قصر التركماني

28

البارت الثامن وعشرون
خرج بهلول مع دكتور عبد الرحمن إلي خارج غرفة نوران مُسبقاً التي ترقد بها زُمرد حالياً بعد أن أصرت نريمان علي هذا
اردف بتسائل : طمنى يا دكتور
تحدث دكتور عبدالرحمن بعمليه : الحمدلله الموضوع بسيط مش اكثر من ضغط نفسي أثر على أعصابها
ف ياريت الفتره اللى جايه ما تتعرضش لاى ضغوط نفسية علشان لو الموضوع ده اتكرر يبقى لازم يتابعها دكتور مختص انا عتطها قرص مهدىء ياريت تسيبوها ترتاح والصبح أن شاء الله هتبقى كويسه

_تمام يا دكتور تقدر حضرتك تتفضل .

حاولت فوزيه أن تأخذ ابنتها لاسفل ولكن مراد رفض وطلب منها أن تقيم الان مع ابنتها فى هذه الغرفه  حتي تُصبح بأفضل حال

تحدث مراد وهو يجذب يد أخيه الذي كان بدوره لا يبعد نظره عن حبيبته زُمرد وقلبه يُؤنبه وهو يراها بهذه الحاله :تعالى عاوزك يا عثمان ،انا عارف انك بتحبها من زمان
تحدث عثمان ببعض الخجل :يعنى انت مش زعلان يا مراد
_لاء مش زعلان لأن زمرد بتحبك فعلا وهى انسانه كويسه بأخلاقها وعزه نفسها وعمرنا ما شوفنا منها حاجه وحشه ودايما كانت مهتمه بيك بس حضرتك مكنتش واخد بالك

=مراد انت عارف انك مش بس اخويا الكبير لاء دا انت كل حاجه في حياتى وكل عيلتى .

_مش مهم عندى انت هتجوز مين المهم تكون سعيد وواثق من شعورك ومن قرارك اللى أخذته ...وكمان فى حاجه محدش يعرفها الا انت
=ايه هي
_انا الي هربت نوران من القصر علشان بحبها وان شاء الله هتجوزها ،بس الظروف الي احنا فيها دي تتعدل
.....
إلتفتت يمين ويسار للتأكد من خلو المكان حولها  ودون أن يشعر أحد تسللت خارج القصر وطلبت من بهلول أن يوصلها إلى ذاك الطريق المعتاد عند ذلك الرجل المشعوذ الذي يساعدها بأعمال السحر والشعوذة

طرقت الباب ودخلت لكنها تفاجئت من منظر سيد المُريب الذي كان يفعل بعض الاشياء بالنار وكان يضع كثيراً من الالوان علي وجهه

وضعت أمامه سورة قطيفه بها ذهب
فتحها وهو يبتسم بإتساع لتظهر دروسه الذهبيه المخيفه قبل أن يتحدث بمكر :دول كتير اوى عن كل مره، شكله طلب صعب المره دى

_بص يا زفت انت عاوزاك تبعد عن القصر البت إللى اسمها زمرد بنت الخدامه وتعمل اى حاجه تخلى مراد يحب بنتى ويتمني رضاها...او حتى عثمان كل حاجه هتضيع من ايدى انت واحد فاشل وانا اعتمدت عليك وشكلك هتضيعنا

=لا لا متخافيش دا انا هعمل المستحيل عشانك وعشان جنيهاتك الذهب اللى مغرقانى بيها

ابعدت نظرها بعيدا عنه وعن نظراته الخبيثة  وتحدثت بتقزز:دى اخر فرصه ليك وان ما نفذتش اللى طلبته منك هقتلك يا حيوان

=اسبوع وهجيلك عند القصر تقابلينى في الجنينه اللى ورا عند الإسطبل ولا نخليها عند المرحوم ...هكون مجهزلك تعويذه وعمل للبت اللى مضيقاكى ومطيره النوم من عينك