العيله هدا جوها💗

الجزء الثامن💗

كملا التفريج 📺وأذن العشاء عدوا الرجاله لتراويح وهنا الصبايا صلاً مع بعضهن وبعد روحوا
عادل خش عليهن : وين القهوه ما درتوش حاجه حلوه خاطي يلي جبتهم إماله😑
نوره: شويه بس يكونا عندكم ☺
ليلي: نوضي هديل ديري القهوه
هديل: حاضر 😓
نجوي : صبي سلمى مع هديل
سلمى: باهي وصبن عدا للمطبخ
هديل: إنتي قسمي البسوسه علي الصحون وانا نحط الكيكت الكرميل🤤وبعدها نطيب القهوه بيش ما تبردش تمام ☺
سلمى: as you like 😒(كيف ماتبي)
وبدا في التقسيم وبعد كملا وجت هديل بتحط بكرج القهوه خش عليهم سيف
سيف: سلام
هديل تحرك في القهوه : سلام
سلمى ساكته😶
سيف : خيرك ما ترديش😑
سلمى:😒
هديل: زعلانه منا 😑
سيف مستغرب من كلام هديل يحسبها زعلانه من احمد وهو : عليش🤨
سلمى: شن دخلك انت توه 😤
هديل: امس بعد ما درت شي معانه وقعدت سبع سنين إدير في المربوعه منار خبرت فيها وهزبتها خويله نجوى وحني وهدا يلي صار والست مزالت زعلانه 🙄😒
سيف: صار هكي ومنار ليش تتكلم ضروري البصاصه متاع جدها😓
سلمى بلا شعور: بيش تعرف خلاص كان ماجتش سلمى دارت معنها خلاص وهما مش عارفين ليش ما جيتش
سيف😶
هديل: وليش يا حنه 😒
سلمى: اااااه ما دخلكش اني ما شيه لي حوشنه نجيب الشحن شويه ونجي
هديل: تمام ماطوليش نرج فيك
سلمى طلعت من باب المطبخ وسيف جاء بيطلع ورها
هديل: علي وين إنشاء الله 😏
سيف: بعدين نخبرك مش فضيلك توه وعدا
هديل : ربي يستر من هالاثنين بس🙄
سلمى ماشيه سمعت سيف ينديلها ما ردتش وكملت جها مسكها من كتفها برمها ليه
سيف: ليش ما ترديش
سلمى: هكي عندك مانع😤
سيف: أسف علي امس قصدي علي تلفونك 😓
سلمى:وين نصرفها هدي في مصرف الوحده ولا التجاره😤 انت أصلا شن جيبك شن دخلك فيه اه ننحرق نكلم يلي منديره نديره شن صفتك ااه لا خويه لابويه مجرد ولد عمي تي حتي احمد ما سامحته😡حول إيدك مش فضيتلك    
سيف:مش منحيها نين تسامحيني أنتي مش فاهم الشعور يلي جاني بمجرد سمعت كلام احمد انك تكلمي في حد
أنتي مش فاهم شي وبنسب للي ليه دخل فيه ولي لا اني لي دخل في كل شي يخصك تسمعي😡
سلمى تفنص وحامقه من سيف: حول مكسورتك😡
سيف: مش محولها نين تسامحيني😤
سلمى بعصبية وشويه وتبكي: واني ما نيش مسامحتك لا انت لا أحمد انتي مش عارف شعوري اصلا مش فاهم الوضع يلي حطيتوني فيه 😡😭
سيف بعصبيه: لا تسامحيني وتردي اتهدرزي وتضحكي ورجلك فوق رقبتك😡
سلمى بعياط: مش مسامحتك قلتك  وعفست علي رجله بالقوه وعدت تبكي 😭 لكن سيف عده يجري مسكها من جديد من دراعها بالقوه وسلمى إدف فيه : حول يا خراء حول 😭
سيف: مش محول نين تسامحيني وتبطلي بكي وتردي تضحكي 
سلمى تبكي وبطلت الضرب 
سلمى: مش مسامحتك يابارد يامغرور يابوخشيم يا متوحد 😭😂
سيف ضحك عليها وحظنها : تره أحلفي يامشفشفه😄
سلمى : لا حرام الحلفان😢
سيف: مهبوله والله 😅   
هديل وراهم فاتح فمها 😯: نهاركم رمضان يا حمير 😂
سيف سيب سلمى
هم الاثنين 😳😳
هديل: ما هذه يا هذا 😉😁
سلمى تمسح في عيونها: ما تخرفيش من راسك الحمار مزعلني كاين 🙄
سيف🤦‍♂️: اي توه بعدين نفهمك
هديل: علي مين دحنا معلمين🙂
سيف: تعرفي نسمعك داويه حاجه نهارك أحرف يا هديل قتلك الموضوع كلا إني كنت مديرلها موقف امس انا واحمد وتمت الحكايه بلا تخريط زايد ويعيط فاهم😡
هديل: تي باهي فاهم وأنتي تعالي هي امك تخطب عليك خشت للمطبخ لقاتك
مهناش قتلي عدي نديها هي تعالي😑
سلمى: باهي توه نجي وجت ماشيه
سيف : سامحتيني ولا كيف😅
سلمى: وأنت شن رايك يا خشموش😌
سيف: هكي حسب وجهت نضري سامحتيني يا مشفشفه🙂
هديل: خلاص سامحاتك وسامحتها ومرت عمي مش حتسامحني😓 وكرتها هي قبل تجي خالتي نجوى وعدن
سيف بعد ما عدن: عارفك ماتحبينيش ومعتبرتيتي زي خوك لكن شن مندير اني نحبك ربي يحنن قلبك عليا بس 😔
....: من هي 🤨
سيف😳برم شاف رواد
سيف: اااه ماحد انت من امتي هني😨
رواد: تو كيف جيت كنت نبدل منطلع انتي شن تخرف🤨
سيف: شن سمعت انتي😨
رواد: ربي يحنن قلبك علي من هي يلي بتحنن قلبها هدي يا طيري😉
سيف في خاطره اختك المهبوله😌: لا شي كنت نغني بس😅
رواد : ايه صدقتك صدقتك 🙂هي ماشين لشارع $#&*% انا وأصيل ونزار وحتي احمد مرات يمشي تعدي ولا تقعد                        
سيف: لا منمشي هي تعال تعدوا نخدوا طويست قهوه قبل نمشوا😁
رواد: قدامي اللي يبي من يحنن قلبي عليه🙂قدامي قدامي 😂وعدو
سلمى طبعا كلت هزيبتين معتبرات لكن مش معدله فرحانه بحضن سيف قريب بطير وتغير جوها 180درجه 😁
سلمى توزع في الكيكه والبسبوسه هي وهديل
سلمى: تفضل باتوتي😍
صديق: زيد فضلك سمسم😊
سلمى: تفضل حسومي 😁
حسام: شن حسومي هدي خوك الصغير تحسبيني🙂
سلمى: خلاص ماتزعلش تفضل عمي حسومي😅
حسام: ايوه هكي😂
الكل يضحك
هديل: تقدم لنزار وهي تذكر في موقف الصبح 😓:تفضل
نزار نفس الشي: تشكورات يا هبله🙂
هديل 😤
سلمى تقدم لأحمد: خود يا قهرت عمري  😓
أحمد ضحك : زيد فضلك سوما ربي يخليك ليا أم شورب😅يا أحلى أخت تره قربي شويه منقولك كلمه    
سلمى: لا  🙂💔
أحمد: علي راحتك نبيك بعدين بعد نروح
سلمى ما عدلتش عليه وجت عند سيف: شد😒
سيف: من إيد ما نعدمها😁زيد فضلك
سلمى:شكرا خشموش🙄
سيف: عفوا يامشفشفه😒
صديق: أحم أحم شن قلت علي الألقاب البايخه متاعكم تحشم علي وجوهكم كبر توه رهو 😑
أحمد لي سيف: كيف صار🤨
سيف: لا انا أفرجو عليا براءه لكن مزال انت شوف وضعك يا برو😊
أحمد : سلمى تره تعالي شويه نبيك😑
صديق: وين شن تبي فيها
رواد: ايه يا بابا حتي هي أختي شني تبي فيها من وراي🙂😂
صديق: وأنتي من حرك شعيرك😑
خوله: اووووو تم القصف😂
منار: طف طف طف😂
سليمه: فالله ولا فالك قصف شني هدا😳
فريحه وليلي ونجوى يضحكن
رتال: مش خبر قصف هو😂
احمد: نبيها في موضوع بيني وبينها
حسام: شن هالاسرار الدوليه 🙄
سلمى:🙂
صديق : خلاص عدي لخوك شوفيه شن يبي بلا كترت دوه    
رواد: هاهاها😑تي هي أصيل ونزار خالنمشو احسن😒
حسام: وين 🤨
أصيل: لشارع*&^%$#
عادل: شن عندكم غادي
رواد:تي مشين لي مروان ال *&^%فتح محل ملابس
صديق: شفتوا الناس يلي تخدم مش زيكم خماير نوم😑
حسام: بكر معانه للعمل ره ما طولوش بره😼
رواد: تمام وبعدها ناد أصيل بصوت بنيه: هي أصولي حبيبي😂
أصيل بنفس الصوت: جيت جيت يا رودي يا قلبي😘😂🤣🤣
نزار نفسهم: واني حبيباتي معاكم رجوني
سليمه:خزي عليك تربيه غبره😑
صديق وحسام وليلي ونجوى وفريحه😳😳😳😳😳😡😡😡😡😡
عادل: 😂😂😂😂
ونوره: ساكته😶😂
البنات يضحكوا علي أصيل ورواد ونزار
أحمد أشر لي سلمى: تعالي وطلع عدو للمطبخ خشوا وأحمد سكر الباب 
سلمى : نعم شن تبي😑
أحمد عرف شن بيقول بيش سلمى تسامحه: اول حاجه سامحيني أمس جت فشت الغل فيك
سلمى: وانا شن ذنبي 😤عارف روحك شن درت انت
احمد: شن منديرلك حاط أسماء هكي عشق موت ومش عارف شني فكينا منهم هالاسماء هدين في تلفونك😑
سلمى: حاضر مره تانيه نحط إسم صاحبتي واسم بوه وجدهاوقبيلتها كان تبي زياده 😡
أحمد: يكون احسن 🙂
سلمى:والله 😤
أحمد: ما علينا توه امس عترفت لي رتال بكل شي 😁
سلمى:شنووووو😲😯😃 كذاب قول والله
أحمد: والله وحتي هي طلعت تحبني 😁
سلمى نست إنها زعلانه: مش قتلك انها تحبك من قبل 😃المهم توه تقمعز تحكيلي يلي صار بتفصيل
أحمد: يعني سامحتيني 😊
سلمى: ايه لكن بشرط تجيبلي صندوق شكلاطه مارس 🤤😍
أحمد: من عيوني هي توه خلي نمشي  لشباب 😁
سلمى: والله ما حكتلي شي مزال😕
أحمد: تو هي تحكيلك هي سلام وعده
سلمى طياره لي الصاله قمعزت جنب رتال
سلمى بتوشويش: يا خاينه ليش ما حكيتيلي علي احمد☹️
رتال: كلبه واطي حسك 😣
سلمى :صبي نرفعوا الصفر نهدرزوا في المطبخ علي رحتنا😉🙂
رتال صبت وخدوا الصفر وعدو للمطبخ وخبرتها علي كل شي وكنت فرحانه هلبا
رتال: تعرفي يا سلمى شعور لا يوصف لم تعرفي ان الشخص يلي تحبيه من صغرك يحبك حتي هو تحسي انك ملكتي الدنيا كلها ❤
سلمى تفكرت سيف و سارحه😞
رتال: خيرك 🤨
سلمى تنهدت: لا شي شي ربي يهنيكم حبيبتي☺
رتال: امين ياحماتي😅وأنتي ربي يبعتلك ولد الحلال يلي يحبك وتحبيه ونفتك منكن كلكن كل وحده في حوش رجلها واني مع حميده 😍
سلمى: امين😂😂
..........Soma Alsideek
تسريع الأحداث كمل اول سبوع من رمضان وعمك عماد راجل فريحه روح وردت لي حوشها وقعدت معاش جت لي حوش أهلها لي يوم 27رمضان جت فطرت عندهم هي أراجلها عماد المهم مشاء رمضان علي خير وسلامه لكن ما يخلاش الأمر من العرايك بين الشبيبه😊
وأحمد الحلو قال لي بوه وأمي اخطبولي رتال العسوله😁وعمك صديق فرحان بيطير لانه عجباته بنات إخته ونجوى نفس الشي ورواد بيهبل يقول حتي اني اخطبولي لكن صديق قاله لم تعقل نخطبلك😂المهم مزال ما حكوا لي فريحه ولا عماد بعد العيد يخطبوها له وسلمى ماعش صار بينها وبين سيف شي غير العرايك😅هديم الاثنين واحد أغب من الثاني فهمين الحب بطريقه غلط😂😂وخوله زايط كل يوم تدعي ربي يجمعها بزياد وهو مش عارفها أصلا كل يوم فاتحه النت وتشوف فيه شن دار شن مادار 😍😓ولا بت تجراء وتبعتلا طلب شي من نوعيت بلم ولا تتكلم وكم مره يجوها خطاب وترفض المهم خلوها هدي حاله حرجه😩ومنار قاعده لا جديد يذكر ولا قديم يعاد مكسده هي وحنين وهديل ونزار مش مفهوم طبيعة علقتهم مره يهدرزوا عادي ومره يتعاركوا ومره تحسيهم معجبين بي بعض ومره عادي ومره لا المهم متخلبطين هم الزوز 😆وعادل ونوره قريب يهبلوا من سراج وضرار وليلي وحسام ماشيه الدنيا معاهم وصديق حتي هو ونجوى قريب يجيها ضغط من سلمى ورواد وفعيلهم🙂💔وسليمه ماشيه عندها وسجلت في قرعة متاع الحج و فريحه حتي هي عادي الحياه عندها اه صح البنات عدن لسوق وشرن دبش العيد منار وخوله و سلمى وهديل مشن مع بعضهن شالهن أحمد المسكين زي كل مره😁وبنات فريحه شالهن نزار في نفس اليوم وتلاقو كلهم مع بعض وشروا مع بعض وتعاركوا مع بعض قدام الناس وشهدروا بروحهم في المحلات مع بعض وحلف احمد معاش يشلهم زي كل سنه والمسكين تحصل في  راسه ويرفعهم😂😂😂المهم كمل الصيام بخيره وعرايكه وجو العيله السمح وربي ما يحرمهم من بعضهم ويخليهم لبعض 💕
اليوم اول يوم في العيد وهنا كانت نقطة التحول في.......يتبع
............Soma Alsideek
قراءه ممتعه للجميع 😊
ما تنسوش(نجمه +تعليق)رجاءا😢
والحوله على الأخطأ الإملائية حبايبي😊

✒️Soma Alsideek

سي يو 👋💗😁