان يعرف بكل شيء ، كان ضد علاقتهم و عرسهم، همه الوحيد المنظمة و المهمات ، ما يهمهوش في مشاعرهم .

يحي ( مساعد كمال) : سي كمال زعمة  ادم صدق

كمال: هو من غشه مش عارف شنوة يعمل ، خايف إلي خططناله ما يصيرش ونفشلو

يحي : مجرد شكوك في راسه مستحيل يعرف إلي إنت خطفته

كمال: آدم ذكي ينجم يفهم كل شيء

من يومها ادم قرر ينعزل بعيييد  و إلي خططله كمال طاح في الماء وتبخر في الهواء ، وكمال مدة خمسة سنين يمشي و يجي على نور و آدم لكن حتى واحد ما رجع للمنظمة )