الـحـلـقـه الـتـانـيـه منـ"احفاد البحيري"
كان سايق العربيه وهو بيتكلم مع أخته وبيقول : وحشتيني ياشبر ونص.
ردت عليه بحده وخنقه: ولا متقوليش شبر ونص دي انت اللي طويل.
ضحك عليها وقال بدهشه: ولا!!يبنتي ده أنا كنت بقول انتي اللي عاقله فيهم طلعتي اسخم منهم .
قالت بإشتياق: يااه وحشتوني اوي ووحشني قعدتنا، ورخامة الواد ياسين ده..
أدم ابتسم وقال بحب: وانتي وحشتينا ياجوجو مستنيكي ترجعي بفارغ الصبر والله، مش فاهم كان ايه لازمته السفر ده .
ردت هاجر بشرود وقالت: عشان كان لازم اسافر بس هرجع قريب .. قريب اوي.
أدم لاحظ صوتها ولسه هيتكلم لقى بنت ظهرت من العدم في طريقه وقف العربيه بسرعه بس كانت اتخبطت.
نزل من العربيه بسرعه وقال بحده خفيفه : يا انسه مش تاخدي بالك ..
البنت بصوت حزين : ااه يا غلبانه ياللي عضمك انكسر اااه..
كتم ضحكتو وراح عندها وقال: إنتِ كويسه يا أنسه؟
بصتله بحده وقالت: مش تفتح ولا هو عشان ربنا مديك شوية فلوس هتمشي تدوس على خلق الله !!
رفع حاجبو بدهشه وقال ببرود: مانتي كويسه اهو، وبعدين الغلط عندك حد يعدي الطريق بالمنظر ده !!
ندى بعصبيه زياده: وأنت مالك انت؟؟
ادم اتعصب وقال: فعلا انا مالي كنت مفروض امشيي على طول بلا هم..
ندى ببرود : انسان قليل الذوق كنت وقتها اتصلت بالبوليس يجيلك..
أدم رد عليها بثقه وقال:طيب المرة التانيه أبقي اتصلي أنتِ شكلك متعرفيش انا مين..
مشي ناحية عربيته وفتح الباب وبصلها وقال بغمزه : سلام ياوحش..
ندى فتحت عينها بذهول وقالت بخنقه وهي شيفاه بيتحرك بالعربيه : وقِح...
♡ ♡ ♡ ♡ ♡ ♡ ♡
"في كلية الهندسه"
كانت ندى داخله بتعرج على رجليها وهي بتشتمه في سرها..
اول ما شافت ميار بصتله بطرف عينها وقالت بتريقه: اهل دول وصحاب ولامه صحيح .
ميار ضحكت وبعدين قالت بأستغراب: مالها رجلك؟
ندى حكتلها اللي حصل وبعدين قالت: يلا بهايم بتتحدف علينا يابنتي الحمدلله.
ميار ضحكت جامد وبعدين قالت: طب يلا يختي ورانا دكتور إيهاب وده استغفر الله يعني ..
ندى شدتها وراحت ناحية الكافتيريا وقالت : لا مش هحضرلو انتي مش شيفاني متخرشمه، تعالي ناكل حاجه واحكيلي اللي حصل..
ندى طلبت الاكل وراحت قعدت جمب ميار عقبال ما يجهز وقالت: ها حصل ايه ؟.
ميار بشرود: بصي ياستي....
*Flash back*..
دخلت ميار الكافيه اول ما شافت الاستوري وبدور بعيونها عليه لحد ما لقته قاعد عملت نفسها اتصدمت وقالت: ادهم، مش معقول ازيك؟
أدهم ابتسم باندهاش وهو بيقول:ميار!! بتعملي ايه هنا..
ميار فكرت بسرعه وقالت: ابدا كنت داخله اجيب قهوه في طريقي واقعد شوية وامشي عشان ندى راحت تجيب كتب وبعدين هتروح الكليه.... وانت ؟
ابتسم وقال: النهارده اول يوم تدريب ليا والمكان قريب قولت اعدي اشرب قهوه، بحب اشربها لما ابقى متوتر.
ابتسمت ميار ونفسها تقوله أنها تعرف عنه كل حاجه، بداية من قميصه الابيض اللي بيحبه، وساعته السودا اللي بيلبسها دايما في ايدو اليمين مش الشمال، حساسيته ناحية الشوكولاتات كلها وغيره وغيره بس سكتت.
أدهم ابتسم وقال: هقوم اجيبلنا حاجه نشربها.
هزت راسها وسكتت.
"بعد دقايق "
جه وجابلها ايس كوفي وجاب لنفسه قهوه.
ميار استغربت وبصتله : انت عرفت منين اني بحب الايس كوفي؟؟
غمزلها وضحك وقال: عيب عليكِ تسأليني السؤال ده والله..
قلبها دق جامد واتوترت وفركت في ايديها بتوتر وهو لاحظ ده وبصلها بتركيز ف هي حاولت تهرب وقالت بهزار: بس مش مصدقه أن أخيراً هيبقى فيه ظبوطه في عيلتنا.
ضحك أدهم جامد وهي قلبها دق اكتر مع ضحكته وقال: ظبوطه !! ايوا وهظبط اللي يكلمكو متقلقيش .. صح عمي قالكم أننا هنروح النهارده عند عمو معتز؟
ميار هزت دماغها وقالت: اه بس استغربت جداً، احنا كنا شبه منعرفش عنهم حاجه بعد ما كنا اقرب الناس لبعض.
أدهم بشرود: خير إن شاء الله، دي ارادة ربنا كل حاجه هتبان في وقتها....يلا قومي اوصلك
ميار بسرعه ورفض: لالا..انا هروح انت الحق تدريبك .
أدهم كان مصر جدا بس هي رفضت عشان ميتأخرش على شغله وهو قال بابتسامه وحنيه: طب خدي بالك من نفسك طيب وابقي كلميني .. اتفقنا.
ميار هزت دماغها وهي مبسوطه من جواها..
وراحت الكليه واكلمت ندى وبعدين فضلت قاعده مستنياها لحد ما جت .
"*_back_*"
أنت تقرأ
أحفاد البحيري
Mystery / Thrillerذلك والحُب رزق ؛ وهو الرزاق ، وماعند الله لا يُنال إلا بطاعتهِ ، ومن يتقِ الله يرزقهُ من حيث لا يحتسب 💛 ولقدرتهِ عز وجل ، يُقرب البعيد ويُدني القصي ، وهو على جمعهم إذا يشاء قدير 💛 فقط سلم أمرك لله وتوكل عليه ومن يتوكل على الله فهو حسبه..💛 " جمع...
