قصر التركماني

11

[٢٧/‏٧ ٣:٠٦ م] Doha Hamed: البارت الحادي عشر
استيقظ مبكراً واستبدل ثياب النوم بأخري خروج وكان علي وشك الذهاب لكن أوقفته والدته مردفه: على فين من الصبح يا احمد
_خارج ادور على نوران
=مش انت من كام يوم دورت عليها ولا انت خلاص هتسيب شغلك وكل حاجه علشان الست نوران
_ ومش هرتاح الا لما الاقيها ،وعلى فكره انا بعت جواب لبابا وقلتله اننا مش لاقين نوران
=انت اتجننت ازاى تعمل كده
اردفت بحنق
_لاء كنا نخبى عليه ونخليها مفاجاه ونقوله ضيعنا الامانه اللى محافظ عليها من سنين ،دى نوران يا ماما
انا مستغرب هيا مش بتوحشك !!
ليه غيابها مش مأثر فيكى؟وكأنها مش بنتك اللى ربتيها بأديكى ،طب بلاش موضوع التربيه
فكرتى الجيران هيقولوا عنها ايه
تحدث بعناد وهو عاقداً ساعديه
تدخلت هاله قائلة: ماما احمد عنده حق أنا نوران وحشتنى وخايفه ليكون حصل لها حاجه لا قدر الله
احمد : انا ماشي يا ماما وياريت تفكري في كلامي كويس
.............

فتح عثمان عينيه على صوت طرقات
أردف بهدوء : اتفضل
دخلت زُمرد حامله إفطاره
نظرت له و هو مازال مُسطح بفراشه
_لو سمحتى بعد كده ابقى خلى بهلول هو اللى يطلعلى بالفطار
قال عثمان هذه الكلمات بوجه عابس

جرت زُمرد من أمامه وكانت الدموع تتلألأ بعينها
وكأنه قد احرق بركان من النار داخل قلبها

كان كل ما تطمح به هو نظره استحسان أو رضا
لمظهرها الذى اجهدت نفسها لتبدو به جميله كجمال نوران أو تألق مرجان ولكن اين هذه المسكينة من هؤلاء
حطم هو كل ما دار بعقلها أو ما كانت تحلم به
.............
_نوران انا معرفتش اتكلم معاكي امبارح انا اسفه يا بنتي علي الي حصل من نبيل ومتفكريش إني عديت الموضوع بالساهل لاء انا عقبته وطردته من القصر ومش هتشوفي وشه تاني
تحدثت ناريمان بنبره اسفه
= مرجان حكتلي بس اصلاً الموضوع مبقاش فارق معايا ،يقعد في القصر أو بره انا كده كده همشي
تحدثت بنبره واثقه
_قربي يا نوران
استغربت نوران وعقدت حاجبيها من طلبها هذا لكنها اقتربت منها وذات استغرابها أكثر عندما ضمتها ناريمان لصدرها بحنان اموي لم تشعر به نوران يوماً
_انا عارفه إن الي اتعرضتي له مش سهل وعارفه انك بقيتي بتكرهي القصر وسكانه كمان ،بس اوعدك انك عمرك ما هتتعرضي للموقف ده تاني طول ما انا عايشه ..انا هحميكي ومش هخلي حاجه تمسك أو تضايقك ،ولو عاوزة تيجي تنامي معايا في الجناح انا راضيه بس متمشيش ...انا مش بقول الكلام ده لنوران المرافقه انا بقوله لنوران الي بعتبرها زي بنتي وحبتها وكأنها حد يخصني ،يمكن علشان انا مخلفتش بنات أو يمكن علشان فيكي شبه من فريده مرات ابني فِ طبيتها وشكلها أياً كان السبب انا عوزاكي معايا

كم تأثرت نوران بحديث ناريمان الذي مس قلبها ولم تشعر بتلك العبرات التي نزلت علي وجنتيها

_قررتي إيه؟
تسألت ناريمان بعد أن أخرجت نوران من حضنها
= انا بحبك اوي ومش عاوزة اسيبك وكمان بحب زُمرد وطنط فوزيه وعم بهلول وكأنكم اهلي لكن في نفس الوقت خايفه
_لو من الناحيه دي اطمني ....اقولك جربي معانا شهر كمان ولو حصل أي حاجه انا بنفسي هقولك امشي اتفقنا؟
= اتفقنا
.............
خَرجت نوران من جناح ناريمان وهي تشعر بالإرتياح وقد صَدقت كلام زُمرد عندما أخبرتها عن حنية ناريمان وطيبة قلبها رغم صرامتها أحياناً