أحفاد البحيري

الحلقه الخامسه.

"الـحـلـقـه الـخـامـسـه مـن احـفـاد الـبـحـيـري"
بـقـلـم : هـاجـر مـحـمد
"جـوري"

أدم خرج من قاعة التدريب وداخل الاسانسير شاف سليم جاي يركب، ابتسم ببرود وهو بيقفل زرار البدله بتاعته وغمز لسليم وقال: جاهز ياوحش؟
سليم بتوتر: عيب عليك ده أنت هتتقطع النهارده..
ادم بابتسامه بارده: ومالوو..
⁦♡♡⁩⁦♡♡⁩⁦♡♡⁩.
ميار بفضول بعد ما خرجوا من القاعه: كان بيقولك ايه وهو بيوشوشك كدا ؟
روميساء بضحك وغمزه: بس الواد ايه قمر قمر قمر يعني ليكي حق تفضلي كل ده تحبيه..
ندى بصتله بحده : على فكره عيب تتغزلي في راجل كدا وبالذات لو متزوج..
ريهام بحده: بنت قليله ادب حيوانه كلبه انتي و...ممكن رقم الموز ده..
ندى بصتلهم بعصبيه وسابتهم ومشيت..
وكلهم مشيوا وراها فضلوا يهزرو معاها.
⁦♡⁩⁦♡♡⁩⁦♡♡⁩⁦♡♡⁩⁦♡♡⁩.
كان أدم بيدرب بعنف مع سليم على القتال من وهما صغيرين وهما متعودين يدربو على أساليب قتال مختلفه
كان أدم بيقاتل بشراسه
وسليم كمان..
سليم وهو بيضرب ادم بعنف قال بتريقه: ايه ياباشا انت كبرت ولا ايه؟
أدم وهو بيردله الضربه وفضل يضربه لحد ما وقع على الأرض : مين ده اللي كبر يا سولي بس..
سليم وهو بيغيظه لانه عارف ان "ندى " تبقى بنت عمه وهو
بيعتبرها زي أخته ميعرفش أنه بيضغط على وتر غلط قال بخبث وهو بيبتسم : مقولتليش ندى بنت عمك دي مرتبطه؟
أدم بصله بنظره مرعبه..
سليم قام وخد وضعية القتال وبعدين قرب منه وهمسله وقال: أصلك مش عارف هي عجبتني وتستاهل أصلها قمر الصراحه..

أبتسم أدم ببرود وفجاه رجع رأسه لورا وضرب بيها راس سليم جامد، وتوازن سليم اختل ووقع على الأرض تاني ..
مسك سليم رأسه بألم وكان بيضحك على أدم : لأ شديد يا دوميي..
أدم بصله بضيق وسابه ومشي..
يوسف قرب من سليم وبيديله كيس تلج وفوطه وقال بتنبيه : مكانش لازم تعمل كدا .. انت بتلعب على وتر غلط عند أدم كله إلا ندى حاول تصلح اللي هببته بقى ..
سليم باستغراب وهو بيحط التلج على رأسه ومناخيره قال: يعني ايه كله إلا ندى مش فاهم ؟؟؟؟؟
يونس استغبى اخوه اوي لانه بيتكلم قدام سليم اللي هو اخو صبا قال بسرعه عشان يلحق الموقف: قصده يعني أن أدم وندى كانو صحاب أوي زاد أنه بيعتبرها زي هاجر، ف ندى وهاجر خط أحمر..
سليم هز رأسه بشرود وسكت..
⁦♡♡⁩⁦♡♡⁩⁦♡⁩⁦♡♡⁩⁦♡♡⁩.

دخل أدم اوضة تبديل الهدوم وكان متعصب ورايح جاي فيها، دخل الحمام وحط دماغه تحت المايه وبعدين رفعها وبص لنفسه في المرايه وقال وهو بيحاول يهدي نفسه عشان ميخرجش يقتل سليم: انت عارف انه مش قصده، بيستفزك مش اكتر عشان القتال يبقى أشد...
هز دماغه كذا مره ولبس هدومه وخرج وهو شايل شنطته على كتفه لقى سليم بيبصله بسخريه.
ادم بغيظ : انت عارف انك شخص مستفز جداً ؟؟
سليم باستفزاز: حبيبي تسلم..
أدم خبطه بالشنطه في كتفه وخدو ومشي..

في صباح يوم جديد الكل في فيلا البحيري كانو قاعدين على السفره لما معتز قال بهدوء: احنا معزومين على الغدا عند عمكو ايمن النهارده، يعني هنقوم نصلي الجمعه ونروح علطول..