عشق العاصم

البارت العاشر 🍂🧡

ليتني حجر لا أحن الى أي شيء فلا امس يمضي , ولا الغدُ يأتي ولا حاضري يتقدمُ او يتراجعُ لاشيء يحدُثُ لي . (محمود درويش) 🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂🍂
تنظر حولها بصمت شديد والحزن يعبر عن وجهها وتكاد عينيها ان تسيل الدمع ولكنها صامدة
ياترى انا هعرف ارجع تاني ولا لا ربنا يسترها واعرف ارجع ومعايا الامانة .
هلا ومرحبا بالباشا يام عندنان فرجيها غرفتها .
سلين/ تسلم يابو عندنان قبل مااتفرج علي الاوضه  عاوزه اطلع اتفرج علي المكان
عشان اعرف بس المداخل والمخارج .
ابو عدنان/ الحين صعب مشان العساكر اتركيها لبعد الفجر .
سلين/ طيب ماشي هدخل الاوضه بقا
ابو عدنان / ياهلا
غرفه متوسطه يتوسطها فراش كبير وعلى الجنب مراّه وبها بعض العطور وخزانه ملابس
تبتسم لرائحة الغرفه والمكان كم كنت اتمنى ان ازور هذه
البلد فلها رائحه غريبة تُشهي
وهواءٌ يلقف الوجه بنسماته الحنونه نعم هي فلسطين الحبيبة .
تتحدث عبر تطبيق الواتس اب
سلين / متتخيلش قد ايه الجو هنا حلو لا والناس يمازن حقيقي علي وشهم الطييبه والحنيه .
مازن / ايوا ياسيدي منتي في فلسطين بقا بس انتي مجنونه والله عقلك كان فين يابنتي
سلين / لازم دا يحصل وأنت عارف إني ماسكه المهمه دي من زمان وجه الوقت اليّ نخلصها
مازن/ بتحبيه!
تتفاجأ بكلمته وتحادث نفسها للدرجادي باين عليا
مازن/ روحتي فين مكنتش كلمه دي وعلي فكره باين عليكي اووي ومتنكريش
سلين / وبعدهالك يمازن هتحقق معايا ولا ايه وبعدين من قبل معرف عاصم أنا كنت شغاله علي القضيه دي وحرام الست بقاالها عشر سنين محرومه من ابنها والحمدلله اننا لاقيناها عايشه
مازن / تفتكري عاصم هيغفرلك لما يعرف انك بتدوري على مامته
سلين / مش عارفه دا الي مخوفني بس سيبها لربنا وادعيلي ربنا يعديها علي خير وارجع بيها
مازن / إن شاء الله انتي جدعه وطيبه واكيد ربنا هيكرمك يحضره الظابط
سلين / ههههههه حلوة طيبه دي انت خدت عليا اويي
مازن / اسكتي عاصم كل شويه يسأل عنك وهيفرقع
سلين / اعوذ بالله مش هيهدا الي لما يعرف انا فين , مازن اوعي يعرف مش ضامنه ممكن
يعمل ايه مجنون وممكن يجيلي  ولو المهمه فشلت وانا مت قوله اني كنت بحاول افرحه
وتحاولو ترجعو والدته .
مازن/ بتسمعي افلام هندي صح
ياخيتي الطعام جاهز
سلين / حاضر ياام عدنان جايه , طب سلام يمازن الناس بينادولي لما اخلص هكلمك
مازن / خلاص ماشي سلام
تغلق الهاتف وتخرج لكي تتناول الطعام .
علي الجانب الاخر في مطار لندن يتجه الي بوابه المطار وينظر حوله بقمته الشديد لم يجد
سائقه يظل يتنهد / سايب حالي ومحتالي عشان اجي وراكي ياست سلين منشوف اخرتها .
ثم يلوح لسائق التاكسي المار من امامه ويملي عليه العنوان ويذهبا الي وجهتهم .
بعد بضع من الساعات يصل الي قصره
ويصعد مباشرة الي غرفته ينتظر هاتفه ينفخ بشده انا مش لسه هستنى
يبحث عن رقم هاتف ويهم أن يتصل لكن يرن هاتفه /قول الي عندك
/........
/مجتش اصلا
يبتسم بسخريه/ تمام
تحمر عيناه وينظر أمامه / الهانم بتستغفلني ومازن الكلب اكيد تبعنا ورحمه امي لو طلع الكلام دا صح لهطربق الدنيا فوق دماغهم .
............................................................
مدرية أمن القاهرة
اللواء حسين / سلين تتأمن كويس لو حصل اي غلط متلومش غير نفسك.
يدق الباب ويدخل بهدوء
اللواء حسين / خلص الي قولتلك عليه
يغلق الهاتف / اهلا يعاصم تعالي اقعد ليك وحشه
عاصم بجديه / انا لسه جاي من لندن عليك
اللواء حسين / ليه بس كنت ارتاح شويه وابقي تعالي
عاصم / سلين فين
ينظر له / سلين مين .
عاصم / متخلنيش انسى انك في مقام أبويا والي مربيني .
اللواء حسين / فيه ايه ياسيادة الرائد انتباه
عاصم / تمام يفندم .
اللواء حسين باستفزاز / قولتلي بقا مين سلين.
عاصم بغيظ شديد / سلين الي بعتوها ليا مش نايم علي ودني انا.
اللواء حسين /غلطان هنبعتلك ليه حد مهو مازن معاك اول بأول وعارفين كل حاجه
عاصم / لا مش كل حاجه يباشا في لزوم السكر والشاي .
اللواء حسين/ بقيت بيئه يعاصم اقعد اقعد هطلبك لمون ساقع تروق دمك .
عاصم / مش عاوز انا ماشي بس قولها لو شوفتها مش هرحمها وياريت مترجعليش من المكان الي راحتله سلام ياباشا .
اللواء حسين / ياعيني عليكي ياسلين صدقتي لما قولتي عاصم لا .
...............................................
/تعرف اني مبقتش اثق فيك من الصبح هشوف غيرك وأهم زي الرز يتمنو يشتغلو معايا واه صحيح بلغها انها مش هتشوف رحمه .
مازن بارتباك / انت بتقول ايه مش فاهم وايه مش واثق فيا دا من امتى يعاصم
عاصم بغضب شديد / من دلوقتي ي مازن
ثم يغلق الهاتف ويضعه بإهمال علي الفراش
............................................
انا جاهزه ي عم ابو عدنان
ابو عدنان / يلا يابنيتي هون الجو بيبقي مريح الفجريه ومابيكون في حدا بس اتعاملي كانك حدا منا مشان ما حد يشك فيكي .
سلين/ باذن الله الا قولي مالي ايدك من الي اسمه فارس دا
ابو عدنان / فارس تاجر سلاح وليه كلمته وصيته بينا والكل بيعمله حساب ها وصلنا وهادا بيته .
تنظر إلي البيت بل القصر مختلف عن باقي البيوت المتحطمه .
الحارس / وين رايحين .
ابو عدنان / بدنا فارس ياابني واخدين معاد سابق قله ابو عدنان .
الحارس /دقيقه .
بعد ثواني .
الحارس / تفضلو .
تمشي بالممر الواسع وتنظر الي هيئه القصر من الداخل تنبهر بكل مابه
صحيح مهو تاجر سلاح بقا
اهلا اهلا يا ابو عدنان وجماعته .
تنصدم من الصوت ولهجته المصريه وتنظر له
اعين خضراء وشعر كثيف من اللون البني الفاتح
وطول فارع يتمتع ببعض العضلات .
ابو عدنان/ مرحبا ياإبني اجلسي يابنيتي .
تجلس سلين ومازالت تنظر إليه .
فارس بنظره ماكره/ ها اسم الكريمه ايه
سلين / مريم .
فارس/ امممم ماشي ولو اني مش مصدق .
تبرق عيناها / يعني ايه مش مصدق هكدب عليك في الاسم يعني .
فارس / جرا ايه انا بهزر معاكي يغير مجرى الحديث
ها محتاجين مني ايه .
سلين / اخويا جه من 6 شهور بس معرفش عنه ايه حاجه
فارس بتركيز / اسمه ايه .
سلين/ تامر المرشدي .
ملحوظه (احمد لما دخل فلسطين دخل باسم تامر المرشدي )
فارس بصدمه / الولد دا تبعك .
سلين بلهفه / اه انت تعرف مكانه .
فارس بحيره / ايوا بس دا مستحيل يتساب ولو مفكره انك هتقدري تروحي بيه فتبقي غلطانه
وكمان لو حد عرف انك من طرفه مش هتتسابي .
سلين بضيق / ليه كل دا بس فهمني ممكن .
فارس / الكلام دا عاوز قاعده رايقه وانا مش فاضي دلوقتي .
سلين بغيظ / ليه الحلو وراه ايه .
ينظر لها بشده / لسه عارفك من خمس دقايق وخدتي عليا كدا
سلين /احممم متأسفه ي فارس بس بجد انا قلقانه عليه ومش هرتاح الا لما اعرف اخويا فين .
فارس/ طب قومي معايا عن اذنك أنت يا ابو عدنان لما اخلص معاها هجبها لحد البيت .
ابو عدنان/ هادي امانه بعمرك يفارس .
فارس / عيب عليك في الحصن والصون .
ابو عدنان /ديري بالك علي حالك .
سلين / هتاخدني فين .
فارس / اكيد مش هخطفك
سلين /ههه دمك خفيف
فارس / وبعدين بقا .
سلين / اووف منشوف اخرتها ايه .
فارس في سره / هبله بس عسل
....................................................
بعد فتره قصيرة تجلس في مكان هادئ الجو وتشاهد مطلع النهار الصافي .
سلين / اول مره اعرف حد بيطلع الفجر .
فارس بنبره ذات معنى / شغلنا بيبقى كدا واكيد مجربه .
تنظر إليه مباشره وتحاول أن تتغاضى عن قوله .
سلين / ممكن اعرف تامر ماله .
يصمت لحظه /تطاول على حد هنا وكان عاوز ياخد حاجه مش بتاعته .
سلين بتركيز/ حاجه ايه .
فارس / ست .
سلين /ست مين ؟
فارس / المفروض الست دي كانت رهينه من 10 سنين ولحد دلوقتي .
سلين بهدوء / ليه رهينه عملت ايه .
فارس / انتي بتتكلمي كتير والمفروض جايه لاخوكي .
سلين /مش علشان اعرف اخويا بيعمل ايه هنا
فارس / المشكله أنه أصر يمشي بيها طلع غشيم .
سلين / ارجوك يفارس تعمل اي حاجه عاوزه اخويا
احمم منكرش اني لسه عرفاك بس انت جدع .
يدق قلبه بقوه ويهاتف قلبه / ايه احنا هنخيب فيه ايه دي مجرد بنت وقالت انت جدع .
فارس انت معايا .
فارس/ احمم اه حاضر وبعدين متنسيش انك من طرف ابو عدنان .
سلين بخاطرها / ياترى رهينه ليه وايه سبب انك تيجي هنا .
فارس /قومي عشان اروحك .
تنتبه له / يلا
بعد مدة قصيرة
سلين /متتاخرش عليا انا عاوزه اروح بلدي بكرا
فارس / مجنونه صح انتي مفكره الموضوع سهل .
سلين / يعني ايه .
فارس / يعني ولا عوزالك شهر عشان نعرف نرجعلك اخوكي .
سلين بخضه / لا مش هينفع اقعد اكتر من كدا .
فارس / ليه جوزك هيقولك حاجه ثم ينظر إلى يدها لم يجد شيء .
ترفع يديها أمام وجهه / لابسه حاجه؟
فارس /لا
سلين /اومال جوزي ايه
فارس بخبث / عادي في ناس متجوزه مابتلبسش دبل
سلين / مينفعش أقل من شهر .
فارس / مش تكيه هيا  يلا انزلي وانتظري مني مكالمه
سلين بنفخ / منشوف هتعمل ايه
تهم أن تغادر السيارة
فارس / استني فين رقمك
سلين / هات التليفون .
تدق أرقامها وتعطيه الهاتف
سلين / باي .
يذهب إلى طريقه ويحادث نفسه / ياترى وراكِ ايه
استووب 💛
ياترى فارس هيقدر يطلع احمد من الوكر الي فيه دا
وهل هيساعد سلين
وعاصم ناوي يعمل ايه ..
هنعرف كل دا الحلقه الي جايه 🌸🌸🌸🤍🤍🤍🤍🤍🤍
#جهاد سالم 🤍🤍🤍🤍🤍🤍🤍🤍