تكملها بارت 4
ايمان .. خلصت دراستي وتخرجت وكعدت بالبيت .. للمغرب اجه ابوي حيل معصب اول مره اشوفه هيج .. صاح على امي بصوت كللها لحكيني للغرفه .. امي وجهها صار اصفر وراحت وره ابويه . اني واشجان اخذنه الفضول رحنه نتسمع عليهم ..
صالح .. انتي شنو شسويلج لخاطر الله نزلتي راسي بين اخوتي
نضال . .. شكو يااا رجال احجي شسويت اني
صالح ... من اجت ام علي شكلتيلها
نضال .. هاااا ءءءء مممااا كلتلها شي
صالح .. احجي لا والله هسه ارمي عليج الطلاق واخليج علج بحلوك اهلج وناسج مثل ماخليتيني علج بحلكهم .
نضال .. اجت خطبت ايمان ل علي ابنها ... كتلها معندنه بنات للزواج وكتلها بنتي راح تتخرج ابنج لا شهاده ولا شغل
وكتلها مستحيل انطي بنتي الكم
صالح ... الله واكبر عليج ولج كسرتي ببخت البنت وهي رايده ابن عمها وهو رايدها .. ولج بنتج هاي المفروض تسأليها تشوفين رأيها وين ترحين من عذاب ربج
نضال ... اووو بسك عااد .. بنتي وانه حره المن انطيها .. معليك بيه وهسه يلا صحيت وصرت رجال براسي .. اهلك لو تنكص ركبتي ماانطي الهم وحده من بناتي ..
صالح .. طرااااااخ 👋👋👋
لج اني رجال وغصباً عليج ..
تدرين لو ما علي بعد يومين زواجه على عنادج انطيه بنتي ..
ايمان .. اني اسمع وعيوني تجري ... يعني امي هيه السبب هي الي كذبت .. بس انصدمت من عرفت علي راح يتزوج .. يعني نساني .. شلون راح ينطيه كلبه يتزوج وحده غيري شلون راح يدخل عليها .. شلون راح يضحك ويسولف وياها .. حسيت روحي تريد تطلع .. فتح الباب ابوي لكاني واكفه وابجي .. مسح على راسي . وكلي بابا ان شاء الله .. رب العالمين يعوضج
وراح ..
اباوع على امي لازمه خدها ومصدومه .. من شافتني باوعتلي بحقد وسدت الباب .. محجيت وياها شي اني ..
ابوي طلع من البيت ماارجع الا تالي الليل .. سويتله عشه وكعدت يمه .. كلي امج واخوتج تعشوا .. كتله اي تعشوا .. وبقيت بس اني وياك
ابتسم .. كلي بابا بس اني وياج واختج مضلومين من امج بهالبيت .. كتله شلون
صالح .. شوفي بابا .. اني اليوم رحت الصبح اسلم على امي ولكيت اخوي ابو علي هناك سلمت عليه .. مرد عليه وكام طلع . دخلت اني مستغرب سلمت على امي كتلها شبيه ابو علي .. كلتلي تسوي نفسك متعرف . كتلها شنو كالتلي ام علي خطبت ايمان لعلي .. ومرتك طردتهم وهانتهم .. ولهذا هو زعلان عليك ومو بس هو حتى اني ياابني حيل خذت بخاطري منك لهدرجه مالك شخصيه بيتك حتى مااخذوا رأيك ورأي بنتك بالموضوع . وبعدين علي يحبها لايمان وبنتك هم تحبه .. ليش توكفون بطريقهم .. كتلها يمه والله انه هسه سمعت منج ..ولو ادري اكبع بنتي وانطيها .. بس نضال حسابها يمي وكولي لاخوي خلي يجي ياخذها انطيها بعباتها علي حسبة ابني .. كلتلي امي .. شياخذ بعد عرسه الخميس بعد يومين .. امه خطبتله بنت خالته ..
ايمان .. اني اسمع لابوي وكوه مسيطره على دموعي ..
صالح .. بابا ايمان انتي صدك جنتي رايده علي
ايمان ... هزيت راسي ب نعم .. وبجيت . حضني ابوي ... كلي اني هم مثلج انضلمت .. حبيت وحده قبل امج وردت اخطبها وامج خربت عليه خطبتي وطلعت كلام مو حلو على البنيه وخلت البنيه تعوفني واخذت امج ..
ايمان .. اذا تعرف امي خربت عليك شلون اخذتها
صالح .. ماجنت اعرف .. بس بعد زواجي بشهر . عرفت وردت اطلكها بس طلعت حامل بيج وصبرت عليها ... فرقت بيني وبين اهلي وسوت مشاكل لحد ماطلعتها بيت وحدها يلا شوي ارتاحيت .. وهالتشوفين حتى واحنه عازلين هيه جاي تسوي مشاكل ..
ايمان .. صفنت يالله شنو هاي من ام .. كمت شلت المواعين غسلتهم وصفيت المطبخ ورحت لغرفتي نمت .. وافكر بعلي وسوالفنه .. واجه بالي عرسه مبقاله شي .. ضليت ابجي .. الى ان اشجان كعدت على البجي مالتي اجت نامت على سريري وحضنتني .. ..حسيت بحنانها جنت محتاجه واحد يحضني وينسيني همي ..
بعد يومين .. تزوج علي وتعدت الزفه مالته على بابنه .. واسمع الهلاهل والهورنات .. صعدت بالسطح باوعت للزفه مالته .. وكفت كبال بيتهم .. جان بيت عمي بعد عن بيتنه ب5 بيوت
وشفته شلون نزل عروسته ودخلها للبيت .. بجيت بصوت .. المفروض اني مكانها المفروض هاي زفتي وعرسي .. عليمن ادعي على امي لو على كلبي الي حب شخص جنت ادري هو مو اليه جنت اعرف امي راح توكف عثرة بطريقي .. شكول عليج ياامي ..
نزلت عيوني مورمه وحمر .. لكيت امي بوجهي باوعتلها بنظره ومشيت عنها دخلت للغرفه وسديتها ..
اشجان اجت كعدت يمي ضليت اسولفلها وابجي .. وهيه تبجي وياي على بواجيي ..
___
علي .. بعد ما ايست من ايمان وماكو جواب منها .. عرفت كلام امي صحيح ... امي من اجت منهم .. كلتلي انساها يمه البنت تضحك عليك .. كتلها شلون كالت امها طردتني وكلتلي ماالكم مره يمنه .. والبنت وكفت وي امها كلتلي اني مااريد ازوج علي ماعنده شهاده وميناسبني ..
اني انصدمت ايمان متسوي هيج اكيد امها ضغطت عليها او هيه صدك تضحك عليه بس من ماردت عليه ولا اتصلت بيه عرفت هيه مرايدتني .. وكلت لامي تخطبل
