محاولات حواء

" الجزء السادس"

"محاولات حواء"
              "الجزء السادس"
سويت احلى  ريوگ وندك الجرس رحت فتحته امي چانت تخيط سلمت ع اختي هلا حبي ريم شلونج يمه يمه فدوه انطيني ياها للسمورة وارتاحي انتِ
ريم:هلا بعروستنا الحلوة هههه
اجت امي هلا يمه بنيتي ام سمر وأخيراً نورتي بيتج عمري وينج انتي تريدين تحرگين گلبي عليج وگامت تبچي
دمعت عيوني وحضنتها:كلتلها يمه اسم الله عليج من عمري علي عمرج ادري حيل تأخرت بزيارتكم هالمره اعذروني بس صار وياي ظروف
ريهام:يلا يمه بلا بچي صار الريوگ خلي نتريگ ميته جوع وراح يجي عباس ياخذنا عالسوگ
ريم:يي يلا خلي نروح عالمطبخ، يي عروستنا ماگلتي يا لون أجرتي فستان خطوبتج
ريهام؛:أحمر بيه فيكه كلش نازكه من فوگ وعالخصر حزام عريض بنفس لون الفستان والرجل كلها عدلة وشوية بيها كسرات بسيط حيل وحبيته كلش
ريم:الف مبروك حبيبتي تشوفين الف خير
ريهام:خير اليصيبج عقبال سمورة
ريم: تريگنا واهلي يسألوني عن ابو سمر واني اغطي عليه كالعااااادة؛!!!!!!
خلصنا گلت لريهام عوفي اني اغسل روحي حضري روحج اخذتنا السوالف ونسينا السوگ  ههههه
ريهام :والله حيل چنت رايده اساعدج بس عباس باعثلي رساله جايين لهذا رايحه اتجهز بسرعه
امي چانت تلعب سمورة واني اغسل وريهام راحت تجهزت
ومر هاليوم هم بلمح البصر بالتعب والسعادة  وتعرفنا على مرت راكان اسمها رقية حيل طيبة وعلى نياتها هي همين اجتي جهزت نفسها وبنتها وابنها طبعا هما اكبر من سمورتي لان يداومون مدرسه ورجعنا سوينا عنايه للريهام بجسمها ووجهها واني چانت نفسيتي مرتاحة كلششش بعيداً عن رجلي المكبسل
ريهام:وأجا يوم خطوبتي گمت الصبح صبحت على امي واختي وتريگنا سوا وبعدها اجا عباس واخذني للصالون وچان الكل مخبوص بتحضيرات الخطوبة ونملى بيتنا بكرايبنا بوگت يلي چنت بيه طالعة عالصالون
عباس :جيتو على ريهام دوديها عالصالون لان الخطوبه العصر ف تقريباً بالوحدي الضهغ غحنا ركبت ريهام بالسيارة ورقية هم اخذتوها
ريهام:مرحبا شلونكم
رقية:هلا حبيبتي نحن بخير انتي اشونكي عروستنا
عباس:هلا ريهام
ريهام:اني زينه الحمدلله
عباس:راح يجي احد معاكي؟، ولا هذوا نغوح؟
ريهام:لا بس اني، خيتي ضلت ويه امي هي تسوي روحها
عباس:اوكِ تمام
ريهام :چنت كلش فرحانه ومتوترة  بهاليوم،صحيح بسرعه جهزنا خلال يومين وكلشي بس هواية تعرفت على شخصيه عباس هاليومين وراح أتعرف أكثر بالاسابيع الجايه قبل الخطوبة ويوم عن يوم أحب شخصيته أكثر
عباس :ماطقتو احكي مع ريهام كثيغ لان أكو كاميرا مراقبه وغانا اووه أقصد رقية ههههه وصلنا عالصالون عفتوهم هنوك وانا غحتو عالحلاق دحضغ نفسي
رقية:ابالكي تسريحه او فد شي لو معتمدي على ام الصالون
ريهام:لا أخترت تسريحه حبيبتي
ام الصالون :هلا بريهام ورقيه(جيرانا هي لهذا تعرفنا)
هلأ بيج حبيبتي
ام الصالون سها:جاهزة؟؟
ريهام:يي يلا نبلش سوتلي تسريحه وميك اب وبعدها راحت سوت للرقية طبعاً بساعتين خلصنا چانت ايدها خفيفه ونازكه كلش  حبيت شغلها، گلتلها عاشت ايدج هوايه حلوة النتيجه چان الميك اب ترابي  بس بنفس الوگت درجة الميك اب تناسب فستان أحمر ولبست كعب مو هوايه عالي ولا ناصي وشعري سويته رفع وتاج بسيط وسلخ مفتوحة
رقية:قبانكي تخبلييييين، الله يسعدكم
ريهام:حبيببتي، تسلميلي ويسعدج يارب
چنت متوترة بوگتها لان خيتي ضلت ويه امي واني وحدي ويه رقية صح هي كلش لطيفة بس يعني ماصارلي هواي أعرفها وبنفس الوگت عباس دازلي رسالة راح يجي يأخذنا بعد شوية لهذا حسيت زاد التوتر
ريم:چانت الأجواء كلش حلوة بشكل لا يوصف لبست بنتي فستان يخبل واني جهزت نفسي وسويت تسريحة ومكياج، ساعدت امي وحطيتلها ميك اب كلش خفيف يعني حتى ميبين ههههه لان هي متحب هالشي ولبست عبايه سوده بس بنفس الوگت كشخة
يمه فديتج هالكشخة راح تطلعين احلى مني ومن ريهام
مها:سكتي يمه لاأصدگ ههههه
ريم:لا يمه والله كلش طالعه حلوة، وچان البيت مليان كلهم باوعوا عليها
مها:حبيبتي عيونج الحلوات، اتصلي بخيتج ريهام حتى اذا خلصت نروح عالقاعة قبلها
ريم:يمه مايحتاج اصلا هسه شفت مسج منها تگول بيه روحوا عالقاعة اني شويه وراح يجي عليه عباس اريدكم توصلون قبلي ترى كلش متوترة
مها:يي يمه يلا وينه رجلج مو على اساس هو يوصلنا
ريم:لا يمه يمكن يتأخر خلي نروح مع عمي فدوه اروحلج
يلا يمه لعد
صحيت امي بصوت عالي حتى الكل يسمع
يلا ياجماعة الخير، رايحين عالقاعة العروس والعريس جايين
توزعنا عالسيارات أتصلت برجلي مارد عرفت بعدا بالسم مالته عفته ومارجعت خابرته
گلت شكله ماراح يجي خلي أتونس بيومي وبخطوبة خيتي
رحنا عالقاعة چانت كلش فخمة وكرايبهم هم انيقين سلموا علينا وسلمنا عليهم وأجت ريهام چانت تخبل هي وعباس كلش كلش لايگين لبعض
مها:شوفي يمه شحلاتها ودمعت عيوني على بنيتي الصغيرة
ريم:يمه لاتبچين اذا شافتچ راح تنقهر
ريهام:فتنا اني وعباس چان ماسك ايدي ورقيه وراي دتشيل الفستان
ام عباس:يمه قبانكي تخبلين وصوت اغاني
دخوليتنا چانت على اغنيه
مبروك، مبروك، ياحياة قلبي مبروك، هالفرحة فرحتنا، والفرحة جمعتنا، وشو حلووة ليلتنا مبرووووك)