قـاتلة أَم ضحيـة؟

يكفي !

الـوها يا حلوين 💗
شلون الجمال ؟
اعذروني عن التأخير بس والله صارت وياي هووووواي احداث
بليز تفاعلوا .. انطوني جرعة سعادة
يلا انجوي 💗
..

يكفي !
يكفي اتهامات باطلة بحقي !
انا لست بفاسقة ! انا مؤمنة صابرة
انا لست بفاجرة ! انا شريفة طاهرة
انا لست بقاتلة ! انا الضحية !

لذا شلت الخمار عن وجهي وقمت من مكاني لادفع باب المسجد بكل قوتي حتى ضرب الحائط ليجفل كل الحاظرين وتتوجه انظارهم نحوي !

(منـو انتِ وشلون تدخلين هيج !)
صاح احد الخنازير ليستطرق الاخر

(ما تعرفين هاي خطبة رجال ومايصير النسوان يدخلن)
لارد عليه بكل قوة

(لا اني الي اعرف )

(من تعرفين شلون تدخلين هيج)
صاحَ خنزيرٌ اخر ليتكلم الخطيب بنبرة حانية ماكرة

(اتركوها يا اخوتي احتمال هي فاقدة عقلها او جاية تطلب من مال الله .. اطلعي اختي انتظريني برا المسجد وانا انطيج)

(ما اتشرف بيك انتظرك ولا يشرفني
اخذ فلوس شيطان مثلك)
قلت بصياح ليقوم الرجال من اماكنهم بعصبية ويتوجهوا نحوي

(اتركوها يا اخوتي هاي الاخت فاقدة العقل )
قال الخطيب بآسى مصطنع

(مو اختك ولا يشرفني اكون
اني هبة .. هبة الي الكل عاداها لان دافعت عن شرفها ومقبلت بالغلط 
اي اني هبة .. )

(مو كتلكم فاقدة العقل .. شوفوها شلون تحجي
هذا حجي انسانة بعقلها ؟ )
قال الخطيب لاستطرق

( اي اني فاقدة العقل والمنطق والدين هم شلوني ؟ عجبتك؟
اني فقدت عقلي لمن سكتت عن غلط ذات الخنزير بحقي وتحرشاتة بية
وفقدت المنطق من بـاعوني اهلي علمود الناس وحچي الناس
وفقدت الدين ! بس تدري يا دين ؟ دينكم الكاذب !
لمن تتهمون بنية طاهرة مثلي بشرفها وتريدوها تنرجم وتنقتل وتسمون روحهم اهل الدين ! يا كفرة .. يا قتلة

(اذا وحدة مثلج تحجي على الي
يشرفها ويشرف اهلها وعشيرتها تستاهل تنقتل)
قال الخطيب

(اذا جنت انتَ مقياس للشرف
ف ما تشرف چلبي مو اهلي وعشيرتي)

ردي سبب ضوضاء ليقدم الرجال متدافعين نحوي يحاولون ضربي لكني لم اتزحزح من مكاني انشاً واحداً .. لم اكن خائفة البتة  .. قام احد الرجال بدفعي بقوة لخارج المسجد لارتطم بالارض ثم جاء رجال اخرون وبدؤوا بضربي باقدامهم بكل ما اوتوا من قوة ، كنت اتألم جسدياً فحسب لكن روحياً لم اكن خائفة او متألمة  .. وكأن روحي تغيرت بروح اخرى صلبة لا يؤثر بها شيء البتة ..