أحفاد البحيري

الحلقه السادس عشر

"الــحــلــقـه الـسـادس عـشـر مـن احـفـاد الـبـحـيـري "
بـقـلـم هـاجـر مـحـمـد" جــوري"

: هي مين دي اللي حبيبتك؟؟
بص جمبه لقى ندى واقفه وبتبصله بغضب افتكر شكلها وهي صغيره لما كانت بتبصله كدا لما خد منها الشيبسي بتاعها ..
نزل من عربيته وضحك بخفوت وقال: عندي كام حبيبه برأيك؟؟
ندى بتريقه: والله مبعدش ياجيمي شوف انت..
ضحك وقال بحب : واحده بس ياحبيبي واحده بس ...
اتكسفت ولسه هتدخل مسك أيدها ورجعها تاني مكانها وقال : انتي موافقه عليا ياندى؟ بدون ضغط موافقه؟
ندى بصتله اوي لاحظت حاجات كتير في عينه حزن، امل،  ضياع، والأهم حب ..
هزت دماغها بخجل وقالت بتذكر وهمس: ف...في حد عايزك جوه انا نسيت خالص..
أدم باستغراب: مين ؟
ندى رفعت كتفها دليلاً على عدم المعرفه وقالت: بنتين بس باين طنط عرفاهم كانت بتقولها ياروزا..
أدم بصدمه : روزا؟؟
ندى بصتله وقالت: هي دي روزا زميلتك اللي حكتلي عنها؟
أدم بصلها بضيق وقال: دماغك دي ولا دماغ سُلحفه ياحبيبتي...تعالي نشوفها يلا انتي لسه واقفه ..

⁦♡♡⁩⁦♡♡⁩⁦♡♡⁩⁦♡♡⁩⁦♡♡⁩⁦♡♡⁩⁦♡♡⁩⁦♡♡⁩..
كان واقف بحزن في البلكونه وبيفتكر اللي دار بينه وبينها..
سارين بدموع: سليم .. انا حامل..
سليم بصدمه: ح.. حامل ؟ حامل ازاي وامتى..
سارين بخوف : حامل ياسليم من من....
مقدرتش تكمل وعيطت وهو فهم أنها حامل من اليوم المشؤوم ده، دموعه نزلت اتكتب عليه التعاسه وهو ملهوش ذنب في أي حاجه، المرادي هيبعد عن هاجر وللأبد ومفيش مكان للرجوع ...
قرب من سارين وشدها لحضنه وقال بحنيه: هنبقى كويسين عشانه، هنبقى أهل سوين عشانه هو ياسارين سامحيني..
بصتله بابتسامه وهي بتمسح دموعها حطت أيدها على وشه وقالت بهمس وخجل: مسمحاك من زمان ياسليم..من زمان..
ابتسملها وباس دماغها وقال بمرح وهو بيزقها ناحية الحمام: ادخلي خدي شاور ياهانم يلا وانا هتصل بحد يطلعلنا الأكل هنا.. من النهارده نوم واكل اكل ونوم ..
ضحكت عليه بقلة حيله ودخلت اول ما اختفت من قدامه عقله ابتدى ينهار..
فاق من شروده على صوتها وهي بتقول : سليم ..
بصلها كانت لابسه فستان اسود قصير بعد الركبه بسنتي، وفارده شعرها لأخر ضهرها وميك خفيف  قالت بخجل: قولت نحتفل بمناسبه الصفحة الجديده والبيبي..
ابتسم ومرضاش يكسر بخاطرها قرب ومسك أيدها وشغل موسيقى هاديه وهما بيرقصوا بهدوء وهي حاطه دماغها على صدره..
هو ميعرفش ليه مخنوق بالمنظر ده وهو كان كل يوم مع واحده شكل، بس المره دي مش قادر فكره أنه خلاص خسرها وللأبد ملازمه مش قادر يصدق أنه بسبب تهوره وغباءه واقف دلوقتي بيرقص مع واحده تانيه احتفالاً بخبر أنه هيكون أب من غيرها....

⁦♡♡⁩⁦♡♡⁩⁦♡⁩⁦♡♡⁩⁦♡♡⁩⁦♡♡⁩⁦♡♡⁩⁦♡♡⁩⁦♡♡⁩⁦♡♡⁩⁦

دخل الفيلا وبص على روزا وهي قاعده بأستغراب قرب وقال بهدوء : مدام روزا ازيك عامله ايه؟
روزا بصتله ودموعها نزلت وقالت : اااا...ادم عامل ايه ..
اتنهد بألم دي اخته، دي صحبته من زمان ميقدرش يتعامل معاها بالجفا ده قال بهدوء وهو بيقعد قدامها وندى جمبه شاور على تمارا وقال بغموض: تمارا ؟؟
هزت دماغها وهو ابتسم ليها وفهم لهفة اخوه عليها سببها ايه، ندى أدت روزا مايه وقالت: اهدي واتفضلي..
روزا باستغراب: انتي مين؟
أدم : ندى ... خطيبتي ياروز وبنت عمي اللي كنت حكيلكو عنها..
ندى بصتله بخجل وروزا قامت حضنتها بفرحه وقالت: انتي متعرفيش أدم بيحبك ازاي بجد، مكانش وراه كلام غير عليا معايا انا و...وحياه..
ندى ربطت على كتفها وقالت بحزن: ربنا يرحمها، ادم حكالي عنكم كتير ..
أدم بأستفسار: حصل ايه بقى؟ احكيلي...
فريده خرجت وقالت وهي بتحط عصير قدام روزا وتمارا: خدوا اشربوا ...وانتي ياروز اشربي عشان البيبي والضغط النفسي اللي فيكي ده غلط .. انا هطر اطلع عشان معتز فوق لوحده،بكرا الصبح اشوفكو تصبحوا على خير...
الكل رد عليها وهو بصلها بتركيز..
روزا حكتله اللي حصل مع عبد الرحمن ودموعها نزلت : عبده اتغير يا أدم اتغير اوي انا مقدرتش استحمل أنه يرفع ايدو عليا، عبد الرحمن قبل ما يبقى زوجي فهو ابن عمي وابويا وصاحبي وحبيبي متوقعتش من حبيبي أنه يضربني..
أدم بهدوء: اعذريه..
كلهم بصوله بأستغراب فهو قال بحزن وابتسامه: ايه بتبصولي كدا ليه ؟ عشان يعني فيه مشاكل بيني وبينه فاكرني مش هعذره انا عاذر عبد الرحمن في كل تصرفاته، حياه مكانتش أخته لوحده دي كانت اختي انا كمان كنت بخاف عليها من الهوا اتأذت وانا معرفتش الحقها فهو مصدوم عبد الرحمن مش وحش ياروز وانتي عارفه ...انا مسامحه في اي حاجه عملها وهيعملها إلا ندى..
ندى بصتله بأستغراب وهو كمل: أنه يأذيها مش هقدر اسكتله، وقتها واحد فينا هيبقى ميت يا انا .. يا هو..
روزا قلبها انقبض وتمارا بصتله بخوف على عبده اخوه اللي مربيها وساندها كتير..
قال بهدوء وهو بيمسك ايد ندى : ندى معلش طلعيهم الاوضه اللي جنب اوضتك يرتاحوو..
ندى بابتسامه: اتفضلوا..
خدتهم وطلعوا وادم قال بشرود : وبعدهالك ياعبد الرحمن ....
⁦♡♡⁩⁦♡♡⁩⁦♡♡⁩⁦♡♡⁩⁦♡♡⁩⁦♡♡...