العيله هدا جوها💗

الجزء الرابع عشر 💗

سيف : اول حاجه نبي نطلب منك طلب يا عمي صديق ويا ريت ما تردني😥 
صديق: ومن امتي نرد فيك انا ادوي يلي  تبيه واني فيه
سيف بجديه: انا نبي نطلب سلمى علي سنه الله ورسوله 🙂
صديق:مني بنتي انا😳
رواد: لمنو😳😧
سيف:ليا اني نبيها مرتي🙂
حسام واصيل وصديق😳😳😳
رواد: شنييي😲
حسام: سيف شن تدوي😨
سيف بكل جديه: يلي سمعتوه نبي نطلب سلمى بنت عمي علي سنه الله ورسوله اني ريد سلمى بالحلال مرتي وام صغاري ما قلتش شي غلط 🙂
حسام قاعد ساكت 😶وبحت في خوه
صديق: والله شن منقولك يا وليدي ربي يكتب يلي فيه النصيب مانلقش خير من ولد خويه لكن استغربت من طلبك لأنك أنت وسلمى عرفينكم من صغركم مش متفاهيمينش 💥يعني متأكد من قرارك ره جواز ومسأليه مش كلام فاضي 😑
سيف: متأكد اني رايدها ومن قبل نبي نخطبها لكن قلت مزالت تقراء، شن قلت يا عمي
أصيل ورواد مزالو تحت تأثير الصدمه مع ان أصيل كان يعرف لكن ماكنش متوقع ان سيف بسرعه هدي يخطبها🙂
أصيل ورواد😳😳
حسام ساكت وحامق😶😤
صديق: والله شن منقول انا علي نفسي موافق لكن نبي نعرف حسام شن بيقول قبل ونسأل سلمى قبل
حسام: انا مش موافق😤
سيف 😨
صديق😳
رواد واصيل😲😲
...............soma Alsideek
عند الصبايا في الحوش الكبير جت عمتهم حواء وبناتها والاولاد قصدي أسامه ويوسف ما جوش  بكره بيجوا  مره أخره😓
في الصاله كلهن مقمعزين إلا الحاجه سليمه خشت بتتكه شويه 😁خشن هديل وسلمى : سلام عليكم وجن يسلمن علي عمتهن وبناتها طبعا البنت سلمن عليهن بروس الصوابع😂😂
نجوى لسلمى: وين علي أساس ماشيه لخوله🤨
منار ترقع: إيه مهوا هديل كلمتها🙂
هديل : إيه  اني قلتلها تعالي كنت نبي منها حاجه 🙂
ليلي: اي والله نسمع فيكن تضحكن في الدار مع بعض قلت اكيد سلمي معها😄
سلمى: طبعا اصلا انا سبب الضحك في الحوش 😅
ليلي: الحق يقال انتي ضحكت الحوش كلا بنيتي نجيك😘
نجوى: ومرات تكون سبب الكوارث في الحوش 😏
سلمى: تنكس مامي علي الاضافه الجميله😓
الكل 😂😂😂😂😂😂😂😂
مرام بدلع: لا بأس عليك يا سوسو 
سلمى بنفس نبرت صوتها: لا يوريك بأس مرام😌
حواء: شن صار معاش رجعتي علي الدكتور☺
سلمى ما تحبش حد يقصقص علي حاجه شورها : لا نمشي 😓
ألاء بستفزاز: إيه والله الخياطه يلي فوق حاجبك شكلها معاش تعدي ياروحي🙂
حواء تفنص في ألاء متع سكري فمك
سلمى:لا يا روحي تحول واني عجبتني انتي شن خصك😡
الاء: لا شي قلت حرام بنت خالي جملها ضاع حتي وكان مش هدكي الجمال🙂
مرام: إيه والله يا سوما توه معاش تنخطبي يلي شوف هدي في وجهك معاش يبرق فيك تقعدي في الرقبه😈
نجوى حمقت لكن ما تبيش مشاكل شفت سلمى تطبخ وبين انها شويه وتنوض تكفخهن: سلمى صبي انتي وخوله ديرن قهوه وتبحت في حواء بحمق متع لمي بناتك ياحنه😡😂
سلمى صبت وقالت لبنات عمتها: لا حبيبتي الاشكال يلي زيك وزي اختك هنا يلي محد يبرق فيهن عقاب مزيتت قليلات الادب متاع العار 😡اصلا حتي تقمعيزه معكن تفوض فم كبدي وتجيبلي القداد وأعصاب المعده يا متعات العار 😡وعدت للمطبخ تخبط حامق لحقنها خوله وهديل و منار
مرام: مش عارف ليش شاطت سملهي الكريم شن قلنا حني غير كلام الحق قليله ادب😒
نوره: لا ما هو كلام حق سلمى مشاء الله عليها الف واحد يتمنها😒        
حواء تفنص في بناتها 😡
مرام وألاء😒😒
نجوى بتنفجر منهن قعدت ساكته وليلي ونوره يهدن في الاجواء
.........soma Alsideek
عند البنات في  المطبخ ...
سلمى تمشي وتجي في المطبخ بحمق وتسب في ألاء ومرام وتدعي عليهن😂
سلمى: الكلبات شن يحسابن أروحهن عقاب حثاله ااااااه نبي نخدهن نعفجهن طريحه نين يطيب خاطري 😡
منار: عقاب كناسه معاش إدوريهن
هديل: ايوه منار صادقه خليهن ينبحن زي الكلاب 😌
خوله تضحك: خودي بمقولة الكلاب تنبح والقافله تسير😂
سلمى لخوله: اسهوكي توه عليا يا بارده 😡
جت ألاء من بره : هاااي جيت مندير معاكن😊
سلمى تحكي بغل وترفع في كمامها: لا هكي هلبا عليا تنبش علي موتها اليوم هدي😡
ألاء بدلع: خوله خالتي فريحه بتجي اليوم ولا غضوه🙃
خوله: وأنتي ليش تسألي انشاءالله😒
ألاء: لا شي ستحشت نزار والبنات
هديل بحتت في سلمى العقرب عندها ضربن في بعضهن لما قالت نزار: مش غير هلبا يا سلمى في ناس بتموت علي يدي اليوم 😡
ألاء: خيركن تلقحن من مبكري اووووف ناس مريضه 😒
سلمى : ما مريض إلا انتي يا كناسه😡
هديل: خليها هدي شكلها تتخيل في روحها وتحكي 😏
خوله و منار 😂😂
ألاء: استغفر الله وخلاص وبحتت في خوله : وين أحمد وخالي عادل وسيف ما شفناهمش مبكري لما جينا
منار: ما يبولكش شوفه😏
خوله: حرام فم كبدهم ينوض عليهم بعدها😂
ألاء: نفسيات خلي نمشي نشوفهم بروحي نسلم علي سيوف وحمادي وخالو خير ما نقبل المريضات والمشوها😏
سلمى خلاص صبرها نفد : من المشوها يا كلبت الزينه 😡وعدت تجري ليها لكن مسكنها البنات وسلمى تعيط: اطلقوني عليه اليوم ندفنها مكنها 😠😠
خوله مسكتها: خلاص يا سلمى ما تستهلش عقاب عفن
ألاء حاط يديها في نصها: والله انتي واختك العفن مش اني
خوله: درقي زومتك😡
منار: تفيييي يا حيوانه درقي وجهك خير ما نطلقها وربي تفترشك😡
خوله: تي هدي خساره فيها حتي الدفله خليها تقعد الدفله تبل فمي خير من وجها😡😂
ألا: أصلا هدا فيش فلحات يا متشردات😒
سلمى : عارف يا كلبه ما تنتلفيش من قدامي اليوم نفترشك ونتفك تشوفي بعدها من المشوهة والمتشرده يا معاقه يامزيته اااااه غير حولن بس نبرد علي خاطري فيها😡
ألاء :مش عارف عقاب مريضات مفروض في قرقارش 😏طلعت تتمخطر
خوله: سلمى أهدي وخلي الكلب معاش تجي قدامها بكل
منار: اصلا تستفز فيك بلعاني
هديل : إيه بلعاني بيش عمي يهزبك ولا يضربك نعرفها وحده كلبه فتانه
سلمى: عارفات كان حصلت عليها  ره طلعت جنازه تحت يديا اليوم😤
خوله بتغير الجو : خلااااص اسمعن بنات عندي ليكن خبر لكن قبل ماتقولن احكي مش حنحكي توه بعدين 😁
منار: شنو هو مثلا ريتي هالاخبار يلي نسمعوا فيهم منك 🙄
هديل : إيه كلمها كلا  زياد قال وزياد دار وزياد سافر وزياد وزياد نين كرهت اسم زياد🙂
سلمى تعلق عليها: سلمى سلمى زياد قالي  أن معجب فيا سلمى سلمى لقيته دزلي صباح الحب شن نقوله😂😂😂😂
خوله: اننننننن😒
نوره خشت : مني زياد ومعجب في مني 😅
خوله😳
منار وهديل😳😳
سلمى نفلقت ضحك:😂😂😂😂او مي قاد كبسه😂😂
نوره: شن فيه تقول شفتن جني😂
سلمى تضحك بهستيريا: وووه 😂😂😂😂زيزي ياخوله😂😂😂زيزي يا زيزي تعالا شوف صباح الحب😂😂بتولي صباح الخير يا عرب 😂😂😂😂😂😂 غدا في المقبره بعون الله😂😂😂
هديل و منار 😂😂😂😂😂
خوله 😫😡
نوره: سملهي الكريم كنكن 🤨وبرمت علي خوله : خيرهن هدين اني سألت من زياد شطن تقول دغدغتهن🤨😅 
خوله : ااااه من زياد😨
نوره: يلي تحكن عليه😄
سلمى هدت شويه: تي خيرك ما عرفتيش زياد😅
خوله تفنص فيها😳
نوره: مني🤨
سلمى تغني: زياد زيدون 👏👏زياد زيدون يأكل في الليمون مع العصبون😂هي هي👏👏👏
نوره تضحك : واللهي 😂😂
منار وهديل: الله😂😂
خوله🙂💔
سلمى: خلاص عرفتي من هو 😅
نوره: لا🙂
منار: تي فيديو علي التيك توك 😁
نوره: ااااه باهي علي العموم بره يبو قهوه حتي عادل واحمد روحو دزو سراج قالي يبو قهوه معهم رجاله
خوله : تمام توه ندير 😁
نوره : خلاص اني حنمشي نغير لضرار وسراج مسخين دبشهم 😓وعدت
خوله: مش قلتلكن منخبركن علي موضوع 😁
سلمى و منار وهديل بلا نيه: ايه😌😌😌
خوله خدت البكرج متع القهوه : مش مقيله دبنكن مش معدلات 🙂وعدت إدير في قهوه ومنار وسلمى قمعزن علي الطوله متاع المطبخ وهديل توتي في السفره ومترد الحلويات🤤 ويهدرزن مع بعضهن ويضحكن بصوت عالي بيش يسمعن مرام وألاء في الصاله وينقهرن🙂   
.........soma Alsideek
نرجعوا للمربوعه مبكري😁
حسام: مش موافق😤
سيف😨
أصيل ورواد😲😲
صديق😳
سيف حامق: وعلاش😡
حسام: الناس يلي تفهم في الاصول ماتجيش تخطب وبوها مايعلمش علي شي يا افندي😤
سيف: يعني شني مانكش موافق 😡
حسام: ما قلتش مش موافق علي الموضوع انا مش موافق علي انك انت يلي تخطبها انا يلي نخطبهالك يا خامر يلي ما تفهم في حاجه😓
سيف😧
حسام برم لخوه صديق: والله شن منقول  غير أن ربي بلاني بزوز ولاد كل واحد مختش اكتر من التاني😑
اصيل في عقله : ضروري ما يجبدني حتي اني ضروري من إشاره😓😂
رواد مزال مصدوم😳في عقله: جديت يلي قعد يحكو فيه ولا نحلم 🤔لا اكيد نحلم مستحيل سيف وسلمى مع بعض تؤ تؤ اكيد حلم😅🙂
حسام: المهم يا غالي الولد هدا ما عقبلي شي نقوله لكن مانلقش خير من بنات خويه لولادي الزوز مش سيف بس و..☺
اصيل نفجع من كلام بوه وقاطعه: لا شكرا انا ما نبيش من حد يحسبني في شي نبي نقعد عانس😨 بنات العيله لا كلهن خواتي ايوه فكوني من الكلام أهوه  مش طروف كيكه تقسمو فيهم اني مانحبهاش الكياكه بكل اصلا ايوه وبعدين اني مش من ولادك الزوز صاح😰😂😂
حسام وسيف مع بعضهم: سكرفمك😤😤
رواد😂😂😂😂
صديق يضحك علي أصيل كيف نفجع😂😂😂
حسام: المهم يا صديق أسأل سلمى قبل كل شي وكان ما وفقتش زي قبل زي تالي مش حنزعل كل شي نصيب☺
سيف مقمعز شويه وينوض ينط من الفرحه طبعا من داخله هكي توه🕺🕺🕺👏👏👏😍😍😂😂😂😂
أصيل بعباطه صبه يرقص ويغني:اااه يا غالي ااااه يا غالي ااااااه يا غالي ياحبي الاول والتالي 💃💃💃💃😂😂😂مبروووووك مقدما ويصفق👏👏👏وهكي يديرو كبار الهم ولد العم يناسب عمه👏👏👏لولوللللللوووووي😁😂😂😂
رواد وسيف يضحكو عليه😂😂😂😂
وصديق😂😂😂
حسام خدا شيشه الميه من جنبه وهههههوووب في رأس اصيل😂
أصيل:😵🤕
حسام: انتلف تلفت جدي يا عيل😡
أصيل: اااه راسي والله كان جاني
نزيف داخيلي أو أرتجاج في المخ منك يا باتي🙂
حسام: اطلع يا كلب😡
رواد خش علي الخط مع اصيل:
غلط يا عمي في حقك  كلامك هظا يعنب كان أصيل كلب انت شنو 🙂
صديق: روووواد سكر فمك ودرق وجهك😤
طلعوا أصيل ورواد
سيف يضحك😂😂😂
حسام: فيش ترج مزال الحقهم خير ما نلحق بيهم تزحف😡
سيف صبه🙂💔وطلع 😂
..........soma alsideek
في جلست الجنان
رواد لما جهم سيف: قصدك من جدك خطبت سلمى🤔 قصدي سلمى يلي تحكي عليها هي نفسها أختي اني يعني نفس السلمى صاح🤔😅
سيف: لا من خالي خطبتها وسلمى بنت ولد جد عم خالي يلي خطبتها مش اختك😒
رواد: مش عارف نحس في روحي نحلم انت واختي سلمى معادله غلط نار وميه فرق بينكم زي السماء والأرض 🤔
اصيل: حتي أنا كنت نقول هكي لكن شفت العكس😅
رواد: شن شفت امتي🤨
سيف😨
اصيل:اااه لا توه قصدي في المربوعه🙂
سيف: شن تبي فيه مبكري قلت تبيني🙄
رواد:بصراحه كنت منسالك علي الكلام يلي قلت في المستشفي لكن معاش إدور شي خلاص فهمت كل شي😁
سيف: شن فهمت😏
رواد: مش وقت توه بعدين نقولك ياختيب أختشي🙂😂🤣🤣
سيف😂
خشوا عادل وأحمد من البوابه ودرسوا السيارات وجوهم
عادل واحمد: سلام عليكم
أصيل ورواد وسيف: وعليكم السلام
أحمد يبحت في سيف وكان يلقه يخنقه يبي يعرف شن قصة كلامه🧐   
رواد لأحمد: خيرك قريب تكله اللطف😅
عادل: عاش من شافك وينك خمس أيام مريح طريق الحوش معاش عرفتها🙄
سيف: لا غير كنت نبي نقعد بروحي و توه قاعد في وجهك خلاص 😁
احمد: وعليش 🤨
سيف: لا غير بعد الحادث هكي ما حبيتش نقعد في الحوش
عادل: شن صار في ايدك
سيف: أسبوع ونفك الجبس هانت يعني😊
أحمد:سيف صبي معايه شويه نبيك🙂
رواد هو يلي جاوب: مش لازم نحل الموضوع حمادي😁
أحمد: كيف نحل🤨
عادل: اما موضوع😄
سيف:خط....
رواد فنص في سيف يعني سكر فمك🙂 : توه بعدين تعرفو مش توه بوي وعمي توه يخبروكم وبرم علي احمد  المهم نحل حمادي هي صدمه مش حتستوعبها لكن نحل وخلاص😊
عادل: غير شن تخرف انتو الثلاثه🙂
أحمد:ما فهمتش🤨
أصيل : كأنه سمعت الجرس
احمد: إيه نمشي نشوف مني
عادل: منمشي للمربوعه من معايه😉
رواد: لا نحن من المطرودين 😅
عادل: يا حرام بشنباتكم ويطردو فيكم😜😂😂😂
رواد وسيف وأصيل: 😒😒😒
عادل خش للمربوعه🚶‍♂️
وأحمد فتح شاف .....
احمد 😳....يتبع
.............soma alsideek
أعطوني رأيكم لو سامحتو من فضلكم ما تقعدوش تقهرو فيه تشوف وما تعلقوش😭😭😭😭😭😭
📝Soma Alsideek

تشاو بدون كاكاو😒💔