العيله هدا جوها💗

الجزء الأول 💗

روايه: العيله هدا جوها💗
بقلم:Soma Alsideek
____________________________
اليوم 28شعبان مزال علي رمضان يومين 💛يوم الجمعه في القايله
كانوا العمام مقيلين😴 في المربوعه والصبايا كل وحد إدير في حاجه لقهوه العشيه 🥞🍩🥧في المطبخ متاع الحوش الكبير يعني حوش جدتهم والشباب والبنات في الجلسه يلي بره في الجنان .....
سيف متكي : إملا وين سمسم 😌(قصدي سلمى) يا صفره  ولا مزالت حامقه وتبكي🙄(طبعا الصفره هدي هديل لانها شقراء يقولولها كلهم ياصفره😂🤣) 
هديل تضحك بخبث وتحكي في خطرها: لا شويه ودجي وتشوف من حيبكي توه  يا وخي😆
رواد: وأنتي عليش تضحكي تقول يدغدغوا فيك الملايكه😁
هديل إتبسم:لا شي ولا حرام الضحك روري😃
رواد:امشي يا ملبوسه 😒
هديل: اننننننن😑
احمد يشبحلهم ويضحك وفي خاطره يقول : أبصر عليش نويه سلمي اختي ونعرفها  مستحيل تمشيها ليه بدون كارثه🙂😁
أصيل:اهو نض الملبوس الثاني 😏
سيف: اللهم سكنهم مسكينهم
احمد: سكرفمك😒
منار وخوله يحكن لهديل بصوت واطي
منار:قلتلك شن بدير فيه انتي😃
هديل : لا لا قالت توه تشوفوا شن مندير فيه بس وعدت لداره🤷‍♀️
خوله:حي عليك يا سيف والله سلمي تتوقعي منها اي حاجه😶
هديل: مع إن خويه لكن يستاهل محد قاله شركلها رسماتها يستهل😒
خوله: تي عارفه الرسمه يلي شركها سيف ليها ثلاث ايام ترسم فيها🙂
(طبعا سلمي غالي عليها الرسم ورسمها يهبل واي حاجه ليها خط أحمر ممنوع اللمس 😼 )
منار: ايه تسهر عليها 
هديل: اس اس اهي جيت سلمي
سلمي جيه تضحك علي الاخير وفي يدها كويش(سبيدرو): سلام يا شبيبا😁
الكل: وعليكم السلام
رواد: خيرك جايبه سبيدرويك🤨
سلمي: بيش نخذ راحتي في الجري🙂
رواد والباقي مستغربين🤨
جت قمعزت جنب هديل والبنات
سيف يضحك: شنجك يا دفينشي زمانك😂(طبعا سيف يموت في حاجه إسمها إستفزاز وخاصتا مع سلمى🙂)
سلمي تضحك : ميه في الميه يا خشموش العيله👃😂
سيف يستفز فيها: باللهي نسألك كم يوم وأنتي ترسمي فيها تحفتك الفنيه تحسبيها لوحت المنليزه اماله😂
سلمي : ثلاث ايام يا عفن😤 وعلي كل يوم تخد عقاب ماتخافش☺
سيف ضحك: ما تقدريش عليا يا سمسم
سلمي ضحكت من جدها : تره احلف باليباني😂😂😂
احمد ضحك:معنها في مصيبه 😅
والبنات يشوفوا ومش فهميت شن دارت 
اصيل بحت في سيف: نضم أومورك وخي 😉شكلها في مصيبه جايتك😊
رواد بفضول:سمسم شن درتي قوليلي سلم وخيتي حبيبتي يلي طلعتلي🙂😂
سلمي تضحك وتبرق بنص عين في وسيف: برا لدارك في مفأجاءه حتعجبك ولد العم😏
سيف:ددددار داري نهارك مشروعي اللب توب😳
سيف صبه يجري خش للحوشهم وسلمي لبست سبيدرويها وصبت تضحك
أحمد يضحك : شن درتي طح سعدك🙂
سلمي تبحت في باب الفيلا خايفه يجي سيف وترد علي أحمد : بيش في الجديد يعرف مع من يلعب انا سلمي مش اي كلام 🙂
طلع سيف حامق: سلمىىىىىى نهارك أسود مفيشي بقعت ضي😠😡 🏃‍♂️ وجاء يجري وهي عدت تجري وتضحك🏃‍♀️
الكل يضحك عليهم نين دهشين😂😂علي منضرهم زي لعويله يجارو😂🤣
سلمي تدوي وهي تجري في الجنان وسيف يجري ورها: بيش تقرب حاجه ليا مره تانيه يا خشموش😜
سيف : ياعن فيتك هكي إديري في داري  يا مستكلبه انتي طبيعيه تي غير نشدك نفترشك توه نعلمك الادب اني اليوم يومك الاسوووودد😠😡  ويجري في جرتها😠
هديل صبت :انا منشوف شن دارت في الدار 😃
صبو كلهم خش يشوف في الدار وسيبوهم يجروا 😂
رواد اول ما خش مصدوم: اوووو ماي قاد ماهذا يا هذا😯
أصيل:كيف صار أختك متأكدين بعقلها😲😮
هديل  ومنار: 😳😲
خوله: اني لله وإن إليه راجعون سلمى عقلها ضرب 😮مش طبيعيه البنت هدا كله علي خاطر رسمه
احمد: عطك يا سلمي البنت نكلبت رسمي معاش فيها امل😧
طبعا كانت الدار كتالي الدولاب متاع سيف منكوت واكتر بلوزه غالي علي سيف مشركه ومحطوطه علي المرايه متاع التسريحه(الزيانه) وباخه الورغان الاسود متاع السرير بالوركينه ريح لونه احمر ودسكات متاع سيف متكسرات وحاطه كأس امايه في الفلاشات متاعه يعومن😂  
منار تضحك: تسلم إيديها تحف فنيه رهيبه😂🤣
هديل: اسمعوا شكلهم سكتو شكلا سيف قتل سلمي يا ولاد🙂
احمد طلع يجري وهو والكل لقاهم مصبين هم الاثنين جنب بعضهم و عمتهم حواء وعيالها جنبها مشولهم
أحمد: أووو عمتي حواء عندنا امتي جيتي وسلم عليها
حواء تبتسم: هادا وين خشيت لقيت الجوز هديم يجارو ويتعيطو 🤨
سلمي: رياضه عميمه كنا إنديروا في رياضه وتغمز لسيف😉
سيف😤
مرام تضحك بدلع وهي استغفر الله إدره الكبد 😓: رياضه في القايله يا مجنونين
سيف مع إن شويه ويقتل سلمي لكن رد علي مرام: عادي انا وسلمي إنديرو فيها في القايله عندك مانع🙂
منار : عميمه كيف حالك وتسلم عليها هي والبنات وخوله وهديل نفس الشي وما سلمنش علي أسامه ويوسف   
ورواد:حواء هانم هنا يالا هذا اليوم العظيم يا أصيل باشا
أصيل: نعم يا رواد اغآ اليوم باين ان جميل بوجود الجميل هنا
ألاء تضحك بدلع 😓
رواد بحت فيها من فوق للوطه (طبعا مرام وألا لبسات لبس أعوذ بالله شويه ويتمزق الدبش من عليهن من كثر الضيق والسروال مشمر تقول كينات إسيقن في جنان حوشهم 😒والشعر كلا براء الوشاح يعني الوشاح منضر بس 😓إستغفرالله🙂💔) 
أصيل دواء بهزوه: من قال نحكي عليك وانتي تتسهوكي 😒
ألاء☹️
سلموا أصيل ورواد علي عمتهم
مرام :وكنا نحن ما يسلمش علينا 😒
رواد : كأنه في ذبانه يا أصيل 🤔
أصيل: ايه من بكري تزن🙄
حواء كيف يلي زعلت: ليش ما تسلموش علي بناتي العفو مابيكلوكم😕
سيف دروحه هد وين شاف ضنا عمته وكان بيغير الموضوع اصلا🙂
سيف:اووووو وسيفه وأسوم هني😅
أسامه: من بدري هنا نحن😑 قدم أسامه ويوسف سلموا علي الشباب وبرم يوسف وأسامه علي البنات وهم قريب يطيروا😍😍 يسلم سلمت عليه منار بروس  صوبعها وأحمد يتحلف فيهن 👌 من ورا عمتي😂 ويشير ماتسلمنش لانه عارفهم نيتهم السوده😓😤 وجاء لهديل نفس السلام دوب ما سلمت وخوله عدت جوه تجري قبل ما يوصل فيها : اني منخبر حني انكم جيتوا وعدت تجري وماسلمت😂
وسلمي وصلو هم الاثنين فيها سلمي إتبسم وربعت إيديها بستفزاز: سلامكم واصل 😏
يوسف وأسامه:🙂🙂💔💔
ألا:كنهم يديك محنيات🙄
سلمي : ايه مشبرات شبور مش حنه بس  لعقبالك تحني زيني مع اني شاكه فيها🙂😏
كملوا السلام وخشوا سلموا علي خوالهم وصبايا خوالهم وجدتهم  وجت العشيه الشباب كلهم بره في الجلسه والبنات يوتن في سفرة القهوه
سلمي: يا منار يا حماره حطي الكيكه في التباسي وأنتي من بدري تتسهوكي 😤
منار: تي باهي يا حصلت عمري تقول هي الكبيره😑
سلمي تبحت في مرام: وأنتي حطي البسبوسه يلي جبتها نوره (مرت عادل عمها)في المترد هدكا يلي وراك
مرام حط يدها في نصها:وأنتي تتأمري من مبكري ياماما وياريت غير إديري في حاجه مسكه هالكشيك وتقلبي في القهوه من مبدري نين طاح سعدها 😤
سلمي: وكنها القهوه مش حاجه يا ماما عدي كم بكرج مطيبه وحده حلوي  ووحده ساده ووحده نص نص غار شوفي روحك يا خويمره يلي متعرفي تطبخي بيضه وبعدين تعالي أحكي معي يا بايره😏
هديل تضحك: إيح هي حتي الغاز ما تعرفش تولعه بيش تطبخ الدحيه😂
سلمى: صدقتي يا نصي🤣🤣
منار وخوله 😂😂
مرام:باهي يا سلمي توه تشوفي 😡والله ماني دايرة معكن حاجه وطلعت وهي حامقه😡
سلمى: اح احسن فراقك عيد يا بايره😂
ألاء شقلبت عيونها 😾وطلعت وراء مرام😂
منار: حي يا بنات الفتانه عدت اكيد مشت تدوي لحنينه وعمتي حواء وبعدها بتخبر باتي وماما وبعدها بطيح فوق روسنا😩انا مدخنيش سلمي هي يلي حكتلها ايوه🙂
خوله : توه بتبدا في دموع التماسيح  لحنينه أكيد😓
هديل تعلق علي مرام وحط يديها علي عيونها ودروحها تبكي: ايييي يا حنينه سلمي قلت علي يا بايره ياخامره ويلي ما تعرفي تطبخي دحيه 😭ودروحها تبكي😂
سلمي تضحك علي هديل: تملح منيش خايفه منها عقب هالمزيته 😏
علي خشت حنين ورتال بنات فريحه
رتال تعيط علي طول حسها : جييييييناااااا🗣
سلمي فرحت😍: حنونه تولي وعدت تجري ضبطتهن وسلمت عليهن
حنين : وين لا تكلمي لا تسألي من سبوع وفونك مغلق 😕
سلمي :طح مني في الميه فوني أحمد شاله يصلح فيه 😩😢
حنين: انشاءالله يروحاك سالم يا حنه😂
هديل: مني🤨
حنين: فونها وهو زي ولدها رايح😂
الكل😂😂😂😂😂😂 
رتال: كنهم ريه وسكينه مش معاكم قصدها ألاء ومرام😁
منار:شن يديرن بره 
رتال: يلي هدي دك وجها في فونها وتتسهوك😒
حنين: حتي السلام يسلمن تقول زرينهن زر عليه🙄
سلمي: عقاب باردات
خوله : خلينا منهم توه هي وتن السفر باتي يسأل علي القهوه والشاهي   
كملن كلهن السفره متاع القهوه والشاهي متاع الكبار  وشلتها منار وجت وخدن سفره القهوه ومتاعهم هم والشباب وطلعن بيها بره هنا وحنين ورتال خوله ماسكه الصفره متاع القهوه وحنين وهديل المتارد متاع الكيكه والبسبوسه
سلمي طلعه تضحك هي ورتال شفت نزار جيهن مع أسامه
سلمي :اووووه نزوره جابكن وماقلتيش من الاول😍
رتال: اماله من بابا بيسافر اليوم
خوله : خزي ماتقول عندك خوال ليك اسبوعين ونص مش شيفين وجهك😑
هديل : تي هو امتي روح من عندنا الشهر يلي فات قدام وجهك إقامه تقول ملصقينه هني كاين🙂
نزار : ما دخلكش يا صفره 😒مهوا انا يلي مغيرلكم جوا😌
خوله ضحكت:فعلا لقين علي من نعلقوا😂
نزار: خزي😒 
منار جت سلمت عليه : شن الجو يا برو
نزار: تمام يا قدر ميه في الميه
سلمي سلمت عليه سلام خاص متاع البوكسات😂 هكي يعني🤛🤜🙏🤝😂(اكيد فهمتوا المهم مشوالجو😂)
أسامه مد شواربه😓: كنا انا ويوسف مبدري ما سلمتيش علينا ونزار سلامات وجو 😒
سلمي بتسمت:ماهو وبكل بساطه هدا نزار مش أسامه ويوسف🙂💔
نزار ضحك: منوره يا طيري 😎
سلمى: بنورك يابرو😎✌🏻
خوله : تي هي أمشوا بلا جو زايد القهوه صقعت😵
نزار:وأنتي ويها لا تسلمي لاشي🤨
هديل : لما نحط الصفر نسلم مش عارف عليش مستعجل 😒
عدوا للجلسه بره قمعزا البنات جنب بعضهم والشباب جنب بعض وشويه وجن مرام وألاء جت ألاء بين نزار ورتال وقمعزت دحناسه 😓ومرام جنب حنين وخوله
سلمي تدوي لي هديل بشويش: شوفي الكلبه وين قمعزت خلاص ضاقت 😤معاش لقت وين تقمعز اللي جنبه
هديل: ايه شوفي كيف تتسهوك تحساب نزار بيعدل عليهامريضه😏
سلمي ضحكت: ايه نحلف عليه يدور في سبلا بيش يكفخها غير شوفي كيف يبرق فينا🙂
هديل: يبيك إدبري كيف تحوليها نعرفها نضرات نزار هدينا🙂
نزار كان يلقي اللحظه هدي يفترشها وهي تنوكس زي الحمير بيديها  في وجه نزار خلاص شويه وينفجر ويقول في خاطره: هدي غير خوتها مقبلينها لا هم أصلا بنوت حتي هم مفيش فرق هلبا خسرت اللحيه بس ياريتها فيا اني 🙂😂وبحت في سلمي وهديل والبنات متع تعالى انتي ويها حوليها من جنبي🙂
احمد فجأه دوه: شبيبه اسمعوا
الكل ركز مع احمد
احمد:شن رأيكم بما إن الكتيبه كلها بايته والكل قاعد اليوم نديروا سهرا في المربوعه الكبيره زي زمان ونولعوا الشاشه ونحطوا هذك الفلم القنين ونتفرجوا 😀
الكل:تمامممممم😃
احمد: ونحن الشباب نباتوا جميع غادي😅
سلمي : يا سلام😕 ونحن وين حتي حني منباتوا مع حنو وتولي مش خير منا انتوا يابابا🙂
مرام: ونحنا وين حنين ورتال بس بيتات😢
خوله ترقع في كلام إختها: ومرام والاء حتي هنا بيتات معنها السهر حلوه🙂 وفي علقها ياربي سامحني علي الكذب😑
رواد يتهزاء علي يوسف: لا يشباب مرات وسيفه يعيط في الليل يبي عمتي ترقد جنبه😂
سلمي: تم القصف بنجاح خيووو😂
أصيل: يخاف من حمير الليل😂
رواد:لالا يخاف من العواوه🤣
سيف : لا كل شي إلا يوسف يا ولاد
أصيل: لا والله 😒
يوسف: شفتو الناس المأدبه تسلم سيوف😊
سيف: عفوا 😊 لكن كان تبي ندور حل ترقد بيه جوه جنب عمتي بيش ما تنوضش راعش تبي ماما عادي نديرلك حل ولد العمه مايهمك شي 😂
الكل😂😂🤣🤣🤣🤣🤣 ماعدا ألاء ومرام وأسامه
ألاء: خلاص بلا الصماطه متاعكم😑
هديل : وأنتي من دوا معاك 😒
مرام: حلوه حتي هدي خونا هد ياماما كان إنتي ترضي إنديروا في أصيل ولا سيف هكي حني ما نرضوش
هديل:احييي وخلاص🙂 انتي وهدي (قصدها ألاء😂) بتهزوا علي خوتي اني متخلونيش نضحك معنديش نيه في الضحك😏
سلمى: معنديش نيه بطني توجعني😂
هديل وسلمى طقوها🙏ويضحكو😂😂
رتال: خلاص بلا العركه متاع كل جمعه تره 😑الشباب يباتوا في المربوعه وحني في الدار الدخلانيه وحزت ايوه🙄
أحمد بحت في رتال: صفقولها الشاطره   نجيها يارب🙂
رتال: لا لا مايحتاجش التصفيق نتحشم بسلامتي😊😂
رواد: ماتصدقيش روحك واجد 🙄😏
جاهم عادل عمهم مع سراج وضرار ولاده
عادل: السلام عليكم يا كتيبه😂
الكل: وعليكم السلام
سلمي: جو جوز لنجليز يا فرحتي🙂قصدها سراج وضرار
يوسف:عدوله جيت ☺
نزار : لا مزال في الطريق هد قرينا🙂
عادل :شن الجو شباب
الكل: تمام
وقمعز جنب البنات تحديدا بين هديل وسلمي 😁😉
هديل : عدول خلاص ضاقت معاش فيه إلا بيني وبين سلمي
سلمي: علي قولتهم الشراقه ضاقت برقه😑😂
عادل : ماهو هدا أحلا مكان فيه خطط وتقريم مصارش بكل🙂😂
الكل: 😂😂😂
رتال: شنجو عدول وين نور ما ريتهاش
عادل: تمام والله من ربي الحمد لله لكن الزوز هديم بيهبلوني😤ونور مش عارفه شن تخترع في المطبخ من بكري😅
رتال😂 
ألاء: سروجي نجيه محلاه تعال ياقلبي😍
سراج:إنلا إنتي شينه 🙂
سلمي: ربي نجيه سروجي 😂 طقها سروجتي😂 سراج حول من علي عادل وجاء عند سلمي وطقها🙏😂
سراج: انتي ثمحه ثلمى❤(انتي سمحه سلمي)
ألاء: خزي عليك انا شينه يا شين إملا الغوله يلي مقمعز عندها شنو😏
سيف يضحك: لافي هدي صادقه والله 😂
رواد: اشم رائحة جبها😂
سراج : ثلمى ثوفي قالت إنتي غوله
سلمي مسكت سراج ودروحها تهدرز معه لكن تبحت في ألاء: لا حبيبي سراج الغوله هي مش 
سراج: هي غوله وأنتي ثمحه قصده سمحه😁
سلمي: ايه ايه حبيبي عارف يا سروجه كان نصب عليها مالقي ميه يسيحن الالوان وتطلع شرشبيل مش غوله بس 😂🤣🤣
ألاء😳
الكل: يضحك😂🤣🤣🤣🤣
ضرار جاهم: متع الثنافر😊
سلمي تضحك علي وجه ألاء يلي راح ألوان ألوان وصبت من مكانها وعدت جوه حامقه وشويه وتبكي😢😡
سلمي: ايه متاع الثنافر😂
ضرار:بابا انا نحاف منها متحليهاش تذي قصدي تجي😂
سراج: ايه بابا ماتحليهاش حتي اني نحاف😢
عادل ميت ضحك: بهي يا بابا😂
مرام: عارفه انك وحده ما تحشميش علي وجهك بكل 😡 وصبت تجري وراء أختها وعداء يوسف وأسامه ورهم جوه
نزار صبه من مكانه فرحان: الحريه الحريه وأخيرا نضت من جنبي يلي تصك زي الحماره😃   
أحمد: حي عليك يا سمسم خشين لحني اليوم عشيه عالميه برعاية حني تمسح بسلمي الأرض أمام الاعداء  🙂
رواد واصيل قالوا مع بعضهم: طن طن طااااان
سيف: لكن قويه كان نصب عليها مالقي الميه متعك هدي🤣🤣
سلمي:😏
منار : والله هدي اقل حاجه تبي جابيه ولا تنك ميه ويالله يحول الستوك يلي علي الوجها😑
حنين: وأنتي الصداقه مش ستوك إسمنت من كثر مهي حاط علي وجها نين مدير طبقات😅
عادل: انا خلاص معاش نقدر منمشي قبل تجي امي وتقول انت هني ومخليهم إتعاركوا ولبس شبشبه وعد شياط لحوشه😂
اصيل: تي راجي راجيي خود المفرخ معاك قبل😑
رواد يعيط:تعالي جاي إملا تحسابنا الداده دودي 😑يا عدول المهبول رد خود الانملز هدوم😂 اسمع يا فرخ منك ليه شفتوا باب حوشكم شياط وراء بوكم قبل ما تجي شرشبيل😂
سيف: سنفروا بحياتكم 😂 
سراج و ضرار عدو يجروا لحوشهم خيفين             
رتال: وووه خلاص جنابي 🤣🤣🤣
احمد: سلامة جنابك 😋
رتال🙂
نزار: لكن حسك بردتي عليا تستاهل
هديل: ايه انت من مبكري تشقلبلنا في عيونك زي يلي كابسه جني 😂
خوله: مش منه من إيديها يلي تلوي بيهم في وجها😂
سلمي: مفروض تشكرني انقدتك من تشوه كان رح يصيرلك😉😊
هديل: مش غير وهي مربيا حوفرها زي الكلب
أصيل: وأنتي مربيا حوافر شنو😁
رواد يضحك:حمار لكن ألماني😂
هديل: واللهييي وانت شنو😑
أحمد: حي ياحي يا ولاد شوفوا من جايكم 😱
سلمي: لا هكي انا منسنفر بما تبقي من حياتي😳
رتال: اليوم فيه مجزره جماعيه شكلها😳😱
الكل مصدوم 😳
......................Soma Alsideek
الجزء الأول تم من تتوقعوا جاهم تبي تعرفوا امشوا لجزء التاني🙂😂
خبروني علي رأيكم في الروايه وما تنسوش (نجمه+تعليق )وكان فيه أخطأ الإملائية ديرو الحوله😁لأني ما نراجعش  قراء ممتعه للجميع 💕
📝Soma Alsideek 🖤