بين الكاف والنون (كن فيكون)
السادس والعشرون
بقلم ... سجى الطائي
/////////////////////////////
يـا چفوف
الحصدت المحصول ذاك الـ بي شگينه
بيا چفوف
اتمدد بريسمـكم الرابـي اعله اديـنه
ارغد
مشت الامور بيدي كدرت اسيطر على وضعي صح المبلغ يسد حاجت نفر ومثل وضعي جامعه واحتاج
والواحد كلشي يصير عليه عده جوه ايده جم فلس
مالي دخل بااحد اكمل شغل وارجع يوم يعدي يوم
التفتت الدراستي اول سنتين ضيعتهن من وره الركض
وره العيشه ماافوت محاضره
الطلاب من شافوني كلها دكلي عاش من شافك
صارو يوميه يصنفون وحدهم تعودو
جنت مااحضر والاحضرهن محاضره محاضرتين والاستاذ اليشد وياي ادكله اليتيمه وشلون ارهم
بين الجامعه والشغل يساهلون وياي اغلب الطلبه
هيج مو بس اني موجديده عليهم انكس عيشه
بهذا البلد مكمل اذا مااطفر اشوف يااكوا... يرجع
ابو الشغل دك عليه طالبني من وكت قبل الضهر وصلت
لكيته موجود ارتب ويا الميوزه الجديده الولد صاحله " حجي البضاعه وصلت"
استلم نوب حجي نص ردن نزلت الميوزه كلهن نايلون مضغود دكول كزاز القديمات باعوهن باله طكه ناقص
بلشت ويااا ساعه كامله نزله ونطبب للقاعه
واجهتها محلات متبين تفوت دربونه بيها باب من ضمن المحلات اكو درج يصعدك ليفوك لشقتين وباب جوه الدرج ينزلك للقاعه هسه مغير بهذا الوقت
قاعه مجهزه اناره والارضيه مرمر من غير السقف مغربي وبيها غرف تبديل وصالون وحمامات ومغاسل
وستيج وفرقه موسيقيه
صار الاذان كعدت والحجي الكاوليه لازم دفتره وكاعد يحسب ويسجل شواربه طابقين مديت ايدي لحيتي
مطفره واحد وبي بهاك اذكر قبل كم سنه حشيتها بلموس لمن مليت مافاد بيها ماطلعت وصفولي دهن
الحيه والخروع انكع وجهي بليل وانام ودنيه حاره
وصيف وكتها اكعد مصموط
من دون اخوتي مابيه شعر هلكد بس شعر راسي
على كولت امي تبه يعني ثخين وناعم مدرجه
واكلبه يطيح على وجهي
صار الاذان توضيت وطلعت من الحمامات ادور على مصلايه بحوشت بلقاعه كلها مالكيت ماكو بس اني
والحجي الهتلي هههه استغفرالله شعليه بي
كتله "عمي ماكو تربه اصلي عليها"
رفع راسه من السجل جفن عينه منتفخ " وين صلي هنا"
باوعت للمكان وباوعتله "اي هنا"
هز ايده "امشي بابا كمل شغلك من تخلص بيتكم صلي"
كتله "عمي مااكدر متعود بوقتها اصليها"
"منين اجيبلك بابا مفتح جامع واضرب ركعه امشي اكمل احساباتي دنك يكتب والله ياالله صايرلي مؤمن الكوا..."
أنت تقرأ
بين الكاف و النون
ChickLitبسم الله الرحمن الرحيم إِنَّمَا قَوْلُنَا لِشَيْءٍ إِذَا أَرَدْنَاهُ أَنْ نَقُولَ لَهُ كُنْ فَيَكُونُ صدق الله العظيم
