إشارة مرور.. بقلم/ ملك مصطفى

البارت 6 🚦

البارت 6

بمنزل فادي..

فتح فادي الباب وهو يفسح لهم المجال كي يستطيعوا ان يدلفوا ، دلفت والدتها بهدوء و لكن بقت هي أمام الباب ، تتأمل الداخل و تضارب جميع ذكرياتهم سوياً داخل عقلها ، شجعت نفسها لكي تخطوا أولى خطواتها داخل ذلك المنزل التي أتت اليه وهي عروسة ولكن الآن هي ضيفة ، راقبها و راقب نظراتها للمنزل بفرح فهي تتأمل كل شئ بشوق ملحوظ ، حمحم كي يقاطع أفكارها فنظرت له بعدم فهم حتى انتبهت انها مازالت تقف أمام الباب..

فادي بمشاكسة وهو يستند على الباب بظهره و يعقد ساعديه أمام صدره:
- ادخلي برجلك اليمين يا .. يا عروسة

ندى بحنق وهي تدلف بغضب:
- عروسة في عينك ، مش هنخلص احنا بقا ، يا ماما انتي روحتي فين؟

والدتها من الداخل :
- انا في الأوضة بتاعت الضيوف يا ندى

ندى بهمس و غيظ شديد و هي تسير للغرفة:
- حرام عليكي يا ماما هتفضحينا "و رفعت من صوتها عندما دلفت للغرفة" ايه يا ماما اللي بتعمليه ده ، هيقول علينا ايه الحيوان اللي برة ده ، دخلتي كدة على أوضة النوم على طول

والدتها بلامبالاة وهي تفرد جسدها فوق الفراش:
- تعالي غطيني يا بت يا ام لسان أطول منك انتي ، و بعدين مش هيقول حاجة لأن هو اللي قالنا تعالوا اقعدوا عندي

فادي بأبتسامة وهو يدلف :
- طبعا يا حبيبتي ، ده انتي منورة البيت والله "ثم وقف بجانب ندى و نظر بداخل أعينها ليتحدث بخبث" انتي و ندوشة

ندى بأعين واسعة وهي تضربه بقوة بكتفه:
- ندوشة مين يالا!!

فادي بعدم تصديق :
- يالا؟؟؟

كانت تراقبهم بأبتسامة واسعة ، كم اشتاقت لمعاكستهم الدائمة فبرغم ما يحدث أمامها فهي تعلم أن كل منهم يحمل الكثير للآخر و هذا ما جعلها توافق على تلك الخطة المجنونة ، و على ذكر الخطة المجنون ضحكت بخفوت وهي تتذكر ما حدث..

فلاش باك..

استمعت لصوت طرقات قوية و سريعة على الباب فأغلقت مصحفها بقلق و ذهبت لتفتح الباب لتتفاجئ بطليق ابنتها يلهث أمامها و وجهه متورد بشدة..

نرمين بقلق :
- في ايه يبنى ، وشك عامل كدة ليه و بتخبط كدة ليه

فادي وهي يلتقط أنفاسه:
- اسمعيني يا حماتي كويس عشان مفيش وقت ، انا عايز ارجع ندى ليا و آآ

نرمين بحزم وهي تعقد ساعديها أمام صدرها:
- بس انت عارف ان ندى مش هترضى بعد اللي انت عملته معاها

فادي بأبتسامة واثقة:
- في الجيش علمونا ان الاصرار يولد النجاح ، و ان طول ما انا بعمل كل حاجة عشان اوقع الهدف هوقعه

نرمين بضحك :
- ندى بقت هدف؟ ، والله لو سمعت الجملة دي لتطلق منك تاني

فادي وهو يقبل يدها:
- انا مش عايزك زعلانة مني ، انا جيتلك بعد طلاقنا و فهمتك كل حاجة عشان انا مقدرش على زعلك مني ، عايزك تساعديني بقا ارجعها ، انا حياتي من غيرها وحشة اوي والله ، انتي عارفة لما ندى اتسرقت انا اللي اجرت واحد يسرقها ، حتى السواق اللي ركبت معاه ده تبعي عشان يجيبها على السكة اللي انا عامل فيها كمين