نور (بقلم بسنت إدريس) مكتمله .

الفصل الخامس

نور : نروح هناك تاني ليه
الام : جدك بيموت يا نور
نور : مش رايحه في حته عاوزين تروحوا مع السلامه انا انا فا معنديش جد ودخلت غرفتها
الام : ياربي يعني اعمل اي
زياد بهدوء: محدش فينا رايح في حته يا ماما
الام بصدمه : يعني اي جدك بيموت وعاوز يشوفكم
زياد بغضب اعمي: وجدي دا كان فين لما مكناش بنلاقي لقمه عيش ناكلها ها كلهم بتوع مصالح وفلوس بقولك يا ماما لو عاوزه تروحي هيبقي لوحدك
وذهب هو أيضا
زين : تصبحي علي خير يا ماما
الام : يارب
في صباح يوم جديد
استيقظت نور علي صوت امها
نور : معلش يا ماما مش رايحه النهارده
الام بغضب : قومي يا بنت الموكوسه عشان تروحي جامعتك
نور بتأفف : طااه
استيقظت نور وصلت فرضها وقرأت وردها في القرآن وخرجت
نور بضحك: تاني نفس المنظر
زين بضحك : تعالي عشان تاخدي دورك
زياد : يلا يا نينو هوصلك انا
نور : ياختي قمر
اوصل زياد نور الي الجامعه
زياد : نور لو البني ادم اللي اسمه مراد دا جه جنبك مش تتعصبي فاهمه
نور : قشطه يا قشطه
وذهب زياد
اقتربت نور من المدرج ولكن سمعت شيئا جعلها تبكي في صمت
سمعت نور ليلي تتحدث مع شخص وتقول بغل
ليلي بكره : بقولك اي انا عاوزه نخلص من موضوع البت اللي اسمها نور دي معنتش طايقاها
نور من ورائها : وبما انك مش طايقاني مصاحباني ليه
ليلي بصدمه وتوتر : نور انتي هنا من امتي
نور بحزن : من اول ما بعتيني يا صحبتي
وتركتها نور وذهبت الي المدرج وظلت تبكي
دخل مراد ورأي نور وهي تبكي
ولكنه فضل عدم التدخل
بعد المحاضره خرجت نور من المدرج ولكن أوقفها شخص يقول : اي يقمر مش ناوي تحن
نور بغضب : هو يوم باين من أوله اصلا بقولك اي ياض امشي من قدامي وإلا والله في سماه لخليك عبره للي يسوي وللي ميسواش
الشاب بغضب : انتي ازاي تتكلمي معايا كده يبت انتي
مراد من خلفه ببرود : تتكلم زي ما هي عاوزه يلا انزاح من هنا
التفت الشاب الي مراد بخوف وقال : دكتور مراد احم حاضر مع السلامه وهرب
نور بمزاح: يا اخي شوف الواد هرب ازاي
مراد : تعالي هوصلك
نور بضحك : يشكر افضالك يحج لا تسلم هروح انا بقي اصل الواد زياد يعمل مني كفته سموعليكوا
وذهبت نور
مراد : هبله
عاد مراد الي منزله وجد والده ووالدته جالسين ومعهم أخته الصغري
زينب : مراد تعالي عاوزاك
مراد : نعم يا ماما
زينب بغضب : بص يا مراد مش الكل زي بعض اسمع انا فاهماك كويس يبنتي بلاش تحكم علي الدنيا كلها عشان واحده فاهم
مراد ببرود وهو ينظر إلي كنان التي تنزل من الدرج
مراد : هي لحقت توصل الاخبار بس تمام بصي يا امي انا لا بحكم ولا نيله انا مش ليا دخل بحد اصلا
كنان : اي يسيد المعلمين امال مين اللي خلي البت نور تفيص مننا
مراد : الفاظك يعسل
كنان : احمم
محمد بضحك : مراد براحه علي الناس شويه يبني
مراد وهو ينهض : تمام بعد اذنكم
زينب : ربنا يصلح احوالك يبني
صعد مراد الي غرفته وبدأ يتذكر الماضي
فلاش باك
فتاه بغضب : مراد بليز انا عاوزه اروح الحفله دي
مراد : لا يا مريم الحفله كلها ولاد وانتي حامل
مريم بغضب : بقولك اي من الاخر كده انا سقطه
مراد استيقظ من ذكرياته المؤلمه وقال : يارب