ضرغام .. طلعت من الحمام خرب الريحه تسطر سطر والغمازه تجنن من تضحك .. بعد مامنها مفر ضرغام الحكها .. دخلت وراها للغرفه ... على والدي والحجيه لكيتهم كاعدين ابوي كلي اليوم فرحان ضرغام .. كتله اي والله اليوم اني عريس يابه .. وانطيتهم النيشان .. ابوي فرح وامي حسيتها ضاجت .. بس كلتلي مبروك .. كمت بستهم واستأذنت من ابوي 3 ايام مااجي للمضيف لان عريس ..
كلي ابوي روح الك اسبوع ..
رحت للبيت وثاني يوم اخذت اشجان للزيارة رحنه بسيارتي ..زرنه النجف وكربله والكاظم هم .. ضلينه 3 ايام ... ورجعنه
اشجان .. حياتي تغيرت ..وي ضرغام .. بديت احظر نفسي اله بليل وبالنهار انهي واجباتي بالبيت لان هو مموجود .. فد يوم كعدت الصبح وكعدت ضرغام وياي سويتله ريوك وهو طلع اني كمت نظفت البيت وغسلت الطارمه وسقيت الحديقه .. وركبت الغدا ورحت سبحت .. طلعت من الحمام نشفت شعري ولبست ثوب طويل ومخصر على جسمي لونه ماروني .. جاي اسوي زلاطه وفاتحه باب المطبخ والجو يجنن .. اتفاجأت الحجيه دخلت عليه هي وام علي .. كمت سلمت عليه كتلها هلا يمه كل الهلا نورتي بيت الشيخ .. ردت عليه بثكل هلا ..اليوم ضليت وحدي كلت لام علي خلي اروح اشوف هاي المكموعه شمسويه بيت ابني .. ابتسمت على كلامها رغم قساوة كلامها بس اكو حنيه .. كعدتها جبتلها مي وعصير برتقال بارد .. كتله يمه اصبلج غدا .. تباوعلي بطرف عينها .. شمسويه بالله ..
اشجان .. سويت مرك لحم احمر وتمن ماش وخضرة وزلاطه ..
الحجيه .. يلا صبيلي نتغده ..
صبيت الها ولام علي واليه .. وخليت السفره .. وخليت اللبن والخبز والتشريب واللحم والتمن ورتبت السفره .. رحت اجيب كلاصات للبن لكيتها تاكل هيه وام علي جيت اريد اكعد اشرتلي اكوم ..
ام علي صفنت عليها ..
اني انصدمت وهم انهضمت .. من موقفها ..
كلتلي الخدم مايكعدون وي اسيادهم ياكلون . .. اباوع على ام علي دنكت واني هم استهضمت الموقف كتله بس اني مو خدامه اني زوجة ابنج يعني جنتج ..
الحجيه.. تبقين خدامه وفصليه ..دام اخوج كتل ابني ..
اشجان .. بس اخوي ممتعمد وابنكم هو الي جر عليه سجينه وبعدين اني شعليه بذنب اخوي .. احجي ودموعي ينكطن .
الحجيه .. كومي منا خليني اتهنى بلكمتي ..
اشجان .. كمت للغرفه ضليت ابجي لحد محسيت كلبي يريد يوكف ..
ام علي .. الحجيه من كالت لاشجان هيج اني هم اخذت على خاطري ومااكلت وياها .. وكلتلي ليش متاكلين كتلها اني خدامه هم حالي من حالها وكمت سويت الجاي ..
ورجعت يمها ..
الحجيه ... ام علي اني اريد اختبر البنيه اشوفها تحب ابني لو لا اذا تحب ابني تتحملني واذا متحبه راح تكوله عن تصرفاتي وتخربني وياه ..
ام علي .. يعني انتي قابله بيها
الحجيه .. الحجي بينه الحجي ام علي
البنيه حلوة ومبين ابني يحبها لان عيونه ستوها كامت تلمع وستوه كام يضحك مجان ابني هيج .. هيه غيرته واني اريد اعلمها اطلعها مره لان هاي مرت الشيخ ومو اي شيخ شيخ ضرغام هذا
ايمان .. رجعت من اختي ووصلني سيف لبيتي
بالطريق شفت علي .. مااعرف ليش لمن اشوفه ارتبك ونبضي يتسارع .. معقوله لسه مانسيته معقوله لسه بعدني احبه ..
علي .. من زواج ايمان واني لسه اعيش تعيس ومامرتاح بحياتي .. بيوم الي شفت زفتها وشلون طلعت بالابيض من بيت اهلها حسيت نفسي مختنك دخلت للبيت ورحت لغرفتي كسرت وصيحت امي ومرتي صافنات بوجهي مستغربات ليش هيج سويت .. بس امي بساع عرفت .. مرت الايام والاشهر وسمعت من امي انه ايمان حامل .. احتركت روحي وبيومها تقربت لزوجتي حتى اسوي طفل على عنادها .. وفعلاً صار عندي طفل .. وره فتره سمعت انها سقطت .. اني هنا تخرجت وصار بيتي وحدي وسمعت باشجان اخت ايمان راحت فصليه .. بسبب اخوها .. امي بيومها تدك وتركص فرحانه وشمتانه بيت عمي وراحت لبيت جدي هناك ولكت مرت عمي يمهم وتعاركن هم ... اني هالسوالف كولها ضجت منها .. بعد اشهر سمعت زوج ايمان توفى ومسجل البيت باسمها لانه عقيم ومكدر يخليها تصير ام .. انصدمت اذا زوجها عقيم منين حبلت وسقطت سألت امي توترت عرفت بوقتها جانت تجذب عليه حتى اني على العناد اسوي طفل .. واني جانت نيتي اترك بنت خالتي .. طبعا زوجتي اني حيل مقصر وياها بحقوقها .. بس ممقصر وياها بالفلوس اسكتها بالفلوس وبالبيت وهيه ملتهيه عني تطلع وتشتري وتجيب وتخلي ..
طبعاً حسيت رجعلي امل انه اتزوج ايمان واخطبها من ابوها .. وجنت حيل معصب منها من رفضتني من اول هيه وامها .. فكرت اتزوجها وانتقم منها .
#البارت_الثامن
كلت لابوي اريد اخطب ايمان بنت عمي صالح .. ابوي كلي وزوجتك كتله ببيتها معززه مكرمه وهاي هم اخليها بيت .. كالي هو انت وحده ومكدرت توفيها حقوقها مو النوب اثنين
كتله يابه اني احب ايمان حياتي بلاطعم من غيرها من تزوجت لسه اني ممرتاح خلوني ارتاح .. كالي هذا هو ابني باجر اروح اخطبها من ابوها واشوف .. طبعاً امي من سمعت بهالحجي دكت ولطمت وبجت وضلت تحجي عليه .. بس اني عاندتها لان هاي حياتي زوجتي طبعا رادت تطلع وتروح لاهلها كتلها اذا طلعتي من البيت مترجعين اله واطلكج واخذ ابني واخلي البيت لبنت عمي .. خافت وكعدت ببيتها
راح ابوي وخطبها من ابوها ...
ايمان .. اجاني ابوي لبيتي .. كالي بابا امونه ابن عمج علي رجع خطبج من جديد شتكولين اني ارتبكت متوقعت يرجع يخطبني .. يعني هو يحبني لسه ..
كتله بابا انطيني فتره افكر .وارجعلك جواب .
رحت ثاني يوم للمدرسه وكف بسيارته يمي كلي صباح الخير .. رديت عليه
علي .. صعدي بالسيارة اريد احاجيج
.. لا مااكدر معلمات منا وطلاب روح انت للكوفي وره المدرسه واني الحكك
.. اويلي لسه تخاف من الناس
.. رحت دخلت للمدرسه طلبت اجازه زمنيه ورحت وراه للكوفي لكيته منتظرني
.. شلونج
.. زينه
..بعدها لمعة عيونج من تشوفيني ..بعدج تحبيني مو
.. سكتت مااعرف شرد عليه
.. ليش مرديتي جواب وليش تفكرين اذا تحبيني ؟
.. طيب وزوجتك وابنك حررام اخذك منهم
.. زوجتي ببيتها معززه مكرمه وابني بحضن امه
ومتاخذيني منهم لان ليله يمج وليله يمهم ..
.. مااعرف ليش ضجت وحسيت بالغيره
.. هااا بعدج تردين تفكرين
.. طيب وين اعيش اني
.. ااجرلج بيت وحدج
.. بس اني عندي بيتي
.. لا مااسكن بيت مره .. اريد اسكن مرتي ببيتي حتى ميكولون اجاها طمعان ..
.. بكيفك بعد
.. يعني هاي موافقه
.. امممممممم
العصر رجعولي جواب رسمي حتى اجيب الشيخ واعقد الاسبوع الجاي
ايمان رجعت جوابي بالموافقه لابوي .. وامي بوقتها تعاركت وياي .. تكولي اجاج طمعان بفلوسج وبالبيت .. مسمعت منها وره اسبوع رحت للصالون عدلت نفسي وشعري ونظفت جسمي .. وجابوا السيد عقد النه وراها عقدنه محكمه .. وبيومها اخذني لبيت يجنن حلو ونظيف ومأثث .. كالي حظري نفسج باجر دخلتنه .. مااعرف ليش انقبض كلبي من حجايته المفروض افرح حبيبي راح يصير االيه ..
اجه يوم دخلتنه وطبعا اجاني للبيت اخذ اغراضي
بيتي قفلته وطلعت رحت للبيت الجديد هو جاب غدا وياه ودخلت وكعدنه على الغده رحت للغرفه الي تكون غرفتنه بدلت ملابسي وحليت شعري ولبست ثوب ابيض قصير
ورحت كعدت يمه جاي نتغده اباوعله حتى مباوعلي ولا شاف شكلي شلابسه ملابسه
هذا شبيه سألته كتله علي شبيك ...
.. مابيه شي اكلي .. حجاها بنتر ..
استغربت من تعامله وياي
راح للغرفه نام وتركني وحدي كاعده كلت يجوز تعبان
للعصر كعد سويت جاي وكيك كعدنه على التلفزيون ونباوع
علي .. اني فرحان لانها صارت اليه بس لازم انتقم لكلبي الي كسرته اذا ماكسرت كلبج اصبري اليه .. باوعت عليها طالعه تخبل لابسه ثوب ابيض كتلها .. وانتي ليش لابسه ابيض بالله
ايمان .. شنو غير عروستك والبسلك الابيض
علي .. الي يسمعج يكول اني ولد ممتزوج وانتي بعدج بنيه
ايمان .. شنو قصدك ؟
علي .. لاترفعين صوتج
عفتها وطلعت ..
ايمان.. شبيه الرجال تخبل ممعقوله هذا علي الي يحبني بسيطه عليوان ... شوف شنو اسويلك اذا مخليتك تموت عليه .. المغرب صليت وكملت .. حظرت العشه ودخلت سبحت ورحت بدلت لبست.
بنين ال عباس
ثوب نوم ستن لون بصلي وياه اسود وياه روب مالته بصلي ستن
وشسورت شعري .. وكعدت انتظره .. شوي واجه استقبلته بابتسامه .. وخليت العشه طبعاً الموقف حيل ضوجني ميباوع عليه ابد
خلصنه عشه غسلت المواعين رحت تعطرت وانتظرته بالغرفه .. دخل شبكته كتله شبيك علاوي متغير بعدني عنه باوعلي من فوك ليجوه ..
كالي شنو لابسه انتي
.. شبيك علي غير اني مرتك وهاي دخلتنه
.. اهاا دخلتنه .. يعني ترديني اتقرب منج
صار تدللين .. ضربتها راجدي وانطيتها الثاني لحد ماوكعت على السرير
.. ايمان . علي شبيك ليش تضربني سويتلك
.. كولي شنو مسويت
.. علي شبيك الله يخليك والله مأذيتك بس ردت اتقرب منك غير انت زوجي وحبيبي وابن عمي
.. ههههههههههه هاي عبريها على غيري من شوكت حبيبج هااا من وكفتي انتي وامج تضحكون عليه .. من انتي وامج طردتوا امي من البيت ..
.. اسمع كلامه وانصدمت شنو هذا شكالوله هذا هم مثلي ضحيه كذبه .. اوكف خليني افهمك هالحجي كوله كذب
.. هم كلتلي كذب يعني امي تجذب .. وليش ادك عليج مجاوبتيني هااا ... ضربتها حيل طلعت قهر كلبي بيها وبعدين اغتصبتها بكل قساوة ..
ايمان .. ضربني حيل اذاني .. مو ضربني على جسمي لا ضربني على كلبي جرحني حيل وخصوصاً من اغتصبني بكل قساوة .. مو هذا علي الي حبيته مو هذا علي الي اتمنيت اكون بين احضانه .. لا تغير هواي .. نزلت من السرير كوه امشي من الالم دخلت للحمام سبحت وغسلت وضليت ابجي بالحمام بحركه احس بلعومي من الهضمه يحركني متوقعت منه هيج يهيني ويسوي بيه ..
علي .. اسمعها دخلت للحمام تبجي بحركه .. حيل انقهرت عليها مو كافي خطيه اذيتها لازم مااسوي هيج بيها لازم افتهم منها .. بس ممعقوله امي تجذب عليه .. رجعت نمت وهيه طلعت راحت للغرفه الثانيه نامت بيها واني دخلت للحمام سبحت ..
عفتها براحتها ..هيه تنام بغرفه واني بغرفه
