ها كالت اني هنا اطبخ الهم وانظف واروح بليل لبيتي عندي يتامه بركبتي والله يجزيهم بيت الشيخ ميقصرون ..
عرفتها بنفسي كلتلي انتي الفصليه .. ياحرام حلوة وجميله انتي يمه ... اني بجيت كتلها خاله اني حيل تأذيت .. كلتلي صبري تره الحجيه طيبه بس هم حقها ضناها شاب مثل الورد راح منها .. خلصن ريوك رحت شلت المواعين ونظفت البيت وام علي تطبخ ..
اجت صلاة الظهر رحت توضيت وصليت .. ودخلت للمخزن رتبته ونظفته وفرشت فراشي بيه خليته يلمع ويخبل ..
وراها رحت ساعدت ام علي وصبينه الغدا وهنه تغدن . واني وام علي بالمطبخ ناكل ..
للعصر اجت هاي البنيه الي كلتلي اخذتي الشيخ .. جانت طويله ضعيفه سمره تشبه الممثله الكويتيه ليلى عبدالله .. بس هاي متخلي مكياج ..
سألت ام علي عليها ..
كلتلي انه هاي جانت رايده الشيخ ضرغام وتحبه .. وعلى الاساس يخطبها .. بس من اجيتي انتي وصرتي مرته اختلف الوضع يعني خطبتها راح تتأخر لدورة السنه مال اخو الشيخ
بس وانه خالتج هيه وين والشيخ وين يخبل الشيخ هيبه وطول وجسم وشخصيه واذا كال كلمه مايتراجع عنها .. هنا حتى خواته وامه يحترمونه ويحسبوله حساب ...
.. زين خاله شنو هو ميجي هنا
.. لا بيته وحده بصف بيتنه هنا ميحب يختلط وهوسه
.. هو متزوج ؟
.. لا مامتزوج كتلج ميحب يختلط ..
تدرين هو لازم حلال ابوه وهو من بعد ابوه يستلم الشيخه
اشجان .. الله يحفظه الهم
ومشت حياتي بالبيت اكعد من اذان الفجر اصلي وابدي اشتغل لليل ادخل المخزن وانام .. ونفس الروتين ومخليتهم يلكن عليه حجه بالتنظيف .. خوات الشيخ راحن لبيوتهم .. والحجيه بقت كل يوم تنعى ابنها والشيخ يصبرها ..
اما اني هملت نفسي وبديت اضعف حيل من الشغل وبيتهم كولش جبير وخلص الشتا لازم نطلع الفراشات نغسلهن .. طلعتني الحجيه بليل بالبرد اغسل زوالي .. والمي بارد ..
وجانت حيل تقسي وياي .. ومره تصعدني الظهر اغسل السطح ..
وهذا كوله واني مشفت الشيخ ضرغام ..
____
ضرغام .. من طلعت من اهلي بيوم الي جابوا الفصليه . واني مشفتها ابد .. لان بالنهار نتجمع بالديوان وبليل ادخل اسلم على امي واروح لبيتي .. وبيوم من الايام اجه عمي ابو امل للديوان وكال لابوي .. شيخ انه بنتي جاي يجوها خطابه وانتوا لسه رايديها لو لا . ابوي باوعلي كلي هااا شيخ شتكول بعدك رايد بنت عمك لو لا .. كتلهم اني بالنسبه اليه بنات عمي مثل خواتي بس انتوا الي ردتوني اتزوج وحده بيهم .. عمي خلي البنيه تتوكل وزوجها ..
امل ... من سمعت الشيخ رفضني ومرايدني تخبلت .. رحت لبيت عمي لكيت الفصليه .. جاي تنظف بالحديقه .. لزمتها راجديات وضرب على بطنها ومن شعرها ضربت راسها بالشجره
اشجان .. جاي انظف ومااحس غير وحده لزمتني من شعري وذبتني بالكاع ورفس بطني وراجديات تضربني اريد اركز بيها واعرفها منو ماكو اخر شي لزمت راسي وضربتني بالشجره حسيت نفسي فقدت وبروده كامت تمشي براسي .. وكعت
امل ... ضربتها بالشجره شو هاي وكعت من ايدي يمكن ماتت ماحسيت الا على صوت شسويتي انتي .. ضضضض رغااام
ممممماااا سويت شي
ضرغام .. خرب يومج ماتت البنت لييييش ضربتيها
امل ...بسببك ياابن عمي بسببك .. انت
ليش ترفضني علمود هاي الي لااصل ولافصل والله اليعلم شنو وراها ..
ضرغام .. اخذت البنيه وخليتها بالسيارة وعفت امل تحجي وحدها .. اعرفها خبيثه . هددتها كتلها اذا طلع بيها شي .. الا اندمج .
اشجان .. فزيت لكيت نفسي بالمستشفى وبالغرفه وحدي . تذكرت الي صار بجيت حيل لان اشتاقيت لابوي .. وحسيت نفسي صدك وحيده .. شوي ودخل عليه شاب .. صفنت بوجهه ملامح غضب
كلي شلون صرتي .. كتله زينه .. كلي شتحسين ودخل الدكتور .. شيخ ضرغام زوجتك عندها فقر دم والضربه براسها اثرت عليها لذلك اغمى عليها ..
ضرغام .. مشكور دكتور ..
اشجان ... اويلي هذا ضرغام يخبل . حقها تبسطني هالامل ... اني لو بمكانها ارتكب جريمة قتل .. 😁😁 ولج اشجان شنو هالحجي عيب ..
طلعت للبيت وتلكتنه الحجيه . .. باوعتلي بحقد .. محجت شي لان الشيخ وياي .. رحت للمخزن واجه وراي انطاني دواي وراح .. شنو هالبشر يالله شكد متكبر...
التزمت بالعلاج وطبعا ثاني يوم كمت اشتغلت وبديت اكل علمود فقر الدم وبديت اصحصح .. بعد اسبوع سوو اربعينيه لاخو الشيخ .. والتمت النسوان وملايه ونعي وصياح وبجي ..
واني وام علي لزمنه المطبخ جايات ومايات ... وام علي كلتلي ديري بالج تدخلين يكتلنج والله .. لان دمهن محترك على ميتهن ..
رحت للمخزن ابدل ثوبي لبست ثوب فيزون اسود وخليت شال على راسي وطلعت لاكني خوات الشيخ ونسوان وياهن دخلني للمخزن واستلمني ضرب
الي عرفته نسوان عمام الشيخ وعماته وي خواته طكني .. بس هنا ماكو محد فزعلي محسيت الا اغمى عليه ..
كعدت لكيت المخزن اضلم طلعت للحمام غسلت وجهي من الدم حتى مااعرف منين الدم طلع مني . لكيت الشهريه نازله عليه .. هنا بجيت وين انطي وجهي .. اباوع للساعه ب 3 الفجر .. حيل الوكت هذا كله اني مغمى عليه ..
هسه وين انطي وجهي ..
ابين الها .. انعجبت بشغلها
ملابسي نضيفات ومعطرات وبيتي نظيف .. تعودت عليها .. بس شغله مضوجتني منها لابسه مني حجاب ..
اشجان .. رحت على جنطتي طلعت جهازي شحتنه وفتحته لكيت شكد مكالمات من اختي ايمان حيل صارلي 3 اشهر مفاتحه جهازي ..
_
ايمان .. من سمعت باختي خذوها فصليه رحت تعاركت وي امي ..لان من دخلت رحت الهم لكيت ابوي مموجود كتلها وين ابوي وين سيف كلتلي راح يجيبون سلام .ويجون ... دخل سلام وياه ابوي وسيف وامي تلكته تهلهل ومكيفه .. هنا اني صحت بيها ... انتي شنو من ام شنو من كلب كتلتي نفسج على ولدج وبنتج الي راحت فصليه .. باوعت ل سلام وانت فرحان مو ؟ شوف ثمن اخطائك اختك راحت مسلوبه حقوقها ..
سلام انصدم من كلامي .. كلي يعني اخذوا اشجان وباوع على امي
كلتله امي .. لا يوم لاتضوج اختك اخذت شيخ
ايمان .. شوف هاي .. يااخذت شيخ بنتج راحت فصليه تعرفين شنو فصليه . يعني اخذيلج سنه تسمعين بيها ماتت من القهر ..
ابوي زمخ بامي كللها انتي والله متخافين ربج
وطلع ابوي واخوتي كلمن راح لغرفته .. باوعتلي كلتلي اعرفج حاقده عليه علمود عليوي .. بس عتبة هالباب بعد لاتدوسيها .. اني بنات معندي بس ولد اثنين عندي
.. طبعاً امي صدمتني بكلامها ليش هيج تكول
رجعت للبيت ضليت ادك على اشجان وماكو مغلق ضليت دوووم وي الصلاة ادعيلها الله يفرج عنها ويهديهم الها .. حازم اجاه شغل بشركه .. وراح اسبوع يضل هناك .. واجه اخوي سيف بات وياي بيتي .. طبعا رادني اروح بيت اهلي بس اني رفضت .. كتله لا ابقى بيتي احسن ..
ضليت اصفن صارلي 3 سنوات من تزوجت ليش لسه ماكو طفل عندي ليش منين السبب هواي راجعت وكلولي انه اني مابيه شي ..
طبعاً علي ابن عمي صار عنده ولد وسمعت عنه تخرج وتعين .. وطلع بيت وحده واموره تمام ..
ماكو خلص الاسبوع خابرني حازم كلي انه راجع .. سيف اطمن عليه ورجع للبيت واني حظرت الاكل وحظرت نفسي .. وانتظرته .. تأخر عليه ضليت ادك جهازه مغلق .. كلبي انقمت .. خابرت لحماي كتله حازم ماكو وخابرني كلي راجع وصارله وهواي من خابر .. وهسه جهازه مغلق ..
ساعه واجاني حماي للبيت شفت وجهه عيونه حمر كلي تعالي وياي .. رحت جبت عباتي لبستها ورحت وياه شفته رايح للمستشفى عرفت انه حازم صاير وياه مكروه .. بوقتها سكتت محجيت شي ابد .. لحد مادخلت المستشفى لكيت عمتي وحمواتي وابوي واخوتي .. يعني اني اخر من يعلم يبجون .. شبيكم .. كلتلي عمتي ابني بالانعاش لو يعيش لو يموت .. ادعيله يمه
شوي وطلع الدكتور هز راسه .. كللهم البقيه بحياتكم .. عمتي انهارت واخواته يصيحون اني انصدمت حيل متوقعت دخلت عليه للغرفه نايم بس وجهه مشوه وجسمه كوله جروح .. ضليت ابجي وانقهرت حيل .. وسوله فاتحه ببيته ..
وامي اجتي هم على الاساس تعزيني .. ذبت عليه حجايه جرحتني .. متوقعت ام تتشمت بنتها . كلتلي هذا جزاء الي يعصي امه ويغضبها وابتسمت وكامت مني .. ضليت بوكتها ابجي بحركه .. لان حيل اذتني ..
احتاجيت اختي بوقتها احتاجيت حضنها وحنانها ..
احتاجيت اسولف الها ..
خلصت الفاتحه وبعد اسبوع اجه المحامي وياه عمي ابو زوجي وحمويني .. وباعتبار اني عده مطلعتلهم اجه ابوي مكاني ..
المحامي انطاهم ورقه لعمي وحمويني .. كللهم هذا البيت حازم قبل لايتوفى سجله باسم زوجته والعمارة الي بمنطقة *** هم باسمها .. لان حازم جان عقيم فحب يعوض زوجته عن حرمانها للاطفال ..
عمي وحماي مكالوا شي كالوا بالخير .. ابوي هم كلي تجين يمنه .. كتله لا ابقى بيتي ..
امي من سمعت بالخبر بدت تتلوك اليه وتخابر عليه .. واني مجاوبها لان اعرفها تحب الفلوس .. الحمد لله راتبي جان معيشني وايجارات الشقق مال العمارة ..
بعد 3 اشهور دكت عليه اشجان انصدمت هاي اختي .. جاوبتها وسمعت صوتها هيه بجت واني هم .. وضلينه نسولف وسولفتلها عن وضعي وعن امي وهي هم سولفتلي شنو صار وياها ..
اشجان .. خابرت لاختي .. انصدمت كل هذا صاير وياها وانه ماادري وباقيلها اربعين يوم وتطلع من العده كلتلي اذا طلعت من العده اجيج .. سولفتلها شنو مريت بيه وهيه ضلت تبجي وياي ..
بوقتها قررت لازم اكسب الشيخ اليه .. واصير زوجته فعلاً .. واخليه حتى يعقد عليه محكمه .. بس لازم اخطط زين لان الشيخ صعب شوي ..
ثاني يوم كعدت الصبح نظفت البيت ونظفت جسمي بالشيرة ووصيت ام علي تجيبلي حفافه تحفلي .. واجت المره حفتلي حواجبي بيهم شمره حلوة واثخان سويتهم بناتي .. وشسورتلي شعري .. ام علي سألتني على سبب التغير .. كتلها ضوجه بالبيت وتعبت من شكلي هذا .. طبعاً مصدكتني .. كلتلي تردين الشيخ كتلها اي حبيته انه وتعلقت بيه حبيت وجوده وعجرفته وكبارته وغروره وكولشي بيه .. كلتلي بيها الخير خاله الله يقدم الي بيه خير
راحت ام علي حليت شعري على طوله ينزل جوه خصري ولبست ثوب قصير لونه احمر وخليت كحل وحمره حمره ...واني وقتها سمنان وجهي وعندي غمازات وخليت عطر وعطرت البيت انتظرته يجي .. سمعت صوت سيارة بره .. جاي يدخلها .. سويت نفس
