Uni
မောင့်သည်းညှာရှင် အပိုင်း ၃
''တီတီတီတီတီ''
သည်းညှာမရပ်မနားမြည်နေတဲ့ နိုးစက်သံကြောင့် မျက်လုံးတို့ပွင့်လာရသည်..။မျက်လုံးမဖွင့်မိသေးပဲ အိပ်ယာဘေး စားပွဲပေါ်ကို လက်နဲ့စမ်းကာ နိုးစက်ကိုပိတ်လိုက်ပြီး..၅မိနစ်လောက်ပြန်မှိန်းနေမိသည်..။
၅မိနစ်ပြည့်သည်နှင့် အိပ်ယာပေါ်က လူးလိမ့်ထကာမီးဖွင့်လိုက်သည်..။အိပ်ယာခင်းတွေဆွဲဆန့် စောင်ကိုနေရာတကျထား...ခေါင်းအုံးတွေပြန်စီပြီး ပြေးစက်ပေါ် ၁၅မိနစ်လောက် ပြေးလိုက်သည်..။ချွေးသိပ်အောင်ခဏနားပြီး ရေချိူးခန်းထဲဝင်ဖို့ပြင်တုန်း...ဖုန်းမြည်လာသည်..။
ပြေးကြည့်လိုက်တော့ ဟိုခြောက်ပေကောင်..။
''ဟလို...''
''မောနင်း ကိုကို မောင် အိမ်ရှေ့ရောက်နေပြီနော်...ဖြေးဖြေးအေးအေးပြင်ခဲ့...''
''ဟမ်...အစောကြီးရှိသေး...''
သည်းညှာ ဖုန်းထဲကလူရဲ့ပြောစကားကြောင့် မျက်လုံးလေးပြူးကာ နာရီကိုမော့ကြည့်တော့ ၆နာရီခွဲရှိသေး..။လိုက်ကာကိုအပြေးဖယ်ကာ လှပ်ကြည့်မိတော့ ညကသော့ပေးထားတဲ့သည်းညှာ ဆိုင်ကယ်ပေါ်မှာနောက်ပြန်တက်ထိုင်ရင်း သည်းညှာအခန်းဆီလှမ်းကြည့်နေသူ...။ သည်းညှာကိုမြင်တော့ လက်လှမ်းပြနေသေးသည်..။
ဟာ ဒီလောက်အေးနေတာကို အဲ့ခွေးကောင်ကအအေးပြီးဆေးများထိုးထားတာလား...။
''အား.........ကိုကို...''
ရုတ်တရတ်ထအော်လိုက်တာကြောင့် သည်းညှာ နားပိတ်ထားလိုက်မိသည်..။ဘေးက ပဲပြုတ်သည်တွေကလည်းလှည့်ကြည့်လှည်ကြည့်နဲ့ ။ဒီကောင်မနက်အစောကြီး မရှက်ဘူးလားအော်နေတာ...။
''ဘာ..ဘာဖြစ်တာလဲ...အလန့်တကြား...''
''ကိုကိုက bathrobe ကို လုံအောင်ကြိုးချည်မထားဘူး...အသားဖြူဖြူတွေမြင်နေရတယ်...အခုလိုက်ကာပိတ်...''
ထိုအခါမှလျော့တိလျော့ရဲဝတ်ထားမိတဲ့ bathrobe ကိုသတိထားမိကာ လိုက်ကာ အတင်းပိတ်လိုက်သည်..။ဒီကောင် တကယ်နှာဘူး..။
YOU ARE READING
မောင့်သည်းညှာရှင် (Completed)
Romanceတတိယ fic.. Cover song ဆိုရတာဝါသနာပါတဲ့Model လေးတစ်ယောက်နဲ့ Hotel ပိုင်ရှင် CEO လေးရဲ့ ချစ်ဇာတ်လမ်း... ဆံပင်ခွေခွေလေးတွေရော..အဲ့ဒီကြွတ်မြှီးလေးရော...ကလေးမျက်နှာ လေးနဲ့ စူးရှတဲ့ မျက်ဝန်းတောက်တောက်ကလေးတွေရော...။ဘယ်ဘက်လက်မက လက်ပွားလေးကိုရော...။တအားလွမ်း...
