العيله هدا جوها💗

الجزء العاشر 💗

سلمى تسمع علي أمها ومرت عمها وجدتها يهدرزو🙂😈
سليمه: والله خير ما ختار حميده
نجوى:إيه والله يا عمتي ما نلقاش خير من رتال لوليدي❤
ليلي: حتي اني منخطب لي أصيل وسيف 😊
سلمى مصدومه 😨
نجوى: حقه🤨
سليمه: مزالوا صغار يا ليلي🙄
ليلي: لا والله أصيل بيهبل وبالمره نخطب لي سيف ونتريح عليهم الزوز
نجوى: كلا مني اني رواد مستحيل نخطبله وهو مزال بطياشه هدا خليه نين يدير عقل 🙂💔
سليمه ضحكت: ايه والله ملزومات بنات الناس بتهبليهم😂
نجوى:حطه في بالك حد ولا بدوري🤔
سليمه: بالك هم عندهم😒
سلمى حطه يدها علي قلبها وخايف من الكلام 😢💔
ليلي: ايه في بالي بنتين قنينات
نحوى: مني!
ليلي: بنت خويه جنى 😁لأصيل وأخت نوره(مرت عادل) الصغير تسنيم لي سيف😁
سليمه: بنت خوك😑وخيرهم بنات عمه وعماته ليش بنت خوك يعني🙄😑
سلمى اول ما سمعت تسنيم لي سيف قعدت تبكي ومصدومه مش عارف شن إدير😭
ليلي: لا يا عمتي غير عاجبتني ما نبيها أضيع مني🙂
نجوي: اي معك حق قنينه بنت خوك فلاحه وسماحه ماشاءالله عليها الحق حتي اخت نوره قنينه ☺
ليلي: اي😏
سليمه : ومن قال لولاد يبوهن أسألوهم قبل مرات حطين حد في بالهم🙂
ليلي: لا اني ولادي  نعرفهم ما فيش حد يبي وحده كان هدي حكولي من قبل 
سليمه: انتم أدر يا بنياتي😒
سلمى ردت للمطبخ وهي حط يدها علي فمها وتبكي جتها خوله من ورها
خوله: يا بارده ساعه نراجي في الميه و....خيرك تبكي 😨
سلمى حظنت اختها قعدت تبكي بصوت عالي وتشهق😭😭
خوله:خيرك بسم الله فيك شي في حد صيرله حاجه😨
سلمى تبكي😭😭
خوله حولتها: تي خيرككك قولي
سلمى تبكي لكن ما قلتش شي غير: قلبي يوجع فيه منموت😭😭😭 
خوله: شني ! شن يوجع فيك كيف نكلم حد نرفعك لمصحه😥
سلمى مسحت عيونها وقالت: مافيه شي راسي يوجع فيه خلبطت بس نمشي لحوشنا منرقد شويه 😢
خوله تحسبها رسها صح لانها ديم يوجع فيها من الحساسيه : تمام تعالي نشيلك يا قلبي 😟
سلمى: لا عادي نمشي بروحي
وعدت سلمى لي حوشهم علي طول سكرت عليها الباب متع دارها وقعدت تبكي وتقول: سيف بيخطبوله😭لا يا ربي والله نموت  يا ربي ما نقدرش نشوف مع غيري😭
قعدت علي هالحاله فتره مقمعز علي الارض وتبكي لين رن تلفونها لقتها فاطمه صاحبتها ردت عليها
فاطمه: هلا قلبي
سلمى تبكي: فاطمه منموت 😭
فاطمه انفجعت من رد سلمى: سلمى خيرك تبكي خيرك صايره حاجه فيك شي  😨
سلمى تبكي بهستيريا: سيف يافاطمه ب بب بضيع مني😭😭😭😭😭😭
فاطمه : شنو شن صارله فيه حاجه دار حادث تكلمي 😨ولا نقولك شويه ونجيك سكري سكري تو نجيك
سلمى تبكي سكرت وقعدت علي حالتها تبكي وخلاص💔
.........Soma Alsideek
روحوا الشباب من البحر مع المغرب هم خشوا بي سيراتهم علي خشت فاطمه جيبها خوها
مصبين في الصور كلهم يطلعوا في الحاجات متعهم من السيارات
أصيل شاف فاطمه خاشه جتها منار وهديل سلمن عليها وبعدين خشوا داخل في الحوش الكبير
أصيل لي رواد: مني هدي🤔
رواد ينزل في الحاجات مش منتبه: مني🤨
أصيل: البنت السمح يلي خشت توه😁
رواد: وين نعلم عليها نزل الكيس وانت ساكت 😒
عند البنات جوه في الصاله فاطمه سلمت عليهم كلهم
فاطمه: وين سلمى 🤨
خوله: رأسها يوجع فيها قاعد في حوشنا😔
فاطمه: منمشيلها عادي😟
خوله: تمام هي نرفعك ليها وعدن طلعن هنا الاثنين لي حوش صديق
خوله: تعالي تفظلي أكيد في دارها
فاطمه تخمم في سلمى: زيد فضلك
دقت خوله علي سلمى ما بتش تفتح
خوله: سلمى أفتحي الباب
سلمى تعيط: درقي وجهك مانبي حد😭😡
فاطمه: أفتحي هدي اني يا سلمى😢  
سلمى من وراء الباب: من معاك
خوله: اني بس افتحي🤨
سلمى : درقي وجهك نبي فاطمه بس😭
خوله بحتت في فاطمه مستغربه🤨
فاطمه: خلاص خوخه عدي توه نشوفها😥😟
خوله: تمام وعدت وهي مستغرب
فاطمه: سوما أفتحي ما في حد يا عمري
سلمى فتحت الباب وعلي طول حضنت فاطمه وهي تبكي 😭😭وفاطمه لما شفتها قعدت تبكي😭
خشن داخل الدار وسكرت سلمى الباب
فاطمه: خيرك شن فيك يا عمري قلتلي سيف نحسابه فيه شي شفت بره واني داخله مافيه شي شن فيك إماله
سلمى تبكي: بيخطبوله😭بيجوزوه ما نقدرش نشوف مع وحده غيري نموت والله نموت 😭😭
فاطمه تبكي: شنوو من قالها هو قال😧
سلمى: أمه قالت منخطبله مبكري وحده إسمها تسنيم😭اني شن مندير بعدها والله نموت😭
فاطمه حضنتها: خلاص يا عمري معاش تبكي كان من نصيبك ربي حيقرب منك معاش تبكي مرت ربي بيعوضك خير منه  😢
سلمى تبكي: عارف انه ما يحبنيش لكن مش قادره والله منموت قلبي محروق 😭والله يخطبها ننجلط يافاطمه والله نموت😭
فاطمه: خلاص يا روحي قوي روحك معاش تبكي علي خاطري وبعدين أنتي قلتيها امه قالت ما تعلميش مرات مايصيرش منها اهم حاجه توه خليك قويه ما تبينيش لحد شي خليك قويه كيف مانعرفك
سلمى سكتت شويه بعد كلام فاطمه وقعدت تمسح في عيونها: مرات ما يصيرش منها صح 😢
فاطمه: ايه لكن ماتأمليش روحك واجد خليها علي ربك نوضي توضي وصلي ركعتين تهدي شويه هي☺
سلمى: باهي وصبت خليك هني نمشي نتوضه ونصلي ونجيك
فاطمه: تمام 😊
عدت دارت يلي قلتلها عليه فاطمه وهدت شويه وقمعزت معها هدرزو وبعد شويه رن تلفون فاطمه طلع خوها جيها طلعت معها سلمى وصلتها لعند باب الصور
سلمى تسلم عليها😘: بسلامه يا عمري
فاطمه تسلم: سلمك إتصلي بي وطمنيني عليك ماتشغلينيش عليك باهي😢
سلمى: حاضر😔 هي في حفظ الرحمن
فاطمه: هي بسلامه وطلعت سكرت سلمى الباب وبرمت شافت أصيل جيها
أصيل: سمسم شنجك😁
سلمى: روحتو
أصيل: لا مزال في البحر🙂
سلمى: مبردك 😑
أصيل:مش ابرد منك المهم توه شن جوك😊
سلمى: تمام وليش تسأل حمار من بيموت تسأل🤨
أصيل:مش مهم حمار مني بيموت توه المهم من يلي كانت معاك سمسومي😁
سلمى: شن دخلك😑
أصيل:الباب يلي دخلك🙂
سلمى : فوت من قدامي تره😤 وعدت لي لحوش جدتها خشت لقت البنات قعدات معهم رواد وسيف وأحمد وجدتها بس وصبايا عمامها وأمها يديرن في العشاء   
سلمى: سلام وتبحت في سيف وشويه وتبكي لكن مسكت روحها
الكل وعليكم السلام
سلمى: وين بابا مزال ما روح
خوله: مزال ما روحو لا هو لا عمامي☺
سلمى هزت رأسها يعني باهي وجيت بتطلع
سيف: تعالي سمسم شوفي الصور تعالي درتلك مقلب في احمد يضحك طيحت من فوق نين قعد يعيط زي لبنات😂
أحمد: ما هو هدي اخر مره نمشي لبحر وأنت ماشي معانه قريب متت في جرتك😒
سلمى بلا نيه : ما عنديش نيه منعدي نرقد😞
الكل مصدوم اول مره تقول ما نبيش نتفرج علي الصور قبل غالي عليها تتفرج علي الصور وشن دارو 
رواد: اول مره تقول مانيش متفرجه😮
منار: اي والله😯
سلمى ماعدلتش وعدت لي حوشهم
سيف مستغرب🤨
خوله حكت: رأسها يوجع فيه بس هدي ليش مش رايقه اليوم
أحمد:ما طالش ستغرابي
سيف كيف يلي نشغل لكن ما وضحش لحد😶
........Soma Alsideek
ثاني يوم كان جمعه وقررو يمشو للمزرعه متاعهم ويروحو الأحد وكلمو فريحه تعدي معهم ومشو كلهم من الصبح وتغدو غادي في القايله🌞
سلمى تحكي للبنات: أني منتمشه  من بتمشي معي
رتال: لا اني قاعده نقيل شويه☺
حنين: كذابه حمود بيهدرز معها قعد يراجي بره سمعتكم😉
سلمى: أطلع يا حق ربي🙂
رتال: شي ما تنبلش الفوله في فمك😓
منار: بنسبه ليه اني نعست من الفجر نايضه بعد العصر نطلع😑
حنين: حتي اني😴
هديل: راجي بعد العصر نطلعوا مع بعض مش توه شمس عارفتيني ما نتحملهاش وانتي طلعتيلي في هالقوايل😑
سلمى: علي يسألكن واني منطلع توه في القوايل محد ليه دخل😒 وحطت السمعات وطلعت فاتت من جنب احمد: راجي شويه توه تطلع نين ترقدهم داخل وتجيك😌وعدت
احمد:🙂💔
طلعت من مزرعتهم وقعدت تتمشى بروحها وتغني  كاينه لابسه توته صاعقه فيها برنوص لبسته بدال الوشاح وسبيدرو أسود طبعا المنطقه متعتهم كلها مزارع وما في حد ساكن فيها بعدت هلبا علي المزرعه متاعهم   
سلمى تتفكر في سيف ودموعها ينزلا وتغني : ترا حقي إني افكر فيك وأشغل بيك تفكير بهدنيا بعد ما عيش من تفكر بغير ....وفجأة حد حط يديه علي عيونها وفمهم من لوره برمها
سلمى انفجعت لكن لم شفاته من يكون قعدت تبحت ودموعها ينزلاوساكته😢
سيف مستغرب: خيرك تبكي 😨
سلمى تمسح في عيونها: لا شي حساسيه من مبكري هكي
سيف: متأكده🤨
سلمى: ايه شن جيبك أنت
سيف: شفتك طالعه بروحك جيت وراك ما بيتش  نقاطعك وأنتي تغني يا اصيال😂🤣
سلمى ساكته😒
سيف : تعالي نكملوا مع بعض هي
سلمى نزلت راسها: لاله منروح😞
سيف : خيرك من أمس وأنتي قلب وجهك عليه مع اني مانشبتكش🤔
سلمى تذكر في كلام مرت عمها حمقت:ما دخلكش فيا  مش نقصتك انت الثاني ألها في روحك 😡وجت بتمشي
سيف مسكها: لما نحكي معاك معاش تشكتري في وجهي ولا ترفعي صوتك عليا فاهمه😡
سلمى تبكي: نحي إيدك يا خراء😡
سيف حول يده :خيرك اليوم وامس قلب وجهك معاش منعود سؤالي😡
سلمى: قتلك ما خيرنيش اني هكي عندك مانع 😡وياريت معاش تجي جهتي لا تلمسني فاهم😡😢
سيف : اح حسستيني ميت عليك وبعدين اني غلطان يلي جيت ورك يا مريضه وحده هبله مريضه نفسيه😡   
سلمى تبكي انفجرت في وجه سيف: صدقت اني مريضه والله اني الحماره يلي ندور في حد زيك اني الغبيه يلي ديمه نفكر فيك اني الغبيه يلي حبيتك انت ومعاش شفت غير اني الغبيه يلي علقت روحي بوهم بسرااااب اني الغبيه يلي حبيت حد يعتبر فيه زي أختي شن ندير اني كان حبيتك انت اهااا قول شن دنبي😭 اني خلاص معاش نتحمل اكتر من هكي خلاااص تعبت  كنت عارف حيجي يوم ونعرف اني غبيه لأني حبيتك وتوه عدي خلي أمك تخطبلك تسنيم هدكهي ربي يهنيكم مع بعض وخليني مع غبئي قالت الكلام هدا كله وهي تبكي وتعيط بصوت عالي😭
سيف مصدوم بكلام سلمى وما قالش ولا كلمه 😳
سلمى بعد معاش دوي تحسابه ما يحبهاش ومش عارف شن يرد عليها عدت تجري لكن عكس اتجاه المزرعه 🤦‍♀️وتبكي
سيف مصبي يشبحلها😳وبعد ما ستوعب يلي قالته عدا يجري ورها
سيف: سلمىىى اوقفي يابنت هوو ياهمي راجي😀
سلمى تجري وتبكي 😭
سيف وصل فيها داهش😂 مسكها: يا غبيه شن الكلام يلي قلتيه توه ومن تسنيم🤨
سلمى تبكي: انسه انسه أعتبرني ما قلت شي عارف انك ما تحبنيش انسه ياسيف وخليني بروحي😭
سيف ما حكش شي خدها في حضنه بقوه وهي نفس الشي لكن تبكي😭
سيف بعدها وهو ماسك وجها : مستحيل ننسه مستحيل ومن قال منحبكش من قال شفتي شن فيه في قلبي شفتي قلبي سيف  فيه سلمى وبس وربي مافي غيرك من اول ما وعيت علي الدنيا وأنا نحبك تي مش نحبك بس نعشقك يا سلمى نحب كل شي فيك ضحكتك وعراكك وحتي هبالك وبصارتك نحب كل شي فيك ما كنتش نقدر نقولك نخاف نخسرك لأني كنت نحسابك ما تحبينيش يخي كنت متاكد انك تكرهيني زياده😅
سلمى تسمع في كلام سيف ومصدومه وتبكي وخلاص😭
سيف مسحلاها دموعها : خلاص بلا بكاء عاد ام دميعه😅
سلمى: تحبني صح ولا تكذب😢
سيف : نموت فيك اني مش نحبك 😍
سلمى: مانكش خاطب تسنيم هدكاهي😢
سيف: ايوه مني تسنيم الله يبارك فيها يلي هبلاتك هدي 😅
سلمى: خويله ليلي بتخطبلك اخت نوره يلي أسمها تسنبم تحساب روحها سمحه وكان عندها عيون زرق يعني أكيد عدسات اصلا اني احلا منها😢😂
سيف: قنينه هي ولا شينه والله شكلها سمح ام العيون الزرق😁
سلمى ضرباته علي كتفه:عارف انت واحد بارد باهي😑
سيف: مش ابرد منك 😍يا أم عيون عسل اصلا مانحبش العيون الزرق انا نحب العيون العسليه 😍
سلمى ضحكت: معاش تحكي عليها بكل إماله خير مانطلعلك عيونك هدين🙂
سيف قعد يضحك ومسك يدها:سلمى متأكده أني ما نحلمش يعني تحبيني صح
سلمى: كان مش اني يلي نحلم متأكده
سيف :باهي منقولك  نحبك نحبك نحبك
سلمى: كمل ليش ساكتت🙂
سيف: ماهو توه شويه تانيه نشوف حد جي يدور علينا وتشوفي الحب صح😅
سلمى: خزي يلي ما عندك رمانسيه😑🙄
سيف:ومن قال 🙂نوريك الرمنسيه تو
سلمى ضحكت: لا لا 🙂
سيف: ايوه سلم حبيبتي المؤدبه هي نردو للمزرعه بعدنا واجد تو يدورو علينا مسك يدها وردو مع بعضهم رن تلفون سلمى في الطريق طلعت فاطمه
سيف:مني😁
سلمى: عشق موت😂
سيف ضحك لما تذكر الموقف😄
سلمى: ألو يا قلبي يا عيوني انتي وتبحت في سيف وتضحك
سيف:😁 
فاطمه: بسم الله خيرك مش كنتي مكتأبه وتبكي مبدري الصبح لما كلمتك🤨
سلمى : شويه توه نبعتلك صوره تعرفي ليش يا روحي😁
فاطمه: خير انشاءالله هي وسكرت
سلمى:سيفو منصور معك وندز لصاحبتي عادي🙃😊
سيف: ليش 🤨
سلمى: توه تعرف غير هي ☺
سيف :أمري لله هاتي انا نصور😌وعطته التلفون مسك بيد اليسار وضبط سلمى بيده اليمين وسلمى مبتسم عاد من قدها 😍
سلمى: هات هي
سيف: تؤ تؤ 🙂
سلمى: سيف هات ماتخلينيش ندير حاجه تخلي ذكره زي هدي تفسد🙂
سيف شير علي خد: هدي قبل😊
سلمى متحشمه: لا مستحيل قليل الادب تحشم😑
سيف: انتي ادر فونك ودعيه معنها😏
سلمى:أحسن معاش نبيه طلقت يده وماشت😡
سيف عدلها مسك يدها: خلاص هاكي هاكي معاش نبي شي☹️😒
سلمى: شاطر 😊وخدت منه وبعتت الصوره لفاطمه 😋
سلمى تعد بصوت عالي: واحد إثنين ثلاثه اربع خم .. ويرن التلفون
سيف🤨
سلمى ردت وفتحت ميك
فاطمه: كيف صار امتي تكذبي صح الصوره مفبركه لا لا انتي منين بتفبركيها غبيه في التكنلوجيا اصلا🙂 أنتي شن درتي يلي معاك سيف كان مانحولتش صح ولا شبيها انتي يا همي ردي عليا 😩
سلمى تضحك: لا ما نحولتيش😂😂😂   
سيف يضحك: 😂😂
فاطمه سمعت ضحكت سيف: وين قاعده يلي ما تتحشمي خزي😧
سلمى لسيف: احكي عادي 😄
سيف: قاعد عندي شن تبي فيها
فاطمه: شنوووووو انت سيف صح😲
سيف: يس اتز مي (I's me)شكلي مشهور عندكم😂
سلمى: مش غير😂😂
فاطمه: ايه خمس سنين مهبلنا معاك انتي وهالهبله بنت عمك 😌من يوم ما عرفتها يعني 🙂
سيف يحكي لسلمى: خمس سنين تقرمي فيه لصحبتك يا ضالمه🙂💔
فاطمه ضحكت :😂😂😂كيف صار معاكم عطيني سلمونتي😂😂
سلمى تحكي: حي ماخبرتكش مش طلع ميت عليا الأفندي وعترفلي انه يحبني انا وبس 😌
سيف: اح كذابه هي يلي عترفتلي اول 🙄لكن فعلا نحبها ونموت فيها😍
فاطمه بصوت عالي: الحمد الله لووووولووووو وأخييييرررر اللهم لك الشكر يلي حضرتني اليوم هدا وأخير معاش فيه(وتعلق علي صوت سلمى😂) يا فاطمه منموت ما يحبنيش والله يكرهني يا فاطمه بيخطب يا فاطمه طاح يا ناري اليوم نخبش نكسر ومش عارف شني ودموع وحاله غبراء اللهم لك الحمد والشكر علي هدا اليوم التاريخي في حياتي😂😂😂😂
سلمى:تفوووووو فضحتيني😓 
سيف: أطلععععع يا حق ربيييي 🙂😉
سلمى😤🙂🤦🏻‍♀️
فاطمه تضحك :ايه وحق ربي نين كرهتك تكملها لما نكلمها ولا لما تجي للكليه سيف وسيف وسيف نين كرهت السيوف والامواس وكل شي يخص السيوف وحق ربي 🙂😂
سلمى: تامي بتسكري فمك ولا😓
سيف رفع يد سلمى يلي مسكها وباسها: والله اني يلي مهبلتني مش انتي😍
سلمى متحشمه :☺فاطمه طيري تو بعدين نكلمك😁
فاطمه: أحم أحم باهي هي سلام يلي ماتتحشمو😑 اااه صح نسيت اسمع انت يلي اسمك سيف العرب😂
سيف: نعم😁
فاطمه: أنعم عليك الله سلم وليدي نسمعك مزعل سومتي نشنقك ساد نفسيتي تعبت معاكم انت تزعلها وهي تجي تنكد عليا اني سادني منشقي بحالي حتي اني وانتو معاد خليتو الواحد يشوف حياته بكل🙂😂💔
سلمى : سمعت شن قالت 😌
سيف: باهي طيري توه مش فضينلك😒
سلمى: سلام يا قلبي توه بعدين نكلمك
فاطمه: باي يا عيوني وسكرت
سلمى لما سكرت من فاطمه شافت سياره جايه طلقت سيف : نهار ازرق😱
سيف: خيرك🤨
سلمى: شوف من جينا😰
سيف:😳😨
سلمى:....يتبع
...............Soma Alsideek
أعطوني رأيكم يا جماعه☺مش إديرو الحوله🙂(نجمه+تعليق) وقراءه ممتعه للجميع 💗

تشاو بالكونافه 🥧😂

📝Soma Alsideek