Isa lang Para sa Isang Pusong Tila ay Naliligaw

Nagmahal ako ng taong maunawain

Nandyan lang siya kahit na nagkakaganito ako

walang judgment na makikita sa kanya

walang pamimintas at kung ano pa man

Ang aking mahal na kaisaisang nakakaunawa sa akin

Pinaramdam niya na mahal na mahal niya ako

kahit na mas mahal ko pa ang aking sarili,

Nitong aking napagtanto,

Hindi lang pala dapat sa akin umikot ang mundo

kasi hindi lang ako ang tao dito

hindi ako espesyal na tao

nakikisabay lang ako sa bilyong mga tao

na naglalakbay para sa kanikanilang takbuhin

oo, tama mahalin mo ang iyong sarili

pero kailangan paring may limitasyon

hindi palaging dapat ay maging makasarili

di ba nga, ako ang pinakamatalinong babae sa mundo?

pero dahil tao lang din ako, sa isang banda ay walang saysay ito

oo, nakikita ko kung ano ang mga dapat gawin 

para maging mapayapa ang lahat

pero kahit anong gawin ko

intindihin ang iba, o mahalin ang aking sarili

wala pa ring malinaw na sagot

sapagka't you really can't please everyone

ganito talaga ang sistema ng mundo

kung hindi ito nangyari, mawawala ang balanse sa mundo

yin, yang

mabuti sa kasamaan, at kasamaan sa kabutihan

ganito kami ng aking minamahal

napakaswerto ko, kasi kahit dumating ako sa punto na ganito

mahirap intindihin at napaka komplikado

nandyan lang siya

siya ang tunay na mas matalino sakin

dahil hindi ni minsan sumagi sa isipan niya

na baguhin ang aking pag iisip

kundi ang mahalin ako sa anumang mga bagay

na nakikita niya sa akin

ang sarap sa pakiramdam ng ganito

na may magmamahal sayo kahit ano ka pa

kahit pa wasak na wasak ka

kahit walang wala ka.

May ibibigay at darating para sa yo.

Inilaan ng Diyos para sa yo.

Kahit magulo ang mundo

masarap pa din mamuhay dito

dahil kahit masama man ito, may kabutihan ba din dito

at kailangan nating tanggapin

na kahit na mabuti ang isang tao, 

makakagawa at gagawa pa rin ito ng pagkakamali

yin, yang

Mapalad ako sapagkat ang minamahal ko

tanggap ako kahit kung minsan nakakagawa ako ng kamalian, 

at alam niya na kahit ganun pa man

mabuti pa rin ako para sa kanya.