أحفاد البحيري

الحلقه الاولى .

الـحـلـقـه الـاولـى مـنـ " أحفاد البحيري"

الأم وهي بتدخل الاوضه وبتقول بخنقه وهي بتفتح الستاير: أنتِ يا اخرة صبري أصحيي، انتي دايمًا واجعه قلبي كدا
مفيش حد مريح قلبي قد ادهم مش عارفه متبقيش زيه ليه
انتي يازفتهه ... اللي عاوز يخلف بنات يجي يشوف خلفتي طول الليل ماسكه المحروق ده اللي يارب يتحرق وقعدالي عليه وفي الآخر بتتأخري على محاضراتك..

ندى وهي بتشيل الغطا من على وشها بخنقه : جرا ايه ياسوسن هو أنتِ مش حافظه غير الكلمتين دول كل يوم تنقطيني بيهمم..

بصتلها سوسن بخنقه ورفعت رجليها في الهوا ومسكت الشبشب البيتي بتاعها وحدفته على ندى وقالت: ياريتك كنتي فالحه في المذاكره زي مانتي فالحه في الكلام ... ياافاااشلهه..

"وسابتها وخرجت"
ندى وهي بترمي الغطا بخنقه : اووووف الواحد مش عارف يرتاح من ام البيت ده ..

⁦♡⁩⁦        ♡⁩⁦       ♡⁩⁦       ♡      ♡
سوسن وهي خارجه من اوضة ندى قالت : انا نفسي أفهم والبت دي بتتربى انا كنت فين ..
جه صوت من وراها بيقول بمرح: كنتي واخده بالك من أيمن الشقي وغمزلها ..
سوسن وهي بتضربه في كتفه بغيظ: حتى انت .. ياارب الصبر ياارب..

ندى وهي خارجه من اوضتها وحاطه الفوطه على كتفها قالت: مش عارفه انتي حاطه نقرك من نقرنا ليه اتقي الله بقى يا اخت سوسن..

سوسن وهي بتبصلها بشر وراحت ناحيتها مسكتها من شعرها بخنقه وفضلت تهز فيها : يابنتي...مش عايزه اتغابى عليكي

خرج ايمن من اوضته وبصلهم بتعجب وقال: ايه اللي بيحصل هنا ؟
ندى وهي بتمثل العياط وراحت عند ابوها: بابا الحق مراتك بص بتعمل فيا ايه مبهدلاني ومصحياني مجرجراني من شعري..

سوسن برفعه حاجب وتريقه: ومش بطفي السجاير في قفاكي كمان !!
أدهم وهو بيمثل العصبيه وبيروح عند ندى وبيحضنها وبيطبط عليها: ياشيخه حرام عليكي جايه على الغلبانه كمنها وحدانيهه.
ندى وهي بترقصلها حواجبها وبعدين كملت تمثيل وقالت: اه والله وحدانيه.
أدهم بيكمل: وملهاش حد .. كفايه ظلم واستبداد و... اجري يا اشرررررف..

زق ندى اول ما لقى سوسن بترفع ابو ورده { سلاح الأم المصريه} وبتقول وهي بتهجم عليه :  اه يا......
أدهم وندى وهما بيلفو حوالين الترابيزه الكبيره المحطوطه في الرسيبشن { السفره} أدهم قال: خلاص يا سوسو والله بنهزر معاكي..
ندى بتقلد '' عُلا عبد الصبور في فيلم عايزه اتجوز" : يالهوي يالهوي هتقتلنا..

ايمن بصلهم ببرود وقال بزعيق : بـــــس..
كلهم وقفو مرة واحده وسوسن سابت الشبشب بتوتر وقالت بابتسامة: تعالى يحبيبي اقعد كُل.
أدهم وهو بينفضله الكرسي من التراب الوهمي : اتفضل يا أيمن باشا.
ايمن بصلهم بقلة حيلة وقال وهو بيقعد: انا تقريباً زعلت امي الله يرحمها عشان كدا ربنا رزقني بالعيله الهبله دي ...
ندى بمشاغبه: مالك بس يا ايمن ياعسل مضايق نفسك ليه ، ده احنا حتى عيله قمر طالعينلك والله لتجيب بوسه..
باسته من خده وسط غيظ سوسن اللي ضربتها في كتفها بغيرة وقالت: غوري يابت انتي من هنا بلاش قرف على الصبح.
أدهم ضحك وهو بيقعد وبيقول: مش عارف لولا خناقات الصبح دي الواحد كان مزاجه هيروق ازاي..
ايمن بصله بقلة حيله: انا مش عارف انت عندك 25 سنه ازاي ياشحط انت
وبعدين كمل كلامه وهو بيبص لندى: اقعدي يلا كلي انتي كمان .
ندى هزت دماغها وقالت: هغسل وشي بس وهاجي.
أدهم بغلاسه: ليه باجعفر هو العيد النهارده ولايه ؟؟
ندى بتريقه: ليه حد قالك أن اسمي أدهم !!
أدهم شاور لابوه وقال: بص بتعمل ايه.
ايمن بحب وضحك : تعمل اللي هي عايزاه.
ندى بفرحه زي الاطفال: اوبااااا، الجبهه شيفاها بطييير اهي اهي.
أدهم بصلها بغيظ
وهي مشيت بتتمخطر وسط ضحكهم عليها..
"بعد دقايق كانو كلهم قاعدين بيفطرو"
قطع الصمت ايمن وهو بيقول بهدوء: جهزو نفسكو عشان هنروح لعمكو معتز النهارده ..
ندى وادهم بصوا لبعض باستغراب بس محدش علق.
ندى وهي بتقوم : استأذن انا بقى، نتقابل اخر النهار..
أدهم وهو بياكل بسرعه: استني ... هقوم معاكيي.
ندى بقرف : طب ابلع الاول بسس كتك القرف.
قام وشرب مايه وضربها على قفاها وقال: بس ياجعفر ... يلاا السلام عليكم ..
سوسن بصتلهم بحب وهما خارجين وقالت لايمن: العيال كبروا، وكبرونا معاهم..
ايمن بغمزه وهو بيمسك ايديها يبوسها:  بس انتي مبتكبريش لسه قمر زي ما انتي.
{ دول بيفكروني ب عبد الغفور البورعي، وفاطمه كشري 😂❤️}