Ek Afsana (✓)

Kuch baatein

Aadat si ho gayi thi usse roz dekhna
Achanak se uske gayab hone par dil ho gaya tha bechain
Ab kaha se aata chain?

Teen din ho gaye the,
Uske na aane ko
Kayi saari baatein dimag mein ghum rahi thi,
Jo dimag ke baar-baar sochne par bhi, dil ne kar di ansuni thi.

Thodi khoj-been karne par pata chala
Woh bimar hain
Kuch badi baat kisi ko lage na lage mujhe lagi,
Par ab wo theek hain ye sunkar dil ko tassali bhi mil hi gayi.

Paanch din beet gaye the,
Aur aaj ye janab school aaye the
Shakal utri si thi
Shayad beemari iski wajah thi.

Maine pucha- "A-ab tum kaise ho?"
Pata hain aise toh main bohot baatuni thi,
Par uske saamne jaane par zaban ruk- ruk si jaati thi.

"Ab main theek hoon" dheemi si awaaz mein,
Bolkar wo waha se nikal gaya
Kuch bhi ho par uski awaaz sunkar dil ko sukoon zarur mil gaya.