العيله هدا جوها💗

مقدمه عامه عن الشخصيات💕

جيت من جديد😁طبعا روايتي الجديده (العيله هدا جوها💗) تحت رقم 3😊 أتمنى تنال اعجابكم فكرتها مختلفه علي اول روايه وتوه ابدوا اقروا التعريف بالشخصيات ياريت التصويت 🌟ورايكم فيه 💬وقراءه ممتعه للجميع🙋🏻‍♀️❤
.........Soma Alsideek 🖤
البدايه بتاريخ2021/7/24💗تحت ضواء القمر 🌌🌔😁
..........Soma Alsideek🖤
بسم الله....
حانبدا بشخصيات الروايه او بالاحرى عيلة الروايه ❤
الجد متوفي إسمه"أحمد" والجده إسمها "سليمه" وعره شويه لكن حنينه وطيبه
عندهم ثلاث عيال وبنتين كلهم متجوزين وهما:

(1)العمه الكبيره "حواء" مش مكمله دراسه لعند ثلاثه إعدادي بس وهدي ما تسكنش في نفس المدينه يلي يسكنوا فيها أهلها بعيده عليهم في الضواحي المهم راجلها إسمه"معتز" عندها من الاولاد:
*مرام * عمرها25 هدي أبرد منها ما خلقش ربي ومستفززززززه بشكل مش طبيعي😫

*ألاء* عمرها 21 نفس أختها مرام مزيته درجه أولى وبارده وراس مالها الفتانه في العيله ودحناسه😓

*يوسف* عمره20 هدا قصه ثانيه خالص😑 دحناس درجه أولى وين ما في بنات وين ما تلقوه لقب في العيله خي خواته😂

*أسامه* عمره 19 هدا فيه الهون شويه علي خوه لكن العرق مره مره يكرب😂نفس خوه غالي عليه هدرزت الصبايا وحركاته زي البنيات😓

(طبعا عيلة حواء كلها بارده😑 ومش حانبينهم واجد في الروايه🙄 )
_______Soma Alsideek
(2) العم"صديق" هد اطيب واحد في عيال الحاجه سليمه كلهم💕 يشتغل هو وخوته الاثنين في معارض متاع سيارات😍 ليهم عندهم معرض واكثر من محل متاع قطع غيار السيارات ليهم إسم كبير في البلاد💪
مرته إسمها "نجوى" متخرجه من معهد صيدله وما تخدمش😑 عندهم من الاولاد ثلاث بنات وولدين وهم :
*أحمد* عمره 27هدا جوه سمح ويهبل وغالي عليه خوته حنون فيهم واجد❤

*رواد* عمره25هدا ملقبينه المختش🤡 😂 تتوقع منه اي حاجه مقالب درجه أولى ومرات توصل بيه للهبال حرفين🙂😂

*خوله* عمرها 23نسخه من أحمد حنينه هلبا وحساسه لكن جوها مليح 😁وغالي عليها الكريمات والمسكات وفي العيله ملقبينها خوله وكريماتها😂

* منار* عمرها 20 هادي العاقل فيهم دروحها😌 لكن ياما تحت السواهي دواهي 🙂تبي شويت تشجيع علي الهبال وهي علي طول تستجيب😂 وجوها يهبل ومستفزه نوعا ما🙂

*سلمى*عمرها 19 سلمي وما أدراك ما سلمي 😌هبال درجه أولى متاع خطط جهنمية😈 وماتباتش فيها حاجه نفس رواد لكن هي تقريبا أكثر او خلينا نقولوا واصله لمرحله متقدمه اكثر من رواد في الهبال🙂💔😂 ومستفزه😒 وعصبيه 😤وصريحه ماتعرفش تجامل😜
___________Soma Alsideek
(3)العم"حسام " هد جوه حلوه من الأخير لكن عصبي واجد كيف ما قلت يشتغل مع خوته☺ مرته إسمها "ليلي" متخرجه من كليه الاداب قسم تاريخ ما تخدمش لان عندهم المرآء ما تخدمش في العيله تمسك حوشها وتربي صغرها بس 😓
عندهم ولدين وبنت وحده وهما:

*أصيل* عمره25 هد رفيق رواد في الكفاح 😌قصدي الهبال وجيين في نفس الشهر والعام 😂بختصار شديد أصيل شبه تؤم رواد لكن اعقل منه شويه لكن مع ذلك مش عاقل🙂😂

*سيف* عمره24 مغرور وشايف روحه😒 لكن مش مع شباب العيله كلها بره الحوش رفعت الخشم😂 قدامهم عادي جوه مليح 😌ملقبينه بوخشيم لانه متكبر😂و عصبي لكن في نفس الوقت بصايري وجو اطلع طول😅

*هديل*عمرها19هدي جوها فوق الريح دلوعت بوها ويلي تبيها هديل حسام علي طول يلبي😊 لكن مش زي المزيتات عاديه جوها زي سلمي هبال ومقالب ومش عصبيه باره جدا😜😂
_________Soma Alsideek
(4) العمه " فريحه" هدي عكس حواء في كل شي حتي عيالها تسكن قريب من أهلها مدرسه رياضيات🙂 رجلها إسمه"عماد" يشتغل تاجر عمله💵 عندهم بنتين وولد واحد عكس خوها حسام😁
وهم:
*رتال* عمرها 24 هدي جوها اطلع طول فستري وضحك وحنونه هلبا وغالي عليها بنات خولها وماتتحمل فيهم شي زي خواتها😘

*نزار* عمره 23 هد جوه يهبل والقعد معه تهبل جوه هياجه وفرهودي وبس😌 لكن عصبي هلبااااا كان حمق الفيوز الوحيد السليم متاعه ينضرب ويخلط علي المالح علي قولتهم لاعاد يعرف خوه من بوه🙂💔😂

*حنين* عمرها17 هدي هاديه وعاقله وفي حالها ماديرش في مشاكل لكن كان خلطت علي سلمي وهديل تبداء زيهن 😂ومستفزه 😒
___________Soma Alsideek
(5)العم " عادل" هد صغير مش كبير عمره31 جوه زي حسام خوه شباب والبنات العيله إقولوله عدول وقبل ما يتجوز كانوا يقولوله عدول المهبول😂لكن لما تجوز رحت عدول بس بدون المهبول حفظاً علي الهيبه قدام المدام😂🤣 طبعا كيف ما قلت الخوت الثلاثه يشتغلوا مع بعض ، مرات عادل إسمها"نوره" ومتخرجه معهد عالي حاسوب وما تخدمش🙂
عندهم ولدين تؤم صغار :
سراج وضرار عمرهم خمس سنين
___________Soma Alsideek
طبعا العمام الثلاثه يسكنوا في نفس الأرض او (السانيه) عندهم اربع حياش جنب بعض وفيلا كبيره هدي لأمهم👵 يلتموا فيها كلهم كل يوم وجنانهم كبير وكله مزروع وبنسبه لعمتهم فريحه تسكن مش بعيد من عليهم هلبا وحواء مش في نفس المدينه في الضواحي بعيد واجد عليهم تجيهم من الجمعه لجمعه ومرات في الشهر مره

ملاحظه عارفه روحي كثرة واجد من الاهبل والمهبول والهبله والهبال صاح😂🤣لكن عادي مشو الجو وخودوها بروح رياضيه مفيش عائله تخلو من الهبال🙂😂
__________________
إنشاء الله تعجبكم الروايه في لأول حتنسوا الاسماء وتخلبطوا لكن بعدين تتعودوا☺ في مواقف في الروايه حقيقيه💖وتوه قراءه ممتعه للجميع ونشوفكم في الجزء الأول مش تنسوا ديرو الحوله علي الأخطأ الإملائية 😊لأني ما نراجعش واهم حاجه (نجمه+تعليق )والله ماهو ناقص من عمركم كان درتوهم😩😭أدعموني رجاءاً🙂💔
روايه(العيله هدا جوها💗)
روايتي رقم3😁

◇إهداء الروايه إلي كلاً من:
(كوكتي الشمحه)🙂❤
و💕فرح دنيآي💕😍
دعواتكم لماما ديده بطول العمر والصحه  ❤

هي خلاص🙃
سلامات ياسر 👋😁💗

📝:Soma Alsideek Almosrate