العيله هدا جوها💗

الجزء الخامس💗

حنين: جبتوا مالفي😍
أصيل: ايه😉
حنين😍
سلمى: باهي درق وجهك من جنبنا توه😒
أصيل: حوش باتي أنتي اطلعى😏
سلمى: والله وحتي هو حوش عمي
أصيل: ووووواااااووووو 😯اول مره نعرف أن باتي عمك معلومه مهما🙂
هديل وحنين😂😂
سلمى: اسهوكي انتي ويها 😡اقعد فيها هي وطلعت
أصيل يعلي في صوته:أزعلي الشهر في ثلاثين يوم والسنه فيها طناشن شهر خوذي راحتك في الزعل😂
هديل: خزي عليك كان جونا تمام😑
أصيل وهو طالع يعود في كلام إخته يعيب عليها: خزي عليك كان جونه تمام😒
حنين: صبي نشوفوها
هديل :هي وعدن ورها
........Soma Alsideek
سلمى طالعه من حوش عمها وحط يديها في جيوبها وتمشي نين لقت احمد خوه مقمعز بروحه جت من وراه غمضتلا عيونه وما حكت شي 🙈
أحمد ضحك: سمسم الهبلا 😄
سلمى قمعزت جنبه: كيف عرفت😑
أحمد: الحاسه السادسه😉
سلمى: شن إدير بروحك🤨
أحمد: قلقت من النفخه نضال طلعت سيبتهم🙄  
سلمى مطرم شوربها وساكته
أحمد: شن بتحكي نعرفهم شوربك لما ينقلبوا هكي🙂من مزعلك
سلمى: اليوم دهشت هلبا وكلا من الكلب نزار😤
أحمد: كملت البخاخه نشيلك للمستشفي 😟......ااااه شن دخله نزار
سلمى :اليوم صكر عليه المخزن وانا من الخوف معاش قدرت نتنفس
أحمد بحمق: توه نوره الخارب😡وشن تاني
سلمى:شي كان سيف فتحلي الباب طلعت ولما دهشت جت هديل قلتلهم سلمى عندها الازمه😣لكن قلتلهم ما تخبروا حد كان هدا يعرفو😈
أحمد: باهي ليش توه ما تبي حد يعلم حتي باتي وأمي ما خبرتيهم ولا خليتني اني نخبرهم
سلمى: هكي توه يقعد كل حاجه نديرها لا انتي مريضه ولا ولا ومش عارفه شني تي هم لما نمرض مرضه بسيط حتي الجنان ما يخلوني نطلعله😓
أحمد: مع أني مش مقتنع بجوابك لكن من مشيها ونزاز توه نعرف شن نديرله😤
سلمى بفخر😊: مش ضروري درت معه اللزم😊😁
أحمد ضحك: شن درتي يا هبله😅
حكتله سلمى: وهدا يلي درته🙂🙄
أحمد: 😂😂😂😂كلا انتي إجرام يمشي علي الارض😂
سلمى: خليني مني شن صار فيك انت
أحمد: ما صار شي معاش حصلت فرصه نحكلها مش عارف الحق🙄
سلمى: خليها عليا انا قتلك من الاول توه أنا نتملك الموضوع ما سمعتش كلامي شن مندرلك😑
أحمد:والله ينخاف منك صراحه🙂
سلمى: إماله شني خبره يا بابا😌
أحمد: خبره في شني يا ماما ومسك وذنها 😤
سلمى: اااااااحححح  نبصر نبصر والله😖
أحمد: عارفه يا سلمى نفترشك نسمعك مديره حاجه من ورانه😡وطلقها
سلمى صبت: باهي مش حنديرحاجه مندير حواااااايججججج وعدت تجري😊😂😂😂😂
أحمد:😳باهي باه لمنوريك ياشفشه 😂😂😂
.................Soma Alsideek 
سلمى خشت عليهن في المطبخ لقتهن مكملات الحوسه وهديل و حنين معاهم
سلمى: سلاماتو حبيباتو 🖐
الكل: وعليكم السلام زمزاكاتو😂
سلمى: عطيكن الصحه يا فالحات والله وطلعتن شطرات😊
رتال خوله ومنار: سلمك بيش تعرفي بس😌
سلمى بحتت في حنين وهديل: امتي جيتن انتن 😑  
هديل: شفناك مع احمد في الجلسه بره بروحكم قلنا خليهم وجينا هنا 😁
سلمى: باهي شن بديو توه
منار: منقيل نعست😶
رتال: حتي أنا نعست
منار: تعالي معايه قيلي في حوشنا
رتال: تمام بكل
حنين: طلعو مش جيبين سنابون😑
سلمى: خوله توه إديره😊
خوله: تره أحلفي🙂
سلمى: ورأس زيود إديريه🙂(طبعا هد ولد عم نوره مرت عادل عرفتها شرموله لكن القلب وما يهوه😂 معجبه بيه خوله لكن ما عمرهاش كلماته ولا شفاته علي النت بس عجبها كلامه وطريقة وتفكيره طبعا مثقف العطيب محامي 👨‍💼بعيد عنكم😂وبنات العيله عرفين 😂لكن نوره مش عارفه 😌)
خوله: خلاص حلفت براس الغالي😌😍
حنين: شويه اخره منقول لنوره قولي لي ولد عمك بيش نفتكوا من العشق الممنوع يلي صيرلك 😌
خوله: هدا كان صار منه وحبني وخطبني تقعد معجزه من معجزات الحب الللللللله خوله و زياد يا نعليا وخلاص😍
هديل: لا برسمي الفيوز متع كوكا طق🙂تي غير خليه يعرف في وحده إسمها خوله علي الأرض تحبه بس
سلمى: خلاص خلاص هو سؤال بدير سنابون او لا😑لا زياد لا مراجع مش وقتهم اهم حاجه السنابون كان هدا نديره اني وريحي روحك🙂
خوله: منديره باهي يا همي😑
رتال: خلاص انا و منار نمشوا نكسرو نومه مع العصر نوضونه
حنين: حتي اني جايه نعست
هديل: خلاص عدن توه نقعد انا وسلمى وخوله هنا
وعدا 🚶‍♀️🚶‍♀️🚶‍♀️
خوله: أسمعي مانحب حد يدير معايه انا ندير بروحي السنابون رهو 🙄
سلمى: خلاص إقعدي تو نطلع انا وهديل في الجلسه بره
هديل: وميار نكلمها🙄
خوله: لا قعده منسجما في الهدرزه معهن جوه فكنكن عدن بروحكن توه نكمل علي السريع ونجي
سلمى: تمام وعدن بره قمعزا كل وحده علي النت ويهدرزا ويقرما مديرات جو😘 شويه ويجي نضال بروحه
هديل: هدي شن جيبه يانهارنه لحرف😣
سلمى: رقدهم داخل وهو جاي يتخنس أكيد😒
نضال: سلااام يا حلويات😍🤤
سلمى: هه دمك والا عصير عنب😒
هديل😒
نضال: لا عصير عنب يا نصي🙂
هديل: زريف بيزتزرف😓
سلمى: نصك قعد نابت فيك مانيش نص حد اني🙂
نضال برق في سلمى مش عاجبه الكلام ورد يشبح في هديل: وقلبي مش معايه واخده الأشيقر😍🤤
هديل: يخدك عزرأيل نشاء الله يا صايع ياضايع 😤
سلمى: أميننن صح ليك😏
نضال: عادي يا حلو مقبوله منك🤤
سلمى درهت كبدها منه خلاص وقعدت تحكي بعصبيه وصوت عالي : تصدق انك أكثر واحد كناسه وحيوان وبارد و وجهك مصقع وما تحشمش شفته في حياتي تي نوض نوض من جنبنا نوووووض ناض فيك صروخ جراد إنشاءالله 😡
هديل: أميييييين يا رب😏      
نزار جاهم : شن جابك مش كنت راقد داخل تو 😡وبحت في سلمى وهديل:   شن إدير هني إنتي ويها هي داخل😡 
نضال بيطربق😡: ماشي أصلا نقيل شويه قبل نروحوا 
هديل: نومت اهل الكهف😤
سلمى: إنشاءالله🙂
نضال: مشي😠
نزار: شن كان يدير لكناسه هنا وأنتن خلاص معاش حلت القعده إلا هني وعرفين الخارب هدا قاعد😡
سلمى: مالك ومالنه😒
هديل: شن دخلك وين ما نقمعزوا نقمعزوا😑
نزار: لا والله😡
هديل: وحق ربي باهي😏
نزار يفنص في هديل 😠
سلمى: اييييه ساد رك تنحول بس 😌
هديل: سلمى تعالي نمشوا جوه درهت كبدي هنا معاش منقعد😡
نزار: ماهو نضال مشي معاش بتقعدي عاد كيف اماله😠
هديل: سلمممممممىى صبي منخش قبل ما نقتل حد😡
سلمى:تي باهي 😑وصبت عدت معها داخل لخوله يهدرزن عليها في المطبخ وخبرنها علي نضال😓 ونزار صبه خش للمربوعه
..................Soma Alsideek
بعد العصر لتمن البنات والصبايا مع بعظهم ودارن صفرت القهوه في الجنان ودزن لرجاله في المربوعه المهم بعد هدا كله علي قصاد المغرب روحو عيت رمزي ونزار روح بأمه وحنين ورتال بيش يجيبوا أغراضهم يلي محتاجينهن لانهم بيقعد أول أسبوع من رمضان عند خوالهم وسيف مشي معهم🙂😁وبكره يردو
المهم توه الساعه 9 في الليل
رواد مقمعز وجنبه منار تتفرج معه وأصيل حتي هو من الجها الثانيه مره يتفرج مع رواد ومره يلها في تلفونه😁
سلمى جنب هديل وخوله يهدرزو مع بعظهم واحمد بروحه فاتح تيك توك ويتفرج😁 هدي كله في الصاله متاع الحوش الكبير(ملاحظه لم نقول الحوش الكبير قصدي بيها الحوش يلي قعد فيها جدتهم يعني حوش العيله فهمتوا قصدي صح😊)
منار فجأه تنفجر ضحك : ههههههههه😂😂😂😂😂🤣🤣🤣🤣ووووه عليك شن درت فيه
خوله: كنها هدي شن فيه🤨
سلمى: إنضر🤔
هديل:شن يلي يضحك ضحكونه😅
أصيل برم تلفونه لي البنات التلفون وأحمد جاء يتفرج معهم طبعا كان فيديو رواد مع الولد 😂😂
الكل😂😂😂😂😂
أحمد: مختش وربي😂
رواد: شن رأيكم انزله علي التيك توك واليتيوب🤔
سلمى: طح سعدك والسلاح يلي بين بعدها بابا يعلقك من كرعيك في حديد الدروج😂
خوله:لكن لقطه صراحه😂🤣
أصيل: إماله كان نقوللكم شن اللقطه الحقيقيه😅
منار تضحك نين شارقه: السلاح طلع ف فاضي🤣🤣🤣
أصيل: تفيييي عليك حرقتيها💦😒
الكل: شنوووو😂😂😂😂😂
أحمد: يا نهارك تخوف في العيل وهو قريب مات والسلاح طلع فاضي😂🤣
رواد: إماله شنو إن لم تكن ذئبا أكلتك الكلابو😌
خوله: الذئبو مش الكلابو ياغبو😂
رواد: عادي كلهم حيونات😂
سلمى:بسلامتك طالعلي رودي😅
رواد: من جاء قبل أنا ولا أنتي😌
سلمى: انت طبعا لكن لما جيت انا طلقت عليك 🙂
هديل: وووووه أما إنتي 😂😂
رواد: دمك ولا دهن شربه😅
خوله: الزوز😂😂
أحمد : احم 😶
سلمى فطنت لاحمد يكح عرفتها يبيها🙂
خوله: شن فيه 🤨
أحمد: لاشي نبي سلمى تحدد بلوزتي منعدي فيها بكرا للعمل(يلي ما تعرفوشي إنه أحمد متخرج من الاداه ويخدم مع عمامه وبوه وأصيل ورواد من الاقتصاد ويخدموا مره مره مع أبهتهم مش ديمه يعني😅 اما سيف فسنه هدي أخر سنه و يتخرج من هندسة كهربأيه ويخدم حتي هو مع بوه وعمامه 😊)
خوله: غريبه 🙄 
منار: توه اني نحددها بعدين
سلمى: وانتن ما لكن هو قال سلمى لا قال منار ولا خوله😑يعني ريحي روحك منك ليها وصبت تعال معيه اين وحد ورهالي وعدت سلمى واحمد لي حوشهم وسيبت الكل يهدرز في حوش الكبير أول ما خشو شفوا بوهم وأمهم في الصاله يتفرجوا
سلمى: سلام يا حلوين😊
أحمد: السلام عليكم 😁
نجوى وصديق: وعليكم السلام
صديق: مزلتوا قعدين غادي🤨
سلمى: لا اني نعست جيت منرقد😅
أحمد: حتي أنا
نجوى:وعقاب الفريق🙄
أحمد: مزالوا😄
صديق: أمي رقدت أكيد
سلمى: حنينه من زمان في الحلمه العاشره توه أكيد😅
صديق: سلمى تحشمي😑
أحمد: انا تصبحو علي خير وبحت في أخته😶وطلع عده لداره🚶‍♂️
سلمى: إيقي جيلار 😄تصبح علي خير بتركي😁
صديق:إيقي جيلار ويضحك😄
نجوى: قدمك الخير يا تركيه😌
وطلعت وسيبتهم عدت علي طول لدار أحمد خشت زي كل مره بلا أحم ولا دستور🙂
أحمد مقمعز علي الكرسي : خشي وسكري الباب
سلمى سكرت وجت قمعزت علي الكنبه جنب الكرسي متاعه😃: شن فيه
احمد: امتي بتحكي معها 🙄
سلمى: لم نشوف الوقت المناسب نخليك انت بنفسك تحكيلها  😑
أحمد:تمام يا طيري لكن عابي منحكيلها توه بيش بعد العيد نتم الموضوع بلا تأجيل ساد أجلت واجد ☹️
سلمى: مش خبر تأجيل هو من الطفوله كيف متحمل😂
أحمد: ايه والله المهم تحكي معها ونتريح من الموضوع لكن صراحه خايف من ردها😟
سلمى: ما تخافش حتي هي تحبك متأكد اني هي بروحها كم مره تزلق قدامي لما نسألها ونضغط عليها كون هاني يا نصي😋
أحمد فرح: زعمه هكي 😃
سلمى: ايه ايه ما تخممش بكل حط رجليك في اميه بارده😁هي انا نعست نمشي نرقد وصبت عدت للباب : تصبح علي خير حمودي😊
أحمد مزال فرحان من كلام سلمى: قدمك كل خير سوما ربي ما يحرمني منك ديمه مفرحتيني☺
سلمى: ولو يا طيري عيوني ليك يا أحلا اخ بيجيبلي  2مارس و3سنكرز غدوه🙂
احمد: حاضر بكره نجيبلك من عيوني😂 سلمى :هي أحلام سعيده💗 وطلعت وسيبت احمد طاير من الفرحه من كلامها              
(مستغربين ليش سلمى ديم أحمد يحكي معها ويخبر فيها علي كل حاجه لانه أحمد من وهم صغار سلمى الوحيد في خوته يحكيلها وسلمى نفس الشي )