قصر التركماني

7

البارت السابع
انا هتجنن يا ماما أنتِ مش شايفه بتعاملها إزاي
ألقت مُرجان هذه الكلمات لوالدتها وهي تشعر بالحنق تجاه هذه الفتاه
حاولت دولت أن تُهدي من روعها محدثاها بهدوء : شايفه بس الموضوع مش في دماغي
جلست مُرجان جانبها بعد أن كانت تسير ذهابا وإيابا بالجناح واردفت : يعني أنتِ عاجبك الي بيحصل ده
_مين قال كده
تحدثت دولت بثبات
=حضرتك يا ماما
اكملت دولت بتوضيح : أنتِ فكراني مش عارفه إيه الي بيحصل في القصر ،وإن البنت عجبت ناريمان جدا ،وإن نبيل عينه منها

_ ولما حضرتك عارفه كده متصرفتيش ليه وساكته يعني
تمددت دولت علي الاريكه بإريحيه واكملت : علشان البنت دي زيها زي غيرها ست شهور وهتموت
_نعم عيزاني استني لحد ما يعدي ست شهور!! ،يا ماما دي خدت annaفي صفها من اول اسبوع وخلتها تدخل وسطنا وتقعدها معانا في اليوم الي بنتجمع فيه لاء وكمان بيتكلموا علي أمور الشغل وهي موجوده ...اومال بقا لو استنيت ست شهور هتعمل فينا إيه ست نوران
_غبيه هتفضلي طول عمرك غبيه ومبتتعلميش ابداً هتفت دولت بحده
_ ليه بس يا ماما
اعتدلت دولت بجلستها ونظرت لها وتحدثت بمكر : بقولك ست شهور وتموت يعني مهما ناريمان تتعلق بيها أو تهتم بيها وتدخلها وسطنا مسيرها هتموت زي البنات الي قبلها
تسألت مُرجان بحذر : وإن مامتتش؟
_ مستحيل ماتموتش كان الي قبلها حد فيهم عاش
انقلبت نظراتها من مكر إلي ضعف وحزن واكملت : فاكره اخر بنت قبل نوران حصلها إيه وماتت إزاي انا كنت متعلقه بيها وكنت بحبها ،روحتله وقولتله دي ماتموتش ارجوك ...ساعتها مرداش ولما حاولت اساعدها شوفتي عمل فيا إيه

نظرت مُرجان لوالدتها بملل وهي تقلب عينيها محدثةَ نفسها
رجعت لجنونها تاني اوف
واكملت بصوت مسموع : ماما انا رايحه الجناح بتاعي تصبحي علي خير

لم تستمع لها دولت فكانت تثرثر : مكنتش عوزاها تموت ...حاولت ... ماتت ....ميرڤت ...لاء
.........................
صباحا استيقظت نوران بحيويه وأبدلت ملابسها وذهبت لجناح ناريمان وألقت عليها تحيه الصباح كالعاده وبعد أن أعطتها دواءها
استأذنت منها للذهاب لزُمرد
وأثناء سيرها ببهو القصر رأت هذا المغرور كما تُلقبه نوران يرتدي ملابس الفروسيه ويتحدث بالهاتف الارضي
_طب اسلم عليه ولا اعمل نفسي مشفتهوش

قالت هذه الكلمات لنفسها قبل أن تحسم أمرها وألقت عليه تحيه الصباح ردها هو بإيماءه بسيطه برأسه وأكمل حديثه وذهب بإتجاه بالباب الخلفي للقصر إتجاه اسطبل الخيول

نظرت له بغيظ واتجهت للمطبخ
_طنط فوزيه هو فيه هنا أله كاتبه
تحدثت نوران بتسائل
=اه فيه يا حبيتي
تحدثت نوران سريعا : ومين بيكتب عليها؟
_ بصراحه مش متأكده يعني عثمان ومراد وكمال بيه بيستخدموها علشان شغلهم أما بقا بقيت الي في القصر مش عارفه
اردفت زُمرد بفضول : وأنتِ بتسائلي ليه عاوزة تكتبي رساله لحد؟