"ဂျီဂျီ ကတော့ဖြစ်ရမယ်...ဘာလို့ မီနာ မဟုတ်ဘူးဆိုတာကို
ရှင်းမပြလိုက်တာလဲ..."
"အစ်ကိုဂျောင်ဟွန်းမဟုတ်တော့ ဂျီဂျီ လည်း
ရှင်းပြမနေတော့ဘူးလေ..."
"အင်း...ပြဿနာတော့မရှိပါဘူးဟာ..အစ်ကိုကခဏခဏ
လေအောင့်တတ်တယ်လေ...သက်သာရဲ့လားတောင်မသိဘူး..."
"မီနာ ကလည်းပူနေပြန်ပြီ...ဟိုကသက်သာလို့ ဘာမှပြန်မပြောတာပေါ့ဟ..."
"စိုးရိမ်လို့မေးတာပါဟာ...အစ်ကိုက သူ့ကိုယ်သူဂရုမစိုက်ဘူးလေ...
မဖြစ်သေးပါဘူး ညနေအတန်းချိန်လစ်ပြီးသွားတွေ့ဦးမယ်..."
မီနာကိုကြည့်ပြီး ဂျီဂျီ နှုတ်ခမ်းလေးမဲ့သွားမိသည်...
ဒါကိုမြင်သွားတဲ့ မီနာ က...
"အမယ်...ဂျီဂျီ ကဘာမဲ့တာလဲ..."
"မဲ့မှာပေါ့..ရှင်ကအကဲပိုနေတာကိုး..
တကယ်ပါပဲအမြင်ကတ်စရာကြီး..."
"ဒါကတော့..ဂျီဂျီ ရယ်ချစ်တာကိုးလို့..."
အချစ်ဆိုတဲ့အရာကိုကိုမချစ်ဖူးတဲ့ ဂျီဂျီ အတွက်တော့ မီနာ ရဲ့အကဲပိုနေပုံက ရယ်ချင်စရာတစ်ခုဖြစ်နေတယ်...
ဂျီဂျီ အလယ်တန်းကျောင်းသူဘဝမှာပင်မိခင်ဖြစ်သူ
ဆုံးပါသွားတော့ ဖခင်ကိုသာ အချစ်တွေပုံချစ်ခဲ့သည်..
မေမေ့ညီမ ဖြစ်တဲ့အန်တီHyo က ဂျီဂျီ ကိုတာဝန်ယူရန် ပြောလာပေမယ့် သမီးလေးတစ်ယောက်ထဲမို့ဆိုပြီး
ဖေဖေကလက်မခံခဲ့ပါ....
"ဒယ်ဒိ့ဘဝမှာ သမီးလေးတစ်ယောက်ထဲရှိတယ်..
သမီးဘာလိုချင်လဲ...ဘာဖြစ်ချင်လဲပြော..
ဒယ်ဒီအကုန်ဖြည့်ဆည်းပေးမယ်..."
'ဒယ်ဒီက သူမ လိုအပ်တာမှန်သမျှဖြည့်ဆည်းပေးခဲ့သည်..
စီးပွားရေးလုပ်ငန်းများနဲ့မအားလပ်ပေမယ့် သူမကိုတော့ဂရုစိုက်အလေးထားခဲ့သည်...'
"ဟော..သမီးနိုးပြီလား..ဒယ်ဒီကသမီးကိုစောင့်နေတာ..."
"ဒယ်ဒီ ဒီနေ့ကုမ္ပဏီမသွားဘူးလား.."
"ဟားဟား..ငါ့သမီးကတော့ကွာ..ဒီနေ့ sundayဆိုတော့ သမီးဝယ်ချင်တာဝယ် စားချင်တာစား..သွားချင်တာသွား ဒယ်ဒီလိုက်ပို့ပေးမယ်..."
YOU ARE READING
Falling For You
Fanfiction"ကျန်တာအားလုံးကို သည်းခံနိုင်ပေမယ့် မ ရဲ့အမုန်းကိုတော့ ယောင်း ခံနိုင်ရည်မရှိဘူးနော်" #Park Chae Young "ယောင်းရယ် မ တို့ကဖြစ်မှမဖြစ်နိုင်တာ " #Kim Ji Soo
