.. الى ان عصب عليه وكلي .. تره ميصير انه زوجج مو غريب وهيج تسوين حتى لبس متلبسيلي ممعتنيه بشكلج وبلبسج بالغرفه .. انتي صح ممقصره بالبيت . بس مقصرة وياي حتى بدت تلعب نفسي اتقربلج .. .. وعافني وطلع ..
اني حيل تأذيت من كلامه شنو تلعب نفسه مني .. ليش ..
ثاني يوم رحت لاهلي اشوف ابوي لان بيتي قريب على اهلي كلت لحازم اني اريد اروح لاهلي ضجت .. كلي روحي وجان يحجي وياي من طرف خشمه ..
رحت لاهلي .. وسلمت على ابوي واخوتي ورحت على اشجان الي جانت معطله من الدوام .. لان خلصت امتحاناتها ومنتظره النتائج ..
دخلت لغرفتنه القديمه .. ولكيت اشجان كاعده تصفي بكتبها وملازمها .. سلمت عليها .. بس باوعت بعيوني اختي عرفتني رأساً اني بجيت ..
اشجان .. اوووي شبيها الحب تبجي ..
ايمان .. لج اتعاركنه اني وحازم ..
اشجان .. ليش شصاير ..
ايمان.. شوفي اني مقصره وياه هواي . .. بس يختي هاي قدرتي مااكدر بعد احمل نفسي فوك طاقتي ...
اشجان .. سولفيلي شبيج .
ايمان ... يكولي تلعب نفسي اتقربلج ولانه اني ممعتنيه بشكلي ولبسي ...
اشجان .. صراحه حقه اني من زمان ردت اكولج بس سكتت كلت بلكي تحس .. ايمان تره الحياة الزوجيه مو بس تنظيف وطبخ ونفخ .. الحياة الزوجيه مشاركه يعني صيري صديقه لزوجج وام واخت وكولشي .. حتى ميباوع على غيرج
ايمان .. من كلتلي هيج ضجت .. شنو يباوع على غيري بكيفه هيه
اشجان ... اي بكيفه لعد بكيفج .. كومي وياي خلي نروح للصالون اني هم وجهي تعبان يرادلي تنظيف بشره ومناك نطلع للسوك اشتريلج شكم لبسه للغرفه 😁
ايمان .. لج طلعتي داهيه وكولشي تعرفين
اشجان .. اتعلم غير حتى من يجي فارس احلامي اعرف شلون اتصرف وياه ..
ايمان.. رحت اني واشجان للصالون .. حفيت وغيرت لون شعري وقصيت الاطراف بس لان تعبان وحازم ميقبل اكص شعري يحبه طويل ..
وراها طلعنه للسوك اشتريت تراكات ودشاديش قصيره وبدلات نوم .. ورجعت للبيت .. وصلني سيف لبيتي .. ودخلت لكيته مموجود .. رحت للغرفه مالتي بدلت ملابسي وحظرت العشه .. واني جايبه وياي حلويات وحبشكلات وكرزات . دخلت للحمام سبحت وطلعت شسورت وخليت مكياج ولبست بدلة نوم حمرة ناريه .. ولبست فوكاها روب .. طبعاً احمر وجسمي حيل ابيض .. هو اجه شاف شكلي وشعري انصدم والعشه هم .. شوي هو ابتسم .. كتله تتعشه .. ؟
حازم .. اي
ايمان.. تعشينه وخلصت كمت سويت صينيه بيها عصاير وحلويات وكيك وكرزات ... وخليتها يمه وطلعت فلم وخليت ضوه الغرفه الاحمر مشتغل
حازم .. اليوم شنو السالفه شو دلع ودلال .. واني ممتعود
ايمان .. تقربت يم خده كتله تعود حبي
وفتحت الروب هو ضل صافن .. بعدين كلي شيلي الصينيه .. لان كدامي مارشميلو يخبل
ايمان .. اسفه حبي اني قصرت وياك هواي من يوم وجاي ادلعك وانسيك كولشي ..
وعشت وياه ليله تخبل لان جان حيل رومنسي ..
وحياتي صارت وياه احلى كمت كل يةم بليل احظرله نفسي ومقصرت وياه وبيتي ..الحلقه 4
اشجان .. بعد سنتين تخرجت وطلع معدلي 68 قدمت معهد محاسبه وتخرجت هم وكعدت بالبيت انتظر التعين ...
كعدت كالعاده لازم انظف وارتب لان امي بالدوام ..واركب الغدا .. وابوي مموجود .. وسيف بالدوام وسلام هم .. للظهر اجو اهلي ..
والتمينه على السفره وهالمره سلام تأخر هواي ..
خلصنه غدا وغسلت امواعين ورتبت المطبخ وسويت لامي وابوي جاي .. جاي نسولف ودخل سلام وجهه اصفر ميتفسر .. امي كمزت وصاحت .. يمه ابني شبيه صالح شوف ابني شبيه ..
شوي واندكت الباب .. دورية شرطه اجو على سلام .. امي ضلت تعيط وابوي يسكتها يريد يفتهم السالفه .. اخذوا سلام وراح ابوي وراهم
طلع سلام متعارك وي ولد بالكليه وضاربه سجينه.. والولد بين الحياة والموت .. لان سلام حيل مأذيه .. طبعاً الولد ذاك هو الي بده بالعركه وسلام جان يريد يدافع عن نفسه ..
ابوي رجع مكسور وتعبان .. وامي ضلت تدك وتلطم ... اباوع عليها لو اني وايمان هيج صاير بينه مخافت علينه هالكد ..
ثاني يوم كالوا انه الولد توفى واهله حيل معصبين ويردون ياخذون بثاره
بعد 3 ايام ابوي لم عمامي وشيخ عشيرتنه وراحوا يتفاهمون .. طبعاً مرت عمي ام علي تشمتت بأمي وضلت تصيح هاي حوبتنه لان طردتنه
وامي تعاركت وياها وصارت عركه كبيرة بين النسوان ..
رجع ابوي من اهل الولد .. دخل هو وامي للاستقبال وياهم سيف اخوي .. كللهم اهل الولد يردون فصل 30 مليون ومره ..
امي كلتله يعني شنو ..
ابوي.. يعني يردون مني 30 مليون وانطيهم فصليه مره .. ويلا يطلعون سلام من السجن .
امي .. اي ومنو الفصليه
ابوي . . اشجان اكو غيرها بس هيه البنيه الي عندنه ..
امي .. ومنو ياخذها .
ابوي . اخو الميت ابن الشيخ ..
امي .. هااا اي خلي تروح اشجان وهم يطلع اخوها .. والي ياخذها ابن الشيخ ..
ابوي .. تخبلتي انتي يامره بنتج هاي .. تعرفين شنو فصليه .. يعني بنتج تنذل مالها حقوق يمهم .. يعني خدامه الهم
امي .. وابني يضل بالسجن يضيع مستقبله
اشجان .. اسمع سوالفهم وابجي .. طبعاً الفصل
