العيله هدا جوها💗

الجزء الحادي عشر💗

سلمى شافت سياره جايه من بعيد طلقت يد سيف بسرعه : غبارتي😱
سيف: خيرك🤨
سلمى: شوف من جاي 😰
سيف شبح وره: سيارة باتي😳😨
سلمى: شن منديرو توه نهرنا مخطط بجميع الألوان😫
سيف جبد سلمى وعدا يجري وهو مسكها : تعالي جاري🏃‍♂️🏃‍♀️ 
سلمى : وين يا غبي مفيش كيف قدامك مزارع ناس😨
سيف شاف ساس واطي متر تقريبا طوله لي مزرعه قريبه منهم ركب ومسك سلمى رفعها ونزلو تحت بيش حسام ما يشوفهم وقعدو يراقبو نين عدت سيارة حسام
سلمى نزلت علي الوطاء (قمعزت): الحمدالله وربي قلبي نزل في الركابي😣
سيف يضحك:يوم عالمي ملخير 😂
سلمى:أي بكلللل😂😂😂😂
سيف شاف واحد اسمر جيهم يجري فيده حبله(عصه🏃🏿‍♂️) وقف: أقفي العالم كله ضدنا شكله اليوم😳
سلمى تبحت في الراجل جيهم يجري بحبله شكله سوداني مسكين يحسابهم مخانب (سرقين ياودي🙂)
سلمى نفلقت ضحك 😂😂😂🤣🤣
سيف ركب علي الساس ومسكها رفعها وعدو يجرو
الراجل جي يجري وراهم ويعارك مش فهمين شي منه🤬😂
سيف يجري ويضحك وسلمى تجري وتبرم تمد في لسانها😜 لي الراجل وتضحك😂😂😂😂😂
برقو ملقوش حد وراهم والمزرعه متعتهم قدامهم برقو في بعض ونفلقو ضحك 😂😂
سيف: اليوم صار شي خطير صراحه😂😂
سلمى: مستحيل ننسه 😂😂😂ذكر ما صرتش بكل🤣🤣🤣
سيف: خلاص توه خشي بعدين نهدرزو
سلمى: وانت 🤨
سيف خبطها علي رأسها بشويش: غبيه نخشو مع بعض اني تو ننقز من جهت الزيتون أكيد ما في حد غادي ندير روحي كنت غادي😁
سلمى: باهي تمام 😊جت بتخش من البوابه
سيف : سلمى☺
سلمى برمت: عيونها😊
سيف: نحبك ما تنسيش انتي وحدك هني وشير علي قلبه ❤
سلمى متحشمه: حتي اني😊 وخشت تجري وهو لف علي المزرعه ونقز من لاوره
.........Soma Alsideek
سلمى خشت للحوش كلهم لفتو فيها كينين كلهم في الصاله 
صديق حامق: وين كنتي ساعه نرن عليك 😡
سلمى: كنت نتمشه😅
أحمد : وين سيف كاين معاك 😡
سلمى متوتره: ل ل لالا وين نعلم عليه  اني مشيت بروحي 😨
نجوى:شن ماشيه إديري بره في عز القوايل😡
سليمه: خلاص بنات لا عد تتحشم لا تخاف متقولش حديخطفها ونحنا مدين وجوهنا هني مانعلمش عليها 😤
سلمى: من قبل نمشي ونجي شن معنا اليوم تركبتو فيا 😕
رواد ونزارخش عليهم
نزار: ايه شن معن اليوم مهو قبل تمشي وتجي مكبرين الموضوع بعدين سلمى ماينخفش عليها بميه راجل 😅
صديق لفت فيهم: وين سيف 😡
سلمى تبحت في البنات يلي مستغربات
حتي هنا وتشير لهن يعني شن فيه🤨
منار قتلها بيدها مشعارفه🤷‍♀️
نزار: لقينه تحت الزيتون من جوه بكل مقمعز يفسفس بروحه😌
رواد: تقول ضارب التوحد مقمعز بروحه
أصيل خش يبحت في سلمى بنص عين😒: مش خبر ضرب التوحد 🙂😏
رواد: منين طلعت انت وين كنت لي ساعه ندور فيك حتي انت🤨
أصيل يلقح: اني كنت مقمعز بره جنب الكرمه يلي جنب البوابه وشفتلك شوفه يا عمي مصارت بكل🙂
سلمى متوتره علي الأخير شويه وتبكي 😰😨
صديق: شني🤨
أصيل إبتسم وبحت في سلمى: شفت عش فوق الكرمه😅😇
رواد: احلف😒
صديق: فاضي والله😤
أصيل:😌
صديق برم علي سلمى: اخرلك مره تطلعي بروحك تبي تطلعي تقولي لأحمد ولا رواد معاك بروحك لا نحش رجليك مزال تعوديها فهما😡  
سلمى: اااه حاضر فاهمه😨
أصيل يرقصلها في حواحبه لسلمى😼 وهي شويه وتبكي😟
طلعوا كلهم برا والبنات عدن مع بعضهن يتمشن في المزرعه بعدها قمعزن تحت الليمه كلهن💚 
سلمى كاينه مصدومه مزال وخايفه ومش عارفه كيف بتحكي لسيف علي أصيل ان شافهم مقمعزه وعقلها فيه سبع مليون فكره😵😫
خوله إتهدرز مع زياد وزايط مش معهم بكل داكه وجها في التلفون😒
هديل تبرق في نزار يلي كاين يهدرز هو والاولاد وبوها وعمامها وساهيه فيه ومره مره إدز في رساله ليه وهو يبحت فيها 😍
ورتال نفس خوله هي وأحمد يهدرزواد مع بعض وجوهم مليح 😁
و منار وحنين دكات وجهن في التلفون ويتفرجن علي الدكتوره أسماء الجعفري وأبدعاتها😂(دكتوره تجميل)
سلمى فونها رن لقتها فاطمه :ألو فطومه وصبت بعدت شويه من بحد البنات
فاطمه: خلاص من شاف أحبابو نساء أصحابو وينها يلي شويه وترن😑
سلمى: اسكتي باللهي مش عارف شن اليوم العالمي هدا😩
فاطمه ضحكت: خيرك 😅
سلمى حكتلها شن صار بتفصيل من البدايه لعند ما كلمتها توه: وهدي هو مصيبه في جرت الثانيه العالم كله واقف ضدي اليوم 😫
فاطمه تضحك نين دهش: وووه كلا إنتو  قصه خطير 😂😂😂شن صار في العبيد يلي يجري وركم أكيد داهش من الضحك😂😂فضيحه وووه😂😂🤣🤣وحق ربي معاد نقدر جنابي وووه🤣🤣🤣🤣
سلمى : يا كلبه الفرخ أصيل سمعنا وشافنه مع بعض توه مش وقت الضحك شن إندير توه يخبر بابا ولا عمي😫
فاطمه: ما تخافيش مش حيخبر حتي سيف خوه أكيد مش مخبر خيرك غبيه هكي توه معقوله يقول لحد
سلمى: زعمه مايخبر حد😢
أصيل: مش متأكد من روحي صراحه😊
برمت لقته وقف ورها وعطيها هدك الابتسامه العريضه😁
سلمى: خلاص توه بعدين نكلمك جاء دره الكبد😓
فاطمه: مني🤨سيف😅
سلمى: أصيل 😓
أصيل كر منه التلفون وقعد يكلم
أصيل: معكم الشيخ أصيل أخو حبيب القلب قصدي سيوفها😌 لحل جميع المشاكل وجلب الحبيب ورد المطلقه وفضح اي ثنين يتمعشقوا من ورنا😉 وبحت في سلمى ويضحك😁
فاطمه ميته ضحك😂😂😂
أصيل ذاب من صوت فاطمه: وووووه عليا اني من الضحكه🤤😍
سلمى كرت التلفون وهو سارح: كلب قليل ادب 😤وردت لي فاطمه : سلام توه بعدين نكلمك
فاطمه تضحك : باه 😂🤣وسكرت
سلمى: قليل ادب ليش تحكي مع صاحبتي😡
أصيل: وأنتي ليش تحبي خويه🙂
سلمى: وطي حسك يا خارب😖
أصيل: نخشو للموضوع المهم توه امتي صار وكيف صار وشن فيه بينكم مش علي أساس عرايك وتكرهو بعض وبعدين مش خايفه من عمي وأحمد ورواد تي والله يشنقوكم 😡
سلمى ماردتش وشويه وتبكي
أصيل: عارفك ما عندكش رد لكن نقدر نقولك ان سيف خويه مستحيل يرخي بيك لكن معاش تعوديها طلعت اليوم ولا عاد تطلعي مع بعضكم بروحكم فاهم كان تتعاود يا سلمى نشنقك اني فاهم😡 انا زي خوك ولي مانرضاشي لهديل مانرضاشي ليك حتي وكان خويه وهو تو يعرف حسباته ريح قليل ادب الفتره هدي😑 اخرلك مره فاهمه    
سلمى: حاضر 😞
أصيل بضحك: اااه ما يطلع منك يا سمسم 😅
سلمى: ماتخبر حد باهي 😟
أصيل : بشرط 🙂
سلمى : كنت عارفه تكلم😓
أصيل: من يلي امس جاتك في الليل هديك البنت السمحه😍
سلمى: صاحبتي
أصيل: أحلفي🙂قصدي شن أسمها بنت مني
سلمى: فاطمه ال*&^$# نفسها يلي كلمتها توه 😒
أصيل: يا حلاااااوه😍أعطيني رقمها 😁
سلمى: لا هبلت رسمي اني نعطيك رقم صاحبتي أحلم البنت في حالها مش زي الصيعات إللي  تكلم فيهم 😤
أصيل يضبح: يا عمي صديق يا أحمد يا
سلمى: خلاص غم فقومتك باهي😫
أصيل: شاطره وخيتي السمحه😁
سلمى:رقمها لا نعطيك إيميلها😞
أصيل: عادي تمشي هي 😊
سلمى عطته من هنا لقها اون لين بعتلها علي طول وعدا وسيب سلمي يلي حست انها دارت غلط مع صاحبتها
سلمى رنت علي فاطمه: فاطمه 😞
فاطمه: شني
سلمى خبرتها شن صار
فاطمه:تي عادي ما دوريش نعرف كيف نربيه توه نعطيه كلمتين سماح من العيار الثقيل يتأدب ولد عمك😁
سلمى: يعني مش زعلانه😟
فاطمه: تي عادي لكن صراحه توه بعتلي قبل ما تكلمي شفت الصوره متاعه لنقانه طرف يا سوما أسمح من سيفك😍
سلمى: احم احم شكلا عجبك الجو 😏
فاطمه: اح حتي الرد ما رديت عليه لكن طرف الصراحه 😄
سلمى:طرف أهبل زيك😂
فاطمه: زعمه😂هي ماما تبيني باي توه
سلمى: بايات حبيبتي😘 وسكرت عدت ردت جنب البنات قمعزت جنب هديل يلي كانت تكتب في رساله لي نزار
سلمى قرت الاسم من هنا وكرت الفون منها من هنا😳: طح سعدك شن كاتبه من امتي ما هذا يا هذا ما الذي تره عيناي أوووووماااي قاد😲
هديل: سلمى هاتي😫😡
منار: شن فيه وريني🤓
حنين: شن شافن عيناك😌
نزار شاف سلمى لما كرت الفون بعت لي هديل:عارف يا فرخه سلمى نسمع انك حاكيه حاجه نهارك ردي التلفون لي هديل😡
سلمى رفعت رأسها في نزار يلي مقمعز بعيد ويشوفلهم وقعدت هكي👈 😼إبتسامة إستفزاز😈
هديل جبدت التلفون: سلمى يابارده😡
رتال: شن فيه
سلمى: خليك خليك مش شورك ردي لي حبيب القلب😌
منار: شن فيه بتحكي ولا نجيك🙃
سلمى: تي لا غير شفت هديل إتفرج علي فستان سمح عاجبني🙂
حنين ردت لي فونها: ما عندك سالفه صراحه😑
خوله عيونها في الفون والسماعات في وذنها وتضحك علي طول حسها😂😂
سلمى: خليني نشوف الهبله الثانيه شن مدايره من فالطه🙂 وعدت كرت التلفون منها وعدت تجري بيه خوله علي طول صبت ورها🏃‍♀️🏃‍♀️
وقعدت تجري والبنات حتي هنا صبن يضحك ويجرن ورهم
سلمى تقراء: حي علي العار😯
خوله: سكري فمك وهتي الخري 😡
منار: شن فيه وريني 😁
حنين دكت وجها معهم هي ورتال وهديل كلهن😲😲😲😲😲
خوله : خلاص شفتن هاتي جاي😡
هديل: بنات هدا زياد نفسي ولا نتخيل 😮
منار: نهار ازرق ما هذا من امتي😯
سلمى تحكي مع خوله وترقص في حوجبها وتضغط علي المكالمة الفيديو بالغلط 🤦🏻‍♀️: اااااه يا ناري من امتي الكلام هدي ونحن يا غافل إلك الله 😈
رتال: ونحنا قلنلها معاش تتأملي واجد كلبتنا زياد وزياد من يوم عادل خذي نوره وهي مهبلها هزياد 😉
حنين: ايه والله شن صار كيف كلمتيه وفتحين دلاله مع بعض زياده😏
خوله كرت الفون وقعدت اتلعلع زي البومه😂: وأنتي مالك ومالي شن دخلك نحبه ولا نكرها انتي ويها اني الغيبه يلي حكيتلكن من قبل اخر مره تخدي فوني يا كلبه سلمى وين خلاص معاش فيه حترام خصوصية بكل خزي قلت ادب😡وترفع الفون يقبلها زياد وهو يضحك: زيدهم يا قايدهم نعليا انا من الهيبه🤤❤😂😂😂😂
خوله:😳😱
زياد يضحك: تصدقي طلعتي احلي من يلي في خيالي 😄
خوله لوحت التلفون وقمعزت في الوطاء متربعه وتبكي وتخبط: عطك سحيقي يا سلمى تفوووووو عليك أنتي ويها منين طلع هدا😭😭😭غير شوفي منضري يلي شافني فيه 😭😭😭( كينه لابسه توته زرقه 💙وشعرها كعكه فوضويه ومنزله خصلات علي وجها ووشحها كاين علي كتفها منضرها كيوت😍)  
البنات 😳😳😳😳😳
هديل خدت التلفون طفاته📴
خوله تعيط: رح زياد رااااح 😭😭😭😭
جوهم العيال لما سمعوها تعيط
احمد: خيركم شي فيه😳
رتال: ااااه 😟
رواد: شن فيه خيرها خوله 😨من مات انشاءالله عمي مفتاح ياناري مزال صغير 😱واحد كبير في العمر يقربلهم 😂🤣
خوله تبكي : اني منموت مش عمك مفتاح😭😭
سلمى ترقع: تي لا صاحبتها دارت حادث😰
البنات😳😳😳😳
أحمد: متأكدات🤨
سلمى : أسألها 😟
خوله تبكي وتشير بيديها: خشت فيها شاحنه😭😭😭
سيف: يا ساتر😮ماتت
هديل تكمل في الكذبه ومتوتره:لا مزال يديرولها في إعادة تشغيل😨قصدي في العنايه😰
أصيل: من خبركم 🤨
حنين: هي كلمت خبرتنا عليها😨
سلمى ترقع: قصدها أختها كلمت من تلفونها 😣
رواد: كيف دراته الحدث🤨
خوله علي نفس الوضع: فاتح تلفونها ونصدمت بالواقع جتها جلطه وعفست عليها الشاحنه انشاءالله تموت وترتاح ياربي شن مزالت ادير عايشه بس😭😂
أحمد: شن تخرف هدي🤨
رتال: متأثر بصاحبتها أعدروها😟
هديل: قصدها صاحبتها تقص في الطريق ضربتها الشاحنه😓
سلمى: خلاص خلونا توه هي 😑
رواد: عطني دي كان فهمت حاجه 😕
احمد: حسيتهم يحكوا سوداني😑
سيف: هي هي  خلوهم المتوحدات هادم
تعالو في مبراه اليوم اطلع طول😁
أصيل: ايه كنت نتفرج عليه هي هي
رواد : تعالو نعلق فوني علي الشاشه نتفرحو جميع وعدو
........Soma Alsideek
بعد عدو
خوله: اكيد سمع كل شي يا فرخات النم😭😡لا وشافني بمنضري يلي يخلع😭😭😭
سلمى : هاتي الفون يا هديل 😟😣
هديل عطتها تلفون خوله وسلمى فتحاته علي المسنجر لقته باعت هلبا
💬خوله اسف علي الموقف لكن نحسابك انتي يلي مكلمه والله ماكنت نعرف انك غالطه أسف 😔
💬خوله ممكن تردي عليا
💬خوله في كلام منحكيه معاك ضروري
💬ردي عليا يا بنت الناس وينك؟
سلمى مدت الفون لي خوله: ماتزعليش اهو بعتلك يبيك ضرور السنيور😌
هديل: الله الله 🙂
خوله : هاتي وريني يا كلبه كراته وهي تبكي :اكيد بيقول شن الكلام يلي سمعته😭😭😭
سلمى بتحكي رن تلفون خوله طلع زياد
خوله: اهو يتصل مكالمة فيديو😭😭
منار: شكله عجب المنضر😂😂😂
خوله: تفووووو
سلمى: ردي وما تفتحيش الكاميره بسيط جدا 😑
رتال: افتحي الميك😁
خوله ناضت تعيط : أقلبي وجهك من جنبي انتي ويها عطكن مايرفعكن يابردات 😡
سلمى: اعصابك يا وعره ماشين🙄
هي بنات خلوها في حالها المريض
هديل: نمشوا نتفرجو مع لولاد😊
سلمى: ايه هي وعدن كلهن
خوله قمعزت في الوطاء وزياد رن المره الثانيه
خوله: نرد 🤔😢لا لا😭
خوله: لا نرد ردت عليه
زياد: طيب فيك😑
خوله تبكي: أسف والله ماكان قصدي يلي حكيته ومش اني يلي رنيت عليك وربي بالغلط😭
زياد: خلاص علاش تبكي باهي عارف غالطه 😓
خوله:عليك موقف بايخ أسفه😭😭😭
زياد: لابالعكس أحلا موقف 😁
خوله: 😳
زياد: بصراحه خليني نكون معاك صريحه من الاول وما نكدبش عليك اني عارفك بنت صديق من الاول لانه مره من المرات امي شيفتك عند نوره بنت عمي وعجبتيها قبل بتخطبك ليه لكن لما سألت امك قالت أنك ديمه ترفضي وما فيش داعي تتحشم معانه وأنك مزلتي ما كملتي قرايتك اني لما بعتيلي ستغربت وصراحه وتوقعتك مش انتي وحده تانيه هد بيش سألت علي أنتي من عيت مني وزدت تأكدت انك انتي لما عرفتك شن تقري هندسه ديكور لانه نوره قايله لامي هكي لما سألتها شن تقري وعليش ترفضي
خوله قالت بدون وعي وتبكي: كذبين والله ما رفضتك هم ما قلوليش عليك ابدا 😭😭😭😭
زياد ضحك: يعني كان نخطب توافقي😅
خوله قعدت تبكي😭😭😭😭
زياد قعد يضحك: والله إكتشفت انك مش طبيعيه مره تضحكي ومره تبكي😂توه اني سألتك نبي جواب مش دموع😂😂😂😂
خوله: صح اني فعلا مش طبيعيه يلي نبي واحد زيك يا بارد😭😭
زياد ضحك علي الخفيف: عارفه اني قبل ما نبيش نخطبك قبل لأني مش مقتنع بخطبت النساوين متع الواحد ينفجع بي عروسته يوم العرس ويزبك فيها لكن من كثر ما شكراتك امي ومرت عمي ونوره إشجعت وقلت هي ما تكسرش بخطر امك تبي تفرح بيك ولما مصارش قبل ما دورتش واجد لكن لما تعرفت عليك وعرفتك يا خوله عاجبتيني وعاجبني اسلوبك وبصارتك وضحكتك😄و توه لم شفتك زدتي عاجبتيني يعني بالمختصر لأني أنسان ما نحبش اللف ودوران ولا نحب نخش للحوش من الرواشن علي قولتهم ولا تطويل الحبال حنجي نخطبك  وعنك خيرين يا بتوافقي يا بتوافقي مفيش حل ثالث 🙂
خوله: كذاب😳
زيادضحك: توه تشوفي🙂 هي توه سلام كلامي مع بوك غضوه😎
خوله: تي راجي حني في المزرعه مش قاعدين بعد بكرا منروحوا😰
زياد: يعني موافقه 😁
خوله:لما تجي توه تعرف مش اني مش طبيعيه وكل مره براي مش ضامن روحي نوافق و توه سلام وسكرت وصبت قعدت تنط وتغني
خوله:تعال أشبعك حب أشبعك دلال 😂وعدت تجري خشت عليهم في المربوعه علي خش القول😂
كلهم نسوا المبراء وقعدوا يبحتوا في خوله يلي خشت تعيط لما خش القول
خوله تعيط وتصفق: خشييييييييي
قووووووووولللللللل الاهلي هي هي اووولي أولي أولي خشييييي يا لهو من حدث تريخي قووووول تاريخي للأهلي يا ناس قووووول😂😂😂😂
الكل😳😳😳😳😳😳😳😳😳😳
نزار: أهلي شني🤨
أصيل: المبراء بين الريال والبرشي😕
حنين : صح هدا وين انتبهت عارف🙂
رتال: كذابه😂
حنين : والله نحسابه الاهلي والاتحاد حتي اني 😅
الكل نفلقوا ضحك😂😂😂😂😂😂😂😂
أحمد: وحده الاهلي والاتحاد وحده خشه تعيط حلتكم متأزمه صراحه🙂
سلمى:مش غير ربي يشفينه😂😂🤣🤣
خوله تضحك من جدها
رواد: توه مش هدي يلي كانت متأثره علي صاحبتها يلي بتموت🤨
خوله : ماهو مصارش طلعت مش خبطتها شاحنه طلعت خبطتها ورده😂وبعدين يلي يموت يموت علي روحه يا برو علاش انكد علي روحي😂😂😂
رواد: شن تخرفي🙂اللهم سكنهم مسكنهم وصبه حط يده علي رأسها ودروحه يقراءة عليها : بسم الله الرحمن الرحيم أطلع من جسد هده الهبله😂
خوله تعلق معه: مش طالع
رواد: اطلع أطلع من صبعها ره نحرقك 🤣🤣😂
خوله تشقلب في عيونها: طالع طالع وسعو😂😂😂😂😂
الكل نفلق ضحك🤣🤣🤣🤣😂😂😂😂
.................Soma Alsideek
ثاني يوم في الصبح الساعه7:00 رتال نايضه قبلهم كلهم ودارت طاسه قهوه وطلعت قمعزت في الجلسه تشرب حست حد جاء من ورها برمت وبتسمت
رتال: صباح الخير ❤
....: صباح الورد .......يتبع

📝Soma Alsideek