البارت التاسع وعشرون
طلب كمال من زُمرد أن تُحضر له ولوالدته كوبين من القهوه قبل أن يدلف لجناح ناريمان ويلقي عليها السلام واطمئن علي حالتها ثم أردف : ماما انا عرفت مكان نوران الحمد لله
ضحكت ناريمان واردفت بشئ من المرح: اخبارك قديمه
_ايه ده يعنى انتى عندك خبر أنها عند حماة صابر
=ايوه مراد قالى امبارح
_يعني مراد هو اللى خرجها من القصر
=ايوه وكمان طلب أيدها منى وانا وافقت ،المهم انت عرفت ازاى
_صابر اتصل علي رقم القصر وقالى علي مكانها وهيروح يجيبها من هناك وهترجع تعيش مع صابر
=مش مشكله تعيش معاهم الفتره دى لحد ما المشاكل الي في القصر تتحل وبعدين يشوفوا هيعيشوا فين
دلفت زُمرد إلي الداخل ووضعت القهوه وابتسمت إبتسامة خجوله وكادت تمشي ،اوقفتها ناريمان واطمئنت علي صحتها وانصرفت الاُخري بهدوء قبل أن يُكمل كمال حديثه بتسائل :ايه ده هما مش هيعيشوا معانا هنا فى القصر؟
أجابت ناريمان بخفوت :لاء مراد خايف عليها احسن يجرالها حاجه زى البنات اللى ماتوا يا مساكين ومحدش يعرف السبب
_ايوه صح هو عنده حق لازم يخاف عليها
=المهم عاوزاك تسافر لنوران وتطمن عليها وتجبلها اى حاجه تطلبها لازم نعوضها عن اللى راح
_حاضر يا ماما بس الاول لما اخد حق اخويا عدلى
=ايه فى حاجه جديده
_ايوة أن شاء الله قريب قوى هتسمعى اخبار حلوه
=طيب مافيش اخبار عن نبيل وسيرين؟
_للاسف سافروا ومش راحوا تركيا زى ما كنت متوقع وطبعاً ملحقناش نمنعهم من السفر لإنهم سافروا اصلاً
اغلق عينيه بحزن واردف بين نفسه ؛يعنى وقت ما الاقى بنت اخويا يضيع ابنى يا رب صبرنى .
.....................
استيقظ مبكرا وارتدي ملابسه مستعداً للخروج واردف مُحدثاً أخته التي كانت تُحضر الإفطار :
صباح الخير يا هاله
ردت هاله بإبتسامه : صباح النور يا احمد ..ايه الشياكه دى انت رايح للعروسه
_لاء يا هاله انا رايح اجيب نوران وماما بعد اذن بابا
=انا هاجى معاك يا احمد نوران وحشتنى اوى وماما كمان
_لاء انت مش هتروح ولا ليك دعوه بعد كده بنوران خالص
تحدث صابر مقاطعاً إياهم بعد أن خرج من حمامه للتو
أردف احمد بتذمر وضيق : ليه يا بابا ؟
_بص يا ابنى انا هكلمك بصراحه انا كنت عاوز اجوزك نوران وافرح بيكم انتوا الاتنين لكن انت تريد وانا اريد والله يفعل ما يريد ،هي متنفعش ليك بعد الي امك عملته فيها والي شافته طول عيشتها معانا والسبب الأهم طبعاً أن أهلها مش هيرضو أن بنتهم تتجوز اي حد كده وخلاص واكيد هتتجوز حد من العيله دي ، يبقي خلاص زي ما قولتلك قبل كده انساها ودلوقتي انت اتجوزت ..اهتم بمراتك اللى كتبت كتابك عليها هي اولى بوقتك واين يكن ظروف الجوازه اللى معرفتش اهلك بيها ،الله اعلم بتستعار مننا ولا حاجه تانيه احنا منعرفهاش ....
أنت تقرأ
قصر التركماني
Romanceحدثت هذه القصه قبل الالفيه الحديثه حيث لا يوجد تقدم أو تكنولوجيا وتدور احداث القصه حول فتاه طيبه بريئه تحدث معها ظروف تجبرها علي دخول هذا القصر وتحدث مغامرات وهل ستقع نوران بطلة قصتنا في حب هذا المغرور المتعجرف ام للقدر رأي آخر ....المتعه في الرحله...
