محاولات حواء

"الجزء الثاني"

تكملة ١
الجزء الثاني

ريهام :يلا خوش لعد اريد اكحل عيوني بشوفتها لان اني لازم ارجع عالبيت ، تدرين اساعد امي بتنظيف البيت والعشه وامتحاناتي
ريم:رحت عالغرفه شفت سمر كعدت من النوم تبچي، كلتلها فدوه يمه فدوه الج، لاتبچين بنيتي خاله هم اهنا جايه تشوفج
ريهام:طبيت عالغرفه شفت ريهام شايله بنتها وداتحجي وياها كلتلها يمه فدوه لحبيبه خالتها كعدت، يييي عزاا نسيت اكلج امي خيطتلها فستان يخبل جبته وياي بالجنطه هسه اروح اجيبه عفته بالاستقبال، امداني چنت راح انساه ههههههه
_ييييي مو بس هيچي أمداني اني وحظي نسيت اعرفكم بنفسي ههههههههه
اني اسمي ريهام طالبة بكلية اللغات "الإنجليزية" تحديداً طولي ١٦٠ وزني ٥٥ أحب جامعتي وامنيتي الله يحفظ عائلتي وأتزوج من شخص سند الي بمعنى الكلمة ويقدر تعبي سواء بالبيت او بعملي وعندي اخت اسمها ريم تعرفوها، وعايشه ويه أمي
ريم:هههه، يلا لعد شيلي البنية وإني البسها اياه
ريهام:فدوه لأم خدود شكد كبرانة وحلوة
ريم:يي والله، كل يوم احسها تتغير هههههه
ريهام:على مهلج يمعوده لا تبچي
ريم:لابنيتي شاطره ماتبچي
بدت تبچي سمر وريهام تحاول تسكتها
ريهام:لا يحلوة لتبچين، يلا يلا يلا خلصناااااااااا
ريم:يي والله خلصنا، هواية حلو، عاشت ايدج يايمه
ريهام:يي والله يخبل فدوة....
يلا عمري اني لازم ارجع عالبيت مااكدر اتاخر أكثر تدرين امي بوحدها
ريم:تمام حبيبتي، سلميلي على نبع الحنان، وكوليلها عاشت ايدج على هالفستان كلش حلو ومرتلخ جيبيها وياج
ريهام:اي حبيبتي ان شاء الله يوصل، لبست حجابي بست اختي وبنيتها وودعتهم ورجعت عالبيت
ريم:چنت شايله سمر، باستني ريم وودعتني اني وبنيتي ورجعت عالبيت من طلعت سويت حليب للسمورتي ورحت عالمطبخ اسوي عشه، خطيه ابو سمر راح يرجع من الشغل تعبان ويريد عشه
ريم:وصلت للبيت، دگيت الباب
الام مها :چنت اخيط فستان، سمعت صوت الباب يندگ، گمت حطيت الحجاب على راسي ورحت افتح الباب گلت، منو
ريهام:يمه اني ريهام
مها :هلا بنيتي، هم زين رجعتي لان بعد شويه يأذن المغرب، شلون دوامج؟، شلونها خيتج وبنيتها؟
ريهام:هلا بيج يمه، والله الحمد لله بخير زينين، سلمت عليج گلش هواية
مها:الله يسلمج ويسلمها يحبيبتي، لازم امر عليها هالايام اشوفها واطمن على بنيتها
ريهام:يي يمه بكيفج، اني رايحه اغير هدومي واجي اساعدج بالعشه، رحت بإتجاه غرفتي، تذكرت شغله، كمت اصيح يمه يمه نسيت اكلج اختي ريم هواية حبت الفستان وگلتلي، گولي لامي عاشت ايديها
مها:يي يمه، الله يحفظكم
ريم:ويخليج النا، فتت سبحت وبدلت وطلعت مشطت وشلت بعض من هدومي، وذبيت الهدوم اللخ عالغساله حتى اغسلهم، بعدها رحت عالمطبخ
مها:يي يمه شلونه الدوام وياج؟
ريهام:والله يا يمه هواية تعب هالأيام تدرين هالشهر اخلص اخر سنه من باجر ابلش درس مكثف ماراح تشوفين وجهي همين
مها :ميخالف يمه ايام وتمر وتنسيها، اهم شي اشوفج يا يمه بملابس التخرج يا بعد عمري
ريهام:ان شاء الله يمه، اش راح نسوي عشه
مها:سويت دولمه حبيبتي، انتي حضري السلطه وبس ياذن نصلي ونتعشه بنيتي وكعدي ادرسي لاتضيعين وقتج
ريهام:ان شاء الله سويت سلطه وشوية وأذن المغرب صلينا وصبينا عشويه واكلنا غسلت المواعين بعدها رحت كعدت بغرفتي، لزمت موبايلي دااقلب بالانستا شفت حساب عباس طالعلي بالاقتراحات مالأصدقاء صار عندي فضول اشوفه اكثر فتت طلعت صفحته عامه شفت صوره گلت شنو هذا جكليته شهالجمال البيه دسكتي يمعوده مو وگته خلي ادرس احسنلي، شلت الموبايل َگعدت أدرس الا ان خلصت وبعدها نمت
وگعدت ثاني يوم على صوت المنبه، سمعت صوت بالمطبخ گلت بگلبي اكيد هاي امي دااتسويلي ريوك
مها:حسيت صارت الدنيا صبح، اول شي خطر على بالي اگوم اسوي ريوك للرهومتي خطيه تعبانه من الدراسه
ريهام:گمت غسلت وجهي رحت عالمطبخ شفت امي مسويتلي ريوك، فتت بهدوء رحت بستها وكلتلها
يا يمه شما دورت ماالگه مثل دلالج
يا يمه اني بعدج ماادري اذا راح اعيش
انتي دنيتي وعمري وحياتي
شلون اعيش من غيرج فد يوم
شلون أضمن غيرج هيچي يدللني
شلون أضمن غيرچ راح يحبني مثل حبچ يا يمه
ماراح الكه بعمري هيچي دلال
مها:حبيبتي انتِ شنو قصدج ماناويه تتزوجين هههههه
ريهام:شيبعدني عنج يا يمه
مها:مايصير بنيتي تكولين هيچي اذا تزوجتي رجال زين راح يدللج ويعزج مثلي واكثر حبيبتي انتي
ريهام:يي يمه ادري وين الكه هيجي رجال!!!!!
مها:تلگين عمري تلگين بس خلي نيتج صافيه
ريهام:بست راس امي وكعدنا تريكنا بعدها كمت حتى اغسل المواعين
مها:يمه دعوفيهم اني اغسلهم روحي على بدلي لا تتاخرين
ريهام:يمه فدوه كافي عليج الشغل كله خليني اني اغسلهم مااتاخر
مها:بكيفج يمه لعد اني رايحه اكمل الخياطة
ريهام:يي يمه روحي، غسلت المواعين وسويت تنظيف سريع للبيت وادري تاخرت بس امي مره چبيرة ف دائماً احاول أگوم من وگت، بعدها رحت بدلت وتجهزت لبست فستان قهوائي طويل وشوز ابيض وحجاب عسلي مع جنطه عسلي گلت خلي اطلع حلوة اليوم هههههه لا يروح بالكم لبعيد بس يعني مو معقوله أول كلام بيني وبين عباس وما يشوفني مرتبة، رحت اودع امي
يلا يمه اني رايحه، محتاجه شي؟
مها:فدوة لطولج بنيتي شهالجمال
ريهام:غير عليج يا يمه
مها:لايمه مامحتاجه شي بس ديري بالج على نفسج وسدي الباب وراج
ريهام:لا توصيني يمه ان شاء الله، مع السلامه
مها :مع السلامه حبيبتي
ريهام:بعدها طلعت من البيت وسديت الباب مابيها دقيقه أنداريت شفت الاشتراك وصل، ركبت السياره وطول الطريق چنت افكر ياترى راح يحچي وياي عباس ولا لا وشنو راح ارد عليه، مااخفي عليكم چنت متوترة لان ماحاچيه وياه من گبل وبنفس الوقت مو متعوده هوايه احچي مع شباب القسم، بعدها گلت يلا خما شراح يصير خلي أتوكل على الله وان شاء الله خير
وصلت الجامعه، نزلت من السياره وگلتله شكراً عمو
شفت صديقتي هند عتتبسم بوچهي هههه
رحت عليها وبوسنا بعض
هند:وصلت ريهام، چنت انتظرها دااگللها شصار وتبسمت بوجهها مثل الخبلة ههههه
ريهام:شلونج عوبه
هند:حرام عليج اني عوبة كل هالجمال؟، زينه وانتي
ريهام:اني زينه بس يعني
هند:أدري متوترة، اصلاً اني انتظرج علمود اريد اكلج على شغله تخص عباس
ريهام:شنو، گولي
هند:حبيبي اجا وگلي أنو عباس يريد يحاچيج اليوم بالقسم، ف طلب مني اني اگلج لاتطلعين بنهاية الدوام واني وحبيبي نبقى بعيدين عنكم بس شنو حتى لتستحين نبقى وياكم بالقسم
ريهام:مااگدر يمعوده اذا احد شافنا، شراح يگول واصلا ماگلت لأمي ملتهيه بالأمتحانات
هند:شبيج يابه دااكلج بنهاية الدوام محد يشوفكم واصلاً ماراح يصير شي لتخافين مجرد تحچين وياه
ريهام:ماادري اووف شهالسالفه، خايفه اگول يي واتندم لان هو خطيه خوش ولد ماشايفه منه شي
هند:شبيج حبي شدعوة ماعندج مخطط؟
ريهام:والله كل يلي ببالي اني أگله هالشهر ينسى الموضوع يعني تعارف بس بحدود وورا الامتحانات يجي يخطبني هم أشوف تصرفاته وبنفس الوقت اتخرج
هند:كللللش زين عفيه عليج
ريهام:يلا خلي نفوت گافي لنتاخر عالمحاضرة
هند:يي والله شنيهاي نسينا على شنو جايين ههه
ريهام :رحنا اني وهند عالقسم شفت مرتضى وعباس گاعدين سويه، فتنا گلنا السلام عليكم
كلهم ردوا السلام وعباس چانت نظراته عليه،استحيت كلش
هند:شرايج نروح نكعد يمهم بشوية
ريهام:لتتخبلين شبيج يمعوده راح اوگع من الخجل، تعالي نگعد بلاخير
هند:ديلا يابه صديقتي الجبانة امشي لي ورا
رحنا كعدنا بأخر كم مقعد بسبب ريهام شسويلها مجبوره اتحملها علما شويه تتعود
ريهام:خلصت محاضرات اليوم أحس كل شوية عباس چان يباوع عليه واني اسوي نفسي ممهتمة
هند:شوفي كلهم طالعين ديربالج تگومين حتى اني ومرتضى نحچي وهمين انتوا
ريهام:يي يمه مو والله فهمت، چنت متوترة الصراحه بس بنفس الوگت ردت أتعرف عليه يعني شعور ماادري شلون اوصفه بين التوتر والفضول بالنهاية ممكن اذا صار قسمه يصير رجلي
هند:شفت ريهام چانت تفكر واني اباوع عالطلاب اللي داايطلعون بس اريد يولون هههه شويه شوية ماشفت الا بقينا وحدنا نحن الأربعه، أجا مرتضى ووياه عباس علينا
گالوا السلام وعليكم بنات، شلونكم
ريهام:مااشوف الا عباس ومرتضى بوجهنا ودايسلمون علينا
ردينا وعليكم السلام هلا شباب
ريهام:مثل الخبلة صديقتي گبل عافتني وراحو ببدايه القسم هي ومرتضى بس بقى يمي عباس واني خبله اكثر منها مااعرف شحجي
عباس:مرحبا ريهام، اشونكي
ريهام:يمه فدوووة شلون يگول اسمي وداايحجي مصلاوي (بگلبي) الحمدلله زينه انت شلونك
عباس :انا مليح من غشعتوكي
ريهام:تسلم (ماعرفت شـرد!)
عباس :تحبين أحكي معاكي مصلاوي ولا بغدادي اذا ماتفهمين علي؟
ريهام:بكيفك عادي اني افهم عليك
عباس:اي خوش لكن، واذا مافهمتي شي قليلي اوضحلكي عيوني
ريهام:ماشي؛(استحيت من گال عيوني حتى الحچي ماگام يطلع)
عباس:اليوم أغيد احكي معاكِ بشغلاي، أعتقد صار عندكي معلوم ولو بشي بسيط عن سبب تواجدنا هسه وقعدتنا ما تمام؟
ريهام:يي، أدري
عباس :الصراحه انعجبت بيكِ من خلال تصرفاتكي و اسلوبكي بالقسم وكنتو كثيغ حابب أحكي معاكي بس لان انتي ماكنتي تحبين هالشي لذلك فضلتوا انو اقول لصديقي مرتضى، وأذا فكرتي بالموضوع، اغيد اعغف جوابكي.
ريهام : بلا رد(ضليت ساكته)
عباس:اشنو
ريهام:يعني ماادري شلون أگلك بس حابة يبقى الموضوع لبعد الامتحانات عود نحچي بيه تدري اخر سنه وتخرج
عباس:ااا،،، ليش تأجلين الموضوع، دقليلي عالأقل موافقه او ماتغيديني وحتى لو حفله الخطوبه ماهسه، تدللين نأجلها
ريهام:والله ماادري شكول يعني مو شوية مستعجل
عباس:هو اليغشعكي يضل بينو عقل حتى دتقليلي مستعجل لو لا
ريهام:استحيت هواية وضحكت بوجه عباس حسيته كلش فرح
عباس:هاا اش اعتبر سكوتكي علامه رضا
ريهام:ماادري، ابتسمتله ونزلت راسي من الخجل والفرح بنفس الوگت
انتهى البارت ♥️
بس بالبداية أكو بهارات 🙃
كلها بچي حضروا روحكم بعد باجر البارت الثالث
ولا تنسون التصويت للبارت حبايب.
قراءة ممتعة....