العيله هدا جوها💗

الجزء التاسع💗

اول يوم العيد 😁😍
في حوش صديق...
خوله تلبس في سعتها وكانت لبستها عباره عن سروال عنبري وبلوزه سوده فيها ورد عنبري بارز علي نهايت الأكمام ووشاح عنبري في الاسود والأبيض وسبيدرو أبيض
خوله: مش عارفه نحس فيها قصيره واجد بابا توه يهزب😑
منار: لا عاديه مش قصير هلبا عادي☺ (كاينه لابسه بلوزه طويله بيضه وفيها لؤلؤ أخضر غامق علي طول كمامها وسروال أمريكي فاتح ووشاح أخضر غامض (جيشي💚) وكندرا بيضه )
خشت عليهن سلمى: اووووي كملتن يا بروات😁
خوله: حي يا فرخه طالعه كيوت😍
منار: طالعه عليك تهبل😍
سلمى: ايه عارف روحي سمح ربي يحفزني من العين🙂🖐🏻😂
خوله: عبد الواثق😅
طبعا كين لابسه عكس خواتها قونه مكسره رصاصيه وبلوزه بيضه فيها نفخه من الأكمام وحزام قوتشي اسود ووشاح رصاصي في الوردي وكندره عاليه فيها كعب بسيط يعني 🙂)
خوله: هي نمشوا لي هديل نخدوها ونعدوا نراجوا بابا وعمامي والشباب نين يروحوا من الجامع
منار: هي هي
سلمى: نراجي في المكرونه والفتات من توه اني🤤😍
خوله: يا غبو الغداء مكرونه وفتات وتوه عصيده الفطور😄
منار: اللللله ععصيده😍
سلمى: يع مش عارفه عجينه منحبها لا هي لا البزين😓اسمعوا من توه كان متت ما ديروهنش في عزاي🙂
خوله و منار بحتن في بعض ونفلقن ضحك هني وسلمى 😂😂😂
خوله: غير موتي بس🙂
سلمى: انننن😒😛
منار: هي قريب يجوا خلنمشوا لهديل ماما من زمان عند حنتي غادي توه تقول خيركن طولتن😁
وعدا لحوش حسام دقن الباب فتحت هديل وهي لابسه ومتكمه روحها علي سنقت عشره😆(كاينه لابسه بلوزه ورديه فيها بروش علي الصدر وأكمامها فيهن نفخه بسيط من لوطه قصير ومعها سروال واسع ابيض ووشاح ابيض ساده وفيه لؤلؤ من الأطراف وكندره ورديه)        
خوله ضبطتها: كل عام وأنتي بخير هدوله 😘
هديل: وأنتي بخير لكن مش توه يعيدو يا غبيه بعد يروحوا من الجامع 😅
خوله: عادي مشيها وأنتي وقفه علي الوحده😒
منار: هي علي اساس أمس في الليل مش مع بعض وتتعاركو😂 هي قبل يجوا من الجامع
خوله: خويله ليلي وين🤨
هديل: عدت من زمان لحني☺
سلمى : بنات حس السياره قدام الباب شكلهم روحوا 😃اني منفتح ونعيد عليهم اول وحده😜 وعدت تجري
خوله: رتي كيف ماشيه تلهد زي الصغار🤦‍♀️😓
منار: يا غبيه راك إطيحي من الكعب😕
سلمى ماشيه تجري: مش شوركن😌  فتحت باب الصور وخشت سيارة بوها ومعه احمد وحسام وسياره رواد ومعه أصيل وسيف وعادل درسوا في القوراج
ونزلوا سلمى عدت تجري لبوها حضناته وباست راسه ويده : كل عام وأنت بخير ربي ما يحرمني منك يا غالي سامحني كان غلطت مره ولا زعلتك مني ❤
صديق حب علي رأسها : كل سنه وأنتي طيبه وربي ما يحرمني منك ولا من خوتك مسامحك بنيتي☺(كانوا صديق وحسام لبسين زبون قهوي وعادل ازرق ملكي وأحمد أسود هو و رواد وأصيل دمي وسيف جيشي💚)
عدت لعمامها عيدت علي حسام ضبطاته وباست راسه وأيده : كل عام وأنت بخير عمي ينعاد عليك بصحه والعافيه وبطولت عمرك سامحني
حسام : وأنتي بخير بنيتي وينعاد عليك ونفرح بيك مسامحك بنيتي ☺
وبعدها عادل حضناته وباست راسه : كل عام وأنت بخير عدول نشاء الله بطولت عمرك 😁
عادل مد يده: مفيش بوسه علي اليد ولا سامحني😑
سلمى: عادي ماتزعلش ومسكت يده لكن ما خلهش عادل حضنها وحب رأسها
عادل: نبصر نبصر😅كل عام وأنتي بخير يا مهبوله ينعاد عليك 😁
الكل يضحكوا
سلمى : وعليك عدولي😊
بعدها سلمت وعيدت علي احمد ورواد بالأحضان  وأصيل سلمت عليه باليد ووصلت في سيف يلي كاين ساهي من فتره فيها من اول ما فتحت البوابه 😍
سلمى مدت يدها وهي نفس الشي عجبها سيف كاين محلق والزبون طالع عليه خيااال😍: كل عام وأنت بخير ينعاد عليك بصحه والعافيه 😊
سيف : وأنتي بالف خير سوما وينعاد عليك بصحه والعافيه 😍سلم عليها باليد وهو ضاغط علي يدها زي يلي خايف عليها تريح منه لكن طلقها عارف الكل معهم 😓
سلمى: نمشي لحني نعيد عليها قبلكم😜وعدت تجري
سيف يضحك علي حركات سلمى😌
في عقلا حتي بهبالها سمحه🙂😂
صديق ضحك: أمتي تعقل هالبنت بس😅
حسام يضحك: لم يطلع الشعر في كف يدك😅
رواد: جعان يا جماعه هي نخشوا نعيدوا وناكلوا عصيده🙂
صديق: ناض الاهبل التاني اهو😌
رواد: شكرا جزيلا علي المدح😑
احمد: غلطت ياعمي كان عقل هالمختش تعقل سلمى😂😂
أصيل: كل شي ولا رودي عاد🙂
عادل : خلاص هي نخشوا خشوا كلهم عيدوا علي بعض كلهم وجابوا العصيده وكلوا إلا سلمى طبعا😁كلت شي
بعد جت قريب الساعه 9:00 جت فريحه ورجلها ونزار ورتال وحنين
عيدوا علي الكل وبعدها جاء رمزي خو سليمه ومراته ونضال وميار وبنت التاني مجوز إسمها منال
.........Soma Alsideek
عند البنات في المطبخ سلمى إدير في القهوه وهديل تستف في الحلويات في المتارد هي وحنين و خوله ورتال و منار يهدرزن ويواتن في الصفر دروحهن😌
سلمى: أهي طابت من بيشيل بره ومن بيشيل داخل
هديل : أصيل قال كلموني اني نشيل بره مفيش حد يطلع 🙂لانه في رجاله صحاب عمامي جوا توه
منار: توه ندق علي الباب يجي يخدها
هديل: ما تعبيش روحك رنيت عليه😁
أصيل خش : سلام وين القهوه
خوله: اهي قدامك الصفره شيلها🙂
خذها وعدا
سلمى: هي تولي حبيبتي🙂  شيلي جوه معنديش نيه لا نشوف وجه ميار لا اختها ولا أمها😑
رتال:عينك فكيني منهم تره
خوله: حتي اني مش طالعه
سلمى : تي باهي توه نشيل اني ندفسي في مكانك منك ليها يعقاب بنت العازه 😓
منار: احلفي
طلعت سلمى قدمت القهوه
سلمى: تفضلي
منال: زيد فضلك حبيبتي وين خوله ☺
سلمى: داخل تبي شي🤨
منال:لا نسأل عليها سلمت ومعاش شفتها بس
سلمى: مش فاضيه🙂
وقدمت علي الجميع وعدت للمطبخ
سلمى: تسأل عليك منال
خوله: فكيني باللهي😑
هديل: بنات وين كعك التمر منحطه🤔
منال: تقريبا  نوره حطتهم عندها شوفتها
هديل: تمام طلعت سألت نوره طلعت حطتهم في حوشها عطتها المفتاح وعدت بتخدهن هي خشت الحوش
عادل وخشت للمطبخ حست حد غملها
فمها وبرمها ليه وهنا كانت الصدمه😱
.........Soma Alsideek
نزار طلع للحمام شاف حد خش لحوش عادل خاله ومستغرب كيف خشله عدا وره 🚶‍♂️
عند هديل: لما برمت شافت نضال 😱
نضال: وأخير حصلت عليك يا فرخه🤤
هديل إدف فيه وتحول تعيط لكن هو بجهامته مش قادره
نضال: ما عندك وين تهربي يا سمحه
نزار خش للحوش ما شافش نضال عدا للمطبخ لما سمع دوه وشاف نضال ماسك هديل مكتفها وغملها فمها عمك نزار هجم عليه كافر ماهو مسلم🙂 والجنون الزرق كلهم يتنططن قدامه كر من عليها وبدا فيه هبد يضرب وين ما يجيه
نزار: يا ولد ال*&^%$#$^%$#
يا كلب يا *&^^%$ياعن*&$# اليوم نقتلك يا *&&^^$😡😠😠😠
هديل تبكي وتكر في نزار ونضال وجها كلا دم
هديل: خلاص يا نزار خلاص خلاص نزاااار😭😭😭😭
نضال ضرب نزار في بطنه وطلع يجري
هديل: نزار فيك شي😭
نزار برم عليها حامق للمليون: شن إديري هنا ااااه ليش جيك هدا 😡
هديل تبكي ما ردتش عليه ولا كلمه عدت حضناته بالقوه وهي تبكي ونزار كيف الجمره يلي صبو عليها الميه حضنها
هديل:😭😭😭😭
نزار يمسح علي ضهرها: خلاص خلاص😟
هديل: ما تسيبنيش😭
نزار بعدها من عليه ومسك وجها بين يديه: ومن قال منسيبك دارلك شي الكلب😡
هديل هزت رأسها يعني لا 😭
نزار رد حضنها : خلاص معاش تبكي خلاص هديل😞
هديل: معاش تخليني نزار😭
خشت عليهم نوره مصدومه 😱
نوره: نزار هديل😱
نزار برم 😳
هديل تبكي: نهاري أسود اليوم😭
نوره: شن إديروا هنا معاش تتحشموا خلاص كيف إديروا هكي اااه😡
نزار لمرت خاله: والله يا نوره فاهم غلط وربي ما درنا حاجه😨
هديل وراء نزار:وربي ما درت حاجه كله من الكلب نضال 😭
نوره: شن دخل نضال فيكم انتوا تو😡
هديل ساكته تبكي وماسكه في يد نزار
نزار: اني شفت جاي هني لحقته لقيته لقيته ماسك هديل
نوره: شنووو شن صار😱
نزار:لا لا لامصار شي ضربت وطلع ما نعلمش وين مشي الكلب😡
نوره جت لهديل حضنتها: خلاص هديل معاش تبكي وانت خلاص برا علي حالك😑
نزار طلع يدور في نضال قالوله لولاد الصغار طلع معاش جاء عرف إن هرب
ونوره فهمت من هديل شن صار وهدتها وقتلها اغسلي وجهك وخليك شويه نين تهدي وتعالي غادي وعدت وسيبتها
وبعد شويه طلعت هديل شافت نزار بروحه واقف في الجنان يدخن مستغرب منه اول مره تشوفه يدخن
هديل: نزار ☹️
نزار عزق الدخن وعفس عليه : نعم تبي شي فيك شي😕
هديل: لا شكرا واسفه 😞
نزار: علي شني🤨
هديل: شكرا لأنك ساعدتني وأسفه لأني حطيتك في موقف بايخ مع نوره
نزار: معاش تشكريني ولا تتأسفي
مني ما درت شي
هديل: منمشي داخل تبي حاجه😞
نزار: ايه ايه 😣لا قصدي نبي نقولك حاجه لي هلبا مش عارف شن نحس تجاهك لكن اليوم عرفت اني ما نتحملش حد يمسك اليوم عرفت إني نحبك صح مش مجرد إعجاب ولا شعور عابر كيف ماكنت نقنع في روحي
هديل😧
نزار : خيرك ساكته عارفك مصدومه اني علي نفسي مش عارف امتي حبيتك وأمتي لكن مش بأيدي نحبك😞
هديل:مش عارف شن منقولك صراحه انتي قلت كل شي ما عقبتلي شي نقوله😨لكن حتي اني نفسك ماعدا عرفت اني نحبك ولا مجرد وهم معاش فهمت روحي انت متلخبطه 😟
نزار:😳😍تحبيني يعني
هديل: شكلي مش عارفه صراحه😞
نزار: باهي عليش مطرم شواربك🤨
هديل: علي موقف مبكري😢😞
نزار: اني نقولك تحبيني تقولي لموقف لبكري ضروري ما دكريني يا هديل ماتخلينيش نمشي ندوره ونقتله ره ماسك روحي لتوه ما لحقتاش علي خاطرك بس لكن توه يعرف الكلب شن مندير فيه😡
هديل: لا نزار ما دير شي علي شان خاطري ما يستهلش إضيع روحك عليه
نزار ساكت وشوفلها😶
هديل: خيرك ساكت🤨
نزار ساكت وخلاص😶🙄
هديل: باهي حتي اني نحبك 😣
نزار ضحك: 😃😍
هديل عدت من جنبه تجري للمطبخ ما لقت حد عرفتهن جوه مع الصبايا عدت داخل لصاله وقمعزت معاهم وهي مش عارف روحها فرحانه انها قالت لنزار إنها تحبه ولا زعلانه من موقف مديري
المهم جت العشيه وجت عمتهم حواء ورجلها بس ما جوش عيالها أحسن🙂عيدت عليهم قعدت شويه وروحت😁     
........Soma Alsideek
بعد سبوع من العيد أحمد خطب رتال رسمي وهي وافقت طبعا 😌وقرر يديروا دفع بعد العيد الكبير والعرس نين السيد أحمد يكمل حوشه طبعا بنين في نفس الصور العيله للشباب الاربعه كل إثنين فوق بعضهم سيف وأصيل ورواد وأحمد لكن مش مكملين مزال😁
المهم اليوم مر علي خطبت احمد ثلاث أيام وجاء خطيب لي خوله تره قولوا من سلف منال 😊في دار خوله
نجوى: اليوم جو لبوك راجل منال بنت خاله وبوه
خوله بدون إهتمام: بشرو سياره😒
نجوى: عينك يخطبوا فيك لولدهم الدكتور😊
خوله: مش موافقه😑
نجوى: بلا استعباط العيل قاري بره ودكتور ليش مش موافقه كم واحد في واحد تقولي لا 😡
خوله: قلتلكم لا اني مانيش مجوزه نفر إفر فور إفر😂 اني حر الجواز مش بالغصب اني مش مستعده افهموا مش كل شي جواز ولا مضيقين مني كن هدا شي تاني😡 
نجوى: خليك نين تعنسي وتقعدي في وجهي😡 وطلعت
صديق: شن قالت☺
نجوى: لا مش موافقه😤
صديق: عادي يجيها يلي احسن منه وهو ربي يكتبله نصيبه😑
نجوى: كيف هدي تخليها علي راحتها وكل واحد تقول عليه لا لعند امتي😡
صديق: ريحيني يا نجوى بنتي مش غصبها علي شي بيش لما يصير ما يصير ماتقولش كله منك يا باتي وتوه سكري عليه الموضوع اهوه😡
نجوى سكتت😡
عند خوله ماسكه تلفونها تتفرج علي صور عمك زياد وبصدفه يطلع اليوم عيد ميلاده
خوله: يا قلبي عيد ميلادك😍بعتتله كل عام وأنتي بخير علي الخاص وهي خايفه بعدين مسحتها وبعدها ردت كتبتها وبعتتها😁بعد شويه رد عليها وإنتي بخير
خوله صبت علي السرير: رد عليا 😲😍
شن إندر باهي😰
زياد بعتلها: مرحبا☺
خوله بطير من الفرحه صبت علي سرير تغني: هلا بجوي هلا بعمري هلا بلي شغل بالي😍وردت قمعزت وردت عليه
خوله: أهلين
زياد:شكرا علي المعايده انتي اول حد يعيدني السنه هدي ☺
خوله: عفوا ولو😊
زياد: علي فكره مزال عليه شهر
خوله: شنو🤔
زياد: عيد ميلادي مش 25يونيو في25يوليو😅
خوله لروحها: تفوووووو علي وجهي عليك حشمه وخبطت وجها بيدها🤦‍♀️
خوله: أسفه غلطت
زياد: لا عادي ولا يهمك خوله (طبعا حاط إسمها وإسم عيلتها ) انتي بنت عيت*&^%$
خوله: ايه تعرفنا😅 (دروحها ما تعرفاش😂) 
زياد: ايه واخدين بنت عمي وأصحاب في نفس الوقت إنتي بنت منو🤔
خوله:علاش تسأل🤨
زياد: أسف كان أزعجتك لكن فضول😅
خوله: لا عادي ومش ضروري تعرف😁
زياد:تمام😑 شن تقري به
خوله: مزال سنه ونتخرج هندسه ديكور😊
زياد: حلوو ربي يوفقك وانا محامي 😁
خوله: موفقك ☺
زياد: شكرا 
خوله: باهي تصبح علي خير توه وأسفه علي المعيد المبكره😁
زياد: قدامك الخير لا عادي ولا يهمك تشرفت بمعرفتك بش مهندس خوله😁
خوله: وأني زياد حضرت المحامي في أمن الله 😊
وسكرت النت وقريب بطير من الفرحه😍😍😍
خوله: خاطري نعيط ولانزغرط ولا اي حاجه هدرزت مع زياد اليوم 😍تره خل نراجع شن قلت اني 🤔وقعدت تقراء في المحادثه أكثر من مره😂حاله وخلاص🤦🏻‍♀️ 
..............Soma Alsideek
ثاني يوم في العشيه مقمعزات ليلي ونجوى وسليمه في الجنان يلي قدام يهدرزا مع بعضهن ونوره مش قاعده عدت لي ماليها
والبنات في الجنان الخلفي بروحهن يهدرزا وزيطات والشباب كلهم مش قاعدين مشين لبحر مع اصحابهم
سلمى: اني منمشي نجيب حاجه نكلها جعانه😫
خوله : حتي اني جيبيلي ميه عطشت
سلمى: تمام وعدت للمطبخ خدت سطل الحلويات تكل منه وبعدها سكراته وطلعت
سلمى: ايه والله خوله تبي ميه رد لكن قبل ما ترد للمطبخ سمعت صوت ضحك وهدرزه
سلمى: في من يقرما زعما خلي نمشي نسمع😃 وعدت تسمع عليهم
ليلي: ......😊
سلمى😱😳😭......يتبع
............Soma Alsideek
هانت الروايه قريب إتم خلاص
عطوني رأيكم في الجزء هدا ☺
📝Soma Alsideek
تشاو💗☺