نور (بقلم بسنت إدريس) مكتمله .

الفصل الثاني

نور : مين مات متقوليش عم حامد اللي علي اول الشارع طلع بيبيع لحم كلاب انا قولت برضوا ( انا بقول كده برضوا 😹)
ليلي بضحك : طول عمرك همك علي بطنك المهم لا يستي الدكتور خالد تعيشي انتي
نور : لا حول ولا قوه الا بالله ربنا يرحمه دا كان كابس علي نفسنا ( الراجل مات يا اخت نور )
ليلي : يستي قولي ربنا يرحمه
نور : ربنا يرحمه يختي
ليلي: وبيقولوا فيه دكتور جديد هياخد مكانه
نور : يارب بس مش يطلع زيه عشان ميكونش موته علي ايدي
ليلي بخوف : نوو نوور بصي وراكي
نور بضحك : اي يبنتي دكتور خالد طلع من قبره ولا اي
ليلي : انيل انيل
نظرت نور الي خلفها ورأت شاب واقف يستمع إلي حديثهم بهدوء شديد
نور بخضه : اي يعم في اي حد يخض حد كده يفوزي
الشاب : وهو حد يتكلم كده علي دكاتره كليته
نور بنظره غاضبه ولكن مضحكه : ياعم اتنيل ياعم انت متعرفش حاجه وشكلك جديد دحنا كنا بنتسلخ زي الارانب ياعم
الشاب بنظره بارده : تمام وذهب ذلك الشاب
ليلي : يلا يبنتي نلحق المحاضره
نور : مش كان عم كيم جونغ أون ( رئيس كوريا الشمالية) ضرب الكوكب بصاروخ نووي وخلصنا بقي
ليلي بضحك : يلا نشوف المحاضره اصل لو اتاخرنا احنا اللي هنموت بصاروخ نووي
نور : وماله عشان نخلص
ذهبا الي المحاضره
وعندما دخلت نور وليلي وكانت المفاجأة
نور : الحقي يا ليلي مش دا الواد القمر بتاع الصبح
ليلي : احيه ليكون الدكتور
الشاب وهو ينظر لهم : اتفضلوا اطلعوا برا
نور بغضب : طالعين يا خويا علي أساس طالعين من الجنه ونعيمها وامسكت بيد ليلي وخرجت من المحاضره
ليلي بضحك : انا كده ضمنت أننا شلنا السنه كلها
نور : بقولك اي اصلا انا بكرهه السنه دي وبكرهه الكليه وبكرهه دار النشر اللي مش مش عارفه تعمل اي في كتابي مع اني كاتبه مشهور والدكتور اللي عامل زي ابو الفصاد دا
ليلي : روحنا في داهيه طبعا لو قلتلك أنها هي اللي اتكلمت مش هتصدق صح
نور : انتي عبيطه يبت يا ليلو
صوت من خلفها : اتفضلي يا انسه ليلي ادخلي المحاضره أما انتي يا انسه فا لو شوفت وشك في محاضره ليا هكون سبب في فصلك نهائياً من الكليه
نور : ياعم اقعد ياااعم اقعد الا صحيح يدكتور يقمر انت اسمك اي
الشاب : انا دكتور مراد الصياد
نور في نفسها : الصياد باين أنه اخو كنان
نور : هههه طيب سمو عليكوا ورحمه الله وبركاته بقي ( اهرب يلطفي اهربببب )
مراد : استني عندك يبت انتي
نور بغضب : لا بقولك اي انا مستغنيه عن عمري اصلا وعاوزه اتفصل لو قلتلي كلمه تاني هزعلك سلام وغادرت نور الكليه وذهبت الي المنزل
نور : سموعليكوا ورحمه الله وبركاته بصوت عادل شكل يا اهل الدار ياللي هنا
الام : اي ينور جايه بدري ليه يبنتي
نور : هو انا مش قلتلك أن كليتي بقت ست سنين
الام : ازاي دا انتي في صيدله يعني خمس سنين
نور : مهو جه دكتور جديد ضمن ليا سنه زياده
الام بغضب وهي تخلع شبشبها : نهار امك اسود هتسقطي يبنت بطني
نور وهي تهرب : والله يا ماما هو اللي دكتور قليل الادب
خرج زين علي الصوت : اي يجماعه ماتش المصارعه الحره دا
الام بغضب : بس يفاشل يبن الفاشله
زين : الله بتشتمي نفسك ليه بس يا ست الكل
استغلت نور الفرصه وهربت من ايد امها وذهبت الي غرفتها
الام : يارب صبرني علي ما ابتليتني به يعني مش وحده بس هبله لا التلاته اهبل من بعض استغفر الله العظيم من كل ذنب عظيم
ودخلت الام الي المطبخ
ذهب زين الي غرفه نور وخبط عليها واذنت له بالدخول
زين : يحببتي اللي حصل عشان تقولي كده
حكت ليه نور عن اللي حصل
زين : امم باين أنه مش سهل بصي يا بنوتي القمر لازم تعتذري ليه عشان السنه دي تعدي علي خير دي اخر سنه يا روحي
نور بهدوء وعقل : حاضر هشوف الموضوع دا بكره يا زينو
زين طيب يا روحي هروح انا اريح شويه عشان اتفحتت في الكليه
نور : ماشي
ذهب زين ونامت نور
ولكن ماذا سيحدث يا تري
مين كنان دا واي اللي ممكن يحصل
تفتكروا نور هتعتذر