العيله هدا جوها💗

الجزء الثالث💗

سلمى: كبببسسسسسهههه ارفع إيديك فوق اننن😰
البنات😨😨😨😨😨
طبعا كاين الوضع كتالي نزار قاعد في السروال والكنتيره(او الكت او فلينيه النص مش عارفه الحق شن تسمو فيها انتو)😂🤣 وسيف بشرت بس ورابط التيشرت(القميص) متاعه علي راسه زي العمامه🤣 ونزار طايح وسيف فوقه وماسك راسه يخنق فيه وأحمد وأصيل ورواد يشجعوا ومصبين فوق الصالون😂😂😂 مديرين مصارعه😂😂😂
نزار وسيف😳😳مزالوا علي نفس الوضعية وتنطبق عليهم اغنية لماذا نحن هنا سؤالن صعب سؤالن صعب😂🤣🤣
أحمد وأصيل و رواد 😲😲😲
سلمى: إنسحااااااب😂 وطلعن يجارن قدام الباب متاع المربوعه
منار: شن هالمنضر ووووه😂🤣
خوله: مش قلتلكم بلا هاللقطه البايخه🤦🏻‍♀️😂
سلمى ميته ضحك تخبط علي رجليها: عليك منضر ووووه خلاص متت😂😂
هديل: لا مصدق روحه سيف إن مصارع يحساب روحه جون سينه😂😂😂
رتال : ولا نزار خويه كيف نصدم🤣😂
طلعو لولاد كلهم حامقين 😡😡😡😡😡
أحمد حامق: شن هدا😡
حنين: هدا إسمه هبال يا مصارعين زمانكم😂
أصيل: عليش مديرين الباب خلاص معاش فيه حشم😡
خوله: وين نعلموا عليكم عندكم بطولة wwe نحن 😑
سيف : عجبكم المنضر يا خمره إنتي ويها خشت تقول مداهمة لا أحم ولا دستور وكان فيه معانه حد من الشباب وشفكن 😡
سلمى بهزوا: ريتي هالمناضر الخلاب وجمال الساحر يلي شفناه 😌
احمد:سلمىى سكري فمك😡
سلمى🙂
هديل: ايه والله يتهابكوا يحسابوا روحهم جون سينه واندر تيكر وهم زي الفيران السكرانه 😂🤣🤣
البنات🤣🤣🤣🤣🤣🤣
سيف: هديييللللل😡
رواد: باهي خلاص خشي ندفسي إنتي ويها جوه بلا عرايك زايده ساد اليوم كله عرايك 😑
هديل دفاته: خشين بدون ما تقول أصلا هي يا بروات😌
سلمى رافعه كتوفها ودروحها راجل وغلضت صوتها: هي جايت يا صقر😎😂 وخطمت من جنب نزار: اشحط روحك شويه يا مان معاش تخلي حد يضربك خليك راجل مش انتايه💪🏻😂
نزار دفها قريب طاحت : خشي خشي يادراه😒
سيف ضحك علي سلمى: ايه أسمع الكلام سيدك سالم يا زيزي😂🤣
خشوا كلهم وفتحوا فيلم رعب علي الجن 👹👻وطفوا الضي قعد غير ضي الشاشه وعلوا الشاشه وقمعزا كتالي هديل وسلمى وحنين جنب بعظهم علي الكنبه فوق متربعات وسيف ورواد واصيل لوطه قدامهن ورتال وخوله و منار لوطه جنب بعضهم وأحمد ونزار جنب بعظهم وكل واحد ماسك حاجه يأكل فيها 🤤😍😂
سيف ياخذ من هديل وسلمى وحنين 😁وهو عند شيبس متاعه قدامه
سلمى تتفرج ولما جاءا بيخذ سيف قرصاته في يده: حول مكسورتك من علي حصتي😤
سيف: ااااحح قريب طيرت جلدي في يدها علي طرف تشبس خزي بخيله 😑برم علي هديل بياخد
هديل رفعت الصونيه فوق راسها😂: ما تفكرش فيها بكل كملت من بكري تخد مني كملت عليا حصتي ره😒
برم علي حنين لقها مكملتها حصتها😂
سيف : بخيله أنتي ويها ويها🙂وقعد يأكل من حصته😂
منار جاء مشهد يخوف 👹: يا ماماااا طفي طفي 😱
رواد يعلق عليها: يا ماما تفي تفي😌 نطفي عينك🙂
أصيل: شفو شفو كيف قطع رقبته الله 😃
البنات😳😳😳😳😱😱😱😱😱
سلمى : وين لقيه يا فرخ سيف الفيلم هدا😨
سيف يضحك زي الاشرار😂: ني هاهاهاهااااا جبهولي قريني👻 وشقلب في عيونه😈
هديل خايفه: بنات هي ساد نعست😨
رتال نفس الشي: اااايه حتي اني
أحمد: خوفااااات😏
نزار: عدن عدن لكن أفطنن لجنان مرات تطلعلكن العواوه😂🤣
سلمى خايفه: حمودي صبي وصلنه😳
أحمد: ملحي اهو الحوش خطوتين منتفرج مش فضيلك😑
خوله : خلاص اقفن نمشوا ما في شي 😥
كملت خوله كلمتها من هني الضي هرب من هني☹️💦😭
البنات عيطن كلهن مع بعضهن 😫😫😫😫😫😫
سيف: قطعه في هالصوت إنشاءالله😡
رواد: اس يا عن فيتكن😠
سلمى عندها خوف مش طبيعي من الضلام قعدت تعيط😭: ولعوا ضي والنبي ولعوا 😭😭
احمد عارف إخته تخاف من الضلام 😕ولع فلاش فونه فيسع : خلاص اس بلا صوت اني ولعت
سلمى : طلعوني منمشي لحوشنا معاش منقعد هني 😭
نفتح باب المربوعه بقوه نين عيطوا كلهم
😂
فريحه خشت عليهم : كنكم شن فيه شن صار 😨
رواد: عمتي فريحه😰
رتال: ماما 😨
فريحه: خيركم تعيطوا فجعتوني في حد صرله شي😰
الكل ساكت ويبحتو في بعضهم يدكروا في مشهد في الفيلم لم الجن جاء علي هيأت واحد يعرفه بطل الفيلم😂
فريحه: شن فيه 😡
خوله بصوت يرعش: وكان تطلع مش عمتي وتطلع جن😱
حنين خطرتلها فكره : ماما شن غدانه اليوم 😂
فريحه: شنو🤨
نزار: جوبني وانت ساكت قصدي جوبيني وأنتي ساكته😨😂
أصيل: قصده جوبي شن غداكهم قصدي غداكم 😨
رواد واحمد و منار وسيف ميتين ضحك😂😂😂😂😂😂
سلمى صبت علي الصلون تبكي: طلعوني من هني يا كلاب هدي مش عمتي اكيد هدي جني بيقتلنا تفوووو علي مزال يجي يحضر معكم حاجه 😭
سيف يضحك علي سلمى نين شرق🤣🤣😂😂🤣🤣🤣
فريحه: سلمى شن تخرطي وانتوا شن طبخين قلوو عليش تتعيطو😡
أحمد وهو ميت ضحك: كنا نتفرجوا علي فيلم رعب علي الجنون يحسابوك جن ياعمتي😂😂😂
فريحه تخبط في يديها في بعظهم: لا حوله ولا قوه إلا بالله صبي إدمدر إنت ويه وأنتن عدن لحوش صديق كان بتمرقدن مرقد جدي يلي رقد معاد ناض جيل ضايع😡
منار: وسعي بالك عميمه كنك شايطه😊
فريحه: من القهاير يلي نشوف فيهم يعني باللهي عليكم كل واحد فيكم أطول من الثاني وأنت يلي دروحك كبيرهم علي أحمد طبعا😌🙂 تعيطوا زي المفرخ الصغار معهم وانتن يا شبابات العيله يلي زيكن بحياشهن وبصغارهن تعيطن وين تحسابن روحكن حتي الجيران شهدو علي عياطكم😡
خوله لحنين: لا هكي تأكدت إنها عمتي 🙂
حنين: ايه حتي ني🙂
سلمى: صبي واحد منكم يمشي معانه للحوش😓
فريحه: اهوه حوشكم منيش خايفه عشر خطوات تلقي روحك في وسط صلتكم
رواد واحمد مع بعضهم: اني مش شوري😂
سلمى بحتت في سيف😶
سيف : محد يبرق فيا 🙂
نزار : تؤ تؤ 😒مادخني بحد مندمدر علي قولت مامتي🙂
أصيل: امري الله فزن قدامي هي😒
فريحه: عدت وسيبتهم وأصيل عد مع البنات نين خشن وسلمى جابت ثلاث كشفات ولعتهم في المربوعه 😂💔
رتال: ليش مش مولعين المطور😕
منار: ما فيش بنزينه تمت من اول أمس
خوله: وبابا قال لأحمد جيب ما جابش😑
رتال: وكنه أحمد بس ماهو فيه ثلاث صقوره اخرا في الحوش ولا واحد من خوالي يجيب وأنتو ديم تعال يا أحمد جيب يا احمد قل يا احمد تعبتوه المسكين 😢
البنات🙂😏😼😕
سلمى: اح وخلاص يا احمد كان تسمع 🙂
هديل : أشم رأحت موضوع في الامر🙂
رتال غطت رأسها ورقدت: لا موضوع لا نو إدمدري منك ليها😑
خوله: حنين صح تقعدوا تصيموا معانه اول أسبوع🤔😍
هديل: صح سمعت عمتي فريحه تقول فيها لحني مبكري😃
حنين: ايه بابا مسافر اول سبوع من الصيام مش حيكون هني بيمشي لي تركيا مع عمي
سلمى: امتي طلع
رتال تحكي وهي مغطيه وجها: اليوم في الصبح طيارته
حنين: وصل حتي لوصول
خوله: وكيف يصير في ملابسكم ما جبتن شي واجد
رتال: نزار بيرفعنا بعد بكره نجيبوه
هديل: حتي هدا ري
كملا هدرزه وكل وحده شدت فراشها ورقدت😴😴😴😴😴😴
..............Soma Alsideek
ثاني يوم في الصبح خش حسام علي الشباب في المربوعه يدربك علي الباب 😂
حسام يحكي بلحن🎶😂: يا خماير وياقهاير عمري😌 ويرفس في سيف وأصيل😂💔
نوضوا نايضه والعرب رايضه😡
سيف من رفست بوه ناض مصبي ستعداد في مكانه نفجع😂:ااه شن فيه من مات انا وين😨
أصيل قمعز مكانه ومصدوم😨🤣
حسام يخبط فيهم: تي نوض انت ويه نوض هديم الرجاله يلي عبين عليهم 😤
ناض احمد ونزار و ورواد مزال راقد
حسام:خيرا هدا مات ولا نطرش😡 تره شوف يشير لي سيف يلي كان جنبه
أحمد: لا هدا كان تفجر جنب راسه قديفه هاون ماينوضش🙂
حسام: نوضه نوضه الخامر😡
سيف شلفطه علي وجها كف من العيار الثقيل👋😂نين ناض
رواد : يا عن أبوك يا ولد الكلب يا🤬 🤬🤬😡ما شافش حسام
سيف: مبتسم لي رواد لابتسام العبيطه🙂💔🤦🏻‍♀️
رواد:خيرك يا فرخ ال..ومزال ماكمل كلمته يسمع عمه وره😳
حسام جاء لرواد: خيره بوه😡
رواد كيف يلي صبوا عليه ميه سخونه: اااااه بوه من بوه اصلا اني منو😨
حسام حامق : خيره بوه عاود تره 😡
رواد: اه بوه عمي يلي مفيش زيه ربي يحفظه وياطول في عمره🙂
خش صديق عليهم : ناضوا خماير النوم😤 بدري والله الضهر قريب يأذن 😡
احمد يحكي بشويه: نمشو نأذنوه حني اماله 🙂
أصيل: عادي ما عندنا ما نديروا🙂
حسام : صبي منك ليه خشو دوشو وتوه تعرف كيف ما في شي يندار😈
صبو كل واحد عدا لحوشهم يدوش ونزار خش لحوش حنه يدوش والبنات ناضن من زمان 🙂💔خوله ورتال جين للمربوعه يضمن فيها طبعا كاينه حايسه حوسه تقول انفجرت فيها قنبله💥 😓😫
و منار وحنين ومرت عادل نوره يضمن في حوش العيله داخل وسلمى وامها وليلي مرت حسام وهديل وفريحه يديرن في الغداء طبعا اليوم جي خو سليمه الوحيد يعني خالهم وشايب كبير إسمه محمد ومرته عيشه وديمه يجوا معه عيال الزوز نضال :27سنه صايع ضايع قليل ادب ودره كبد😓
وأخته25إسمها ميار كويسه او في حالها
المهم مش وقتهم توه تعرفوهم بعدين
طلعوا الشباب لقو حسام وعادل وصديق مقمعزين بره في الجنان
حسام اول ما شافهم قعد يدويلهم: اسمعوا أصيل ورواد عدو عبو بنابل الغاز وجيبو بنزينه للمطوري
رواد: اليوم في هالنو ☹️😩
أصيل: والغاز والبنزينه طبور اطول من عمري اليوم😟😢خليها بكره اليوم الجو نو😩
صديق: كلمه وحده صبي انت ويه😡
حسام: عدو في سياره وحد مش كل واحد في سياره بيش سيف ونزار يغسلوهم السيارات😌
سيف ونزار😳😳
رواد واصيل صبو😞😞
رواد: ايه صح باتي قال لي احمد عبي البنزينه اول أمس مش حني 🙂
عادل: أني واحمد عندنا مشوار منشوفوا السيارات وصلن امس للمينه منزلوهم
حسام : ونزار وسيف بنضفو الجنان ويغسلوا السيارات واني وصديق ماشيين للمعرض فيه واحد بيشري منا سيارات هي كل واحد لشغله
أصيل: وعمي رمزي يلي جاي من بيقعد معاه(وفي عقله العفن نضال بتخلوه هني ومافي حد إلا سيف ونزار )
صديق: لا توه نتموا كل شي وكان جاء وما لقاناش يستقبله سيف ونزار 🙄
عادل بحت في خوه : والفرخ نضال😑
في بنات في الحوش ره
سيف:شنو مش ملين عيونكم حني😤
حسام: عليش سيبت سيف ونزار اني وانت وأحمد موضوعكم ساهل ساعه ومروحين
صديق هو يلي خطط اصلا مقال شي 😌
المهم عدا كل واحد لي المكان يلي بيمشيله وقعد سيف عدا بيبده غسل السيارات ونزار خش جوه للمطبخ مزال ما فطر بيفطر😌
.........Soma Alsideek
في المطبخ ليلي إدير في مبطن وبريك وفريحه تحشي في العصبان هي وهديل و نجوي إدير في كسكسي وسلمى عليها السلايط
سلمى تحكي لفريحه: توه ضرور لما يجي خالك إديروا هدي كلا شن هوا ما يكلش في حوشه😑
فريحه: توه انتي شن تعبك في الموضوع كلا إديري في سلاطه هدي حدها
سلمى: شن هزين عليها السلاطه هدي وانتو ماتاكلو حاجه الا بيها🙂
ليلي مرت حسام: كلا انتي يا بنتي
سعد يلي يطيح في لسانك😂😂
نجوى: ربي يصبرني علي ما بتلاني😔
هديل تضحك😂
سلمى: امين يصبرنا اجمعين😌
خش عليهم نزار : صبح صبح ياعمي الحج(بصوت اللنبي اكيد تعرفوه😂)صباحوا يا جميلات
فريحه: قيلاتك العافيه 😒
نزار :نبي نفطر جيعان🙃
سلمى: ما فيش فطور الغداء قريب يطيب وهو يحكي علي الفطور خميره🙄😒
هديل: ايه والله😒
نزار: لا الله 😕
سلمى : ايه والله وحق ربي وقسم بالله 🙂
ليلي: تعال تعال صبيتلك فطور مع الولاد لكن بسلامتك طولت توه نسخنه ونعطيك شويه بس☺
نزار: عاشت مرت خالي لولي يارب😁
ليلي:تحشم ياولد😅
سلمى:اني ماشيه لدار الخزين نجيب شيشه زيت وعدت لدار الخزين يلي في الصور
نزار جت علي باله فكره جهنمية: شويه نشوف سيف ونرد نفطر وطلع
عند سلمى: اففففف اللامبه محروقه عادي ضي الباب قاعد وخشت من هنا ويسكر الباب من هنا سلمى قعدت تخبط محد فتح وهي تعيط الدنيا ضلام حتي الشبابيك مسكرات : أفتحوالباب وتعيط 😭😭😭
منار يضحك وقاللها: توه بعد نفطر نفتح الباب خليك شويه استمتعي مع الفأران سمسومي🤣🤣😂
سلمى: نزار يا حيوان افتح الباب😡
نزار: مش اني حيوان مش فاتح 😏
سلمى خلاص : افتح الباب والنبي افتح الباب معاش نقدر نتنفس😭
نزار سكر عليها الباب بالبصاره لكن لم سمعها قالت هكي خاف عليها لكن قال: تكذبي عليا صاح مش فاتح اقعدي هي🙄
سيف جي من القراج سمع العياط طبعا القراج والمخزن جنب بعظهم بعيدات شويه علي حوش العيله الكبير
سيف: شن فيه 🤨
سلمى بعياط: افتح ماعش قدرت نتنفس 😭افتح الباب ياخارب
سيف لما سمع سلمى: مسكر عليها الباب 😲دفه وفتح الباب
سلمى اول ما نفتح الباب طلعت بره طحت قدام الباب تتنفس بصعوبه
سلمى: منموت😣😭
نزار خاف عليها نزل جنبها : اسف اسف والله ما قصدي انتي كويسه 😨
سلمى دفاته وتبكي : حول حوووول😭
سيف : خلاص حول من عليها 😡
سلمى ما كنتش مركزه لسيف ولم شفاته وقفت حضناته بقوه وهي تبكي: اني اني كنت حنموت سكر عليا الباب معاش قدرت نتنفس 😭😭😭
سيف حامق من نزار علي الأخير 😠ويهدي في سلمى
نزار خايف علي سلمى ماكانش يتوقع انها بيصير فيها هكي من مقلب😨
هديل جايه بتشوف خيرها سلمى طولت وتنادي نزار يفطر تلق سلمى تعيط وحاضنه سيف ونزار جنبهم😮😱
هديل : شن فيه خيرها سلمى 😱
سيف: .....يتبع
..........Soma Alsideek
الجزء الرابع تم
عطوني رأيكم في الجزء مش تنسوا (نجمه +تعليق) رجاءا😩😞
قراءه ممتعه للجميع 😊
تشاو 👋💗
📝Soma Alsideek