كانت نور تجلس أمام التلفاز تشاهد توم وجيري حتي أتت امها وقالت برجاء
الام: نور بالله عليكي لازم نروح لجدك جدك بيموت
نور ببرود : لا
الام بغضب : جبتي قلبك الاسود دا منين يبنتي
نور وقد فاض بها : مش فاكره اللي حصل هقولك انا الي حصل أن جدي ابو ابويا اللي حضرتك عاوزه تروحي لسه اتخلي عننا عشان اي عشان ابنه عصي أمره واتجوز وحده من البندر مش بنت عمه ها ولا لما بابا مات شوفنا حد منهم حد منهم وقف جنبنا اخر مره شوفنا فيها جدي قال كلمه وحده معرفكوش طردنا من بيته واحنا كنا خلاص بنشحت لولا اخويا نزل واشتغل مع دراسته كنا هنشحت في الشوارع دلوقت ها اي تاني وتركت نور امها وكانت ستذهب ولكن أوقفها جرس الباب ذهبت وفتحت الباب
نور بفرحه : اسمهان وحشتيني اوي يا روحي
اسمهان بفرحه : وانتي يا كوكو والله العظيم
نور: ادخلي ادخلي دنا هزغرط
دخلت اسمهان الي الداخل
اسمهان بفرحه : طنط سناء وحشتيني اوي والله العظيم اي القمر دا
سناء بضحك : وانتي اكتر يبنتي استني بقي علي الغدا عشان ناكل كلنا مع بعض اكله حلوه
اسمهان : قشطه يا قشطه
نور بمزاح : بصي من الالف لليه
اسمهان بضحك : حاضر بصي يستي الحمد لله علي كل حال سافرت مع ماما عشان العلاج برا وكده والحمد لله ربنا شفاها ودلوقت احسن وقعدت مع أسر اخويا هناك هو ومراته مرضتش افضل هناك
نور : ياقلبي ياني هتقعدي مع مين طيب
اسمهان : لوحدي يا عيوني في شقتنا واهي قصادكوا وانتي احكيلي
نور : اسمعي يستي وحكت ليها كل حاجه بما فيهم خيانه ليلي
اسمهان بغضب : اي القرف دا مش قلتلك مش تصاحبي اي حد بت وعزه جلال الله لانزل معاكي من بكره الكليه
ويا لسوء الحظ كان هناك من سمع الحديث
زين بغضب : نور فعلا ليلي عملت كده
نور بصدمه : زين جيت امتي
زين بغضب: حصل ولا لا
نور بحزن : اه
زين : ومش قولتيلي ليه وانا اللي كنت ناوي اخطبها طلعت متستحقش
اسمهان بضحك: تخطب مين يبني دي ليلي من صغرنا وهي باصه لنور في كل حاجه
زين بفرحه : ايدا سيمو جيتي امتي
نور بضحك : شوف الواد كان زعلان من شويه
زين : محدش يستحق اني احزن عليه
اسمهان : تصدق ياض بقيت شاعر
زين بضحك : عقبال عندك ياختشي
أتي زياد من العمل
زياد : يا اهل الدار
نور : شوف وكان بيقول عليا سرينه
زياد بضحك: بس يا بت ايه دا سيمو أزيك يا بت
اسمهان بضحك : احسن منك نننننن
زياد : ايه دا انتي قعدتي مع نور كتير ولا اي وجلسوا ليأكلوا
في مكان آخر
شخص : لازم يموت هو وعيلته كلهم لازم اخلص عليهم واولهم ابنه خطر علينا
شخص ٢ : فعلا لازم نخلص عليهم
شخص٣ : هو كان فاكر لما يسيب كل حاجه وراه هنعديها بالساهل
شخص ١ بضحك : اه مفكر أنه هيفلت بس موته هيكون علي ايدي هو وابنه الصياد
عند مراد كان بيفكر في القلم اللي نور ادتهوله وقال : والله العظيم لردهولك بس وحده وحده عليا
جلست نور تفكر في مراد وتقول : هو ممكن يكون الشخص مغرور اوي كده بس حقه الواد فلته يلا معلش
كانت نور تقف في بلكونه غرفتها وكان هناك من يراقبها
الشخص: ( انتي ملكي)
في اليوم التالي استيقظت نور هذه المره علي المنبه
نور : غريبه ماما فين
قامت نور بروتينها اليومي وخرجت الي الصاله ورأت زين وزياد يجلسون بغضب
نور : فيه اي ماما فين
زين : راحت الصعيد
نور بغضب : ييه هي حره انا رايحه الجامعه سلام
ذهبت نور الي الجامعه بمواصلة ودخلت الي المحاضره جلست بجانبها فتاه وقالت : انتي يا زفت الطين مش جيتيلي ليه
نور بخضه: يبنتي حرام عليكي مهو مش هيبقي غباء وقطع خلف كمان
اسمهان بضحك : سوري يا نونو دخل مراد الي المدرج وشرح لهم وبعد الانتهاء قال :
لو سمحتوا معلش نور
نور باستغراب : نعم يا دكتور
مراد :اطلعيني برا عاوزك
نور في سرها : استر يالي بتستر
أنت تقرأ
نور (بقلم بسنت إدريس) مكتمله .
Azioneهو قاسي ليس لديه قلب بسبب ماضي سئ وخيانه لا يعرف الرحمه بسبب عمله في المافيا هي قويه ولطيفه تحب الحياه والضحك لكن الماضي صعب وعائله والدها اصعب
