نور (بقلم بسنت إدريس) مكتمله .

الفصل السادس عشر

استيقظ مراد ونظر بجانبه لم يجد نور بحث عنها وجدها في المطبخ
مراد بهدوء : صباح الخير
نور بضحك : يا صباح العناب نتخطب ولا نكتب الكتاب
مراد بضحك : للاسف كتبته مره مش هغلط مرتين
نور بضحك: انا غلطه يا حصرتي
مراد : بصي يا نور قبل أن يكمل وجد الجرس يضرب
مراد : ثواني هشوف مين
نور : ماشي
ذهب مراد ليري من علي الباب ووجد مريم
مريم بحب : مراد وحشتني خرجت نور علي صوتها
مراد ببرود : انتي يا بني ادمه معندكيش دم
مريم وهي تتصنع البكاء : والله يا مراد نرجع بس وانا هعملك كل اللي انت عاوزه
مراد : للاسف انا غلطت مره مش هتتكرر تاني وانا الحمد لله متجوز ومبسوط وبحب مراتي فا ممكن تتفضلي برا
قبل أن تذهب مريم نظرت لنور نظره حقد
نور بعد أن ذهبت مريم : مراد البت دي مش هتعديها البر لا هي ولا بنت عمتك
مراد : عارف متقلقيش وعارف هما ناويين يعملوا اي
نور : دماغك الماظ يسطا والله
مراد : طب يلا يا فاشله عشان امتحاناتك قربت
نور بصويت: يانهار اسود نسيت انه فيه دراسه اصلا هتشيلي السنه يا نور مكنتش يومك يا نور يا بنت سناء
مراد بضحك هستيري: مكنش يومك يا نور
نور : اه والله يا خويا ستوب يبني انا كده كده من اول ما شوفتك في الجامعه وقولت انا هشيل السنه دي
مراد وهو يجلس بجانبها : انا مالي انتي فاشله اي دخلني
نور: الامتحانات بعد تلات شهور يختااااي
مراد : خلاص خلاص اي سرينه خلاص هذاكرلك انا
نور بفرحه : بجد
مراد : اه بجد يلا بقي نروح نقعد معاهم شويه وعشان فيه ضيف جاي ليكي
نور باستغراب: ماشي
ذهب كلا من نور ومراد الي منزل العائله
الجده امينه بفرحه : انا مستنياكي من زمان يا بنتي فينك
نور بضحك : بشوف هسقط ازاي
امينه بضحك : اه صحيح امتحاناتك قربت
اسمهان : الواطيه اللي اتجوزت ونسيت صحابها
نور بفرحه وهي تقفز من مكانها : اسمهااان وحشتيني وحشتيني اوي يا بت يا واطيه
اسمهان بضحك : منا مش لوحدي هنا
زياد : وسعي كده يا ام كدش عشان اسلم علي اختي
اسمهان بغضب : بقولك اي لولا أننا عند أهل جوز نور كنت شويتك
زين : فاضحينا دايما كده
نور بضحك : اسكت انت المسلسل دا جامد
زين بغباء : ها انتي هبله يا بت انا قولت الجواز هيعقلك
نور بضحك: منا عاقله اهو
زين : بس كده حضرتك
نور : امال حضرتك مفكر اي يعني
وقام زين باحتضان نور هو وزياد وأتت والده نور وقالت : يختي الهبل وراثه باين عندكم اهدو يا جزم شويه السلام عليكم
رد الجميع السلام وهم يضحكون علي مناكفات الشباب
جلست نور جانب مراد
اتت مريم في هذه اللحظه
مريم : صباح الخير
رد الجميع عليها
زين بهمس لنور : هي مين المسلوعه دي
نور : بلاش تعرف اصلها زي ام اربعه وأربعين
زين بضحك : واضح
كان مراد يستمع لهم وهو يضحك ومريم ولؤلؤه ينظرون إلي نور نظره كره
حتي دخل شاب آخر وهو يقول بتكبر : صباح الخير
رد الجميع
نور لمراد : بسبس مراد مين البتاع دا
مراد بضحك : بتاع يخربيت عيالك هيبقوا قرود
نور بغباء : مهما هيبقوا عيالك انت كمان
مراد بغمزه : عارف بصي ياستي دا حاتم اخو مريم ملكيش دعوه بيه خالص فاهمه
نور : وانا مالي بيه اصلا انا معايا واحد جامد جدا علي فكره
مراد بضحك: طيب يستي
حاتم : بالمناسبه يا مراد مراتك ماشاء الله عليها جميله
مراد بغضب وبهمس جعل حاتم يخاف: حط عينك في الأرض وبلاش ترفعها في حاجه بتاعتي فاهم
حاتم ماشي
وظلوا يتحدثون حتي دخل عليهم شخص وتفاجأو بوجوده
الاحداث هتبدأ توضح من الفصول الجايه.