لسم وطلعت
ايمان.. اني انصدمت شنو يعني ؟
امي .. تكولي بعدي بنتج عن ابني .. واريدله بنت خالته ومااريد بنتج .. شنو انتي بينج وبين ابن عمج شي ..
ايمان ... هااا لا ماما ..
امي .. احجي الصدك لا تجذبين خليني اعرف شلون اتصرف
ايمان .. هااا اي اني وياه واحد يحب الثاني وهو كلي اليوم دز امه علمود تخطبني
امي .. ومن شوكت انتي وياه
ايمان .. سنه من وفاة جدو
امي .. بصياح .. انسي تاخذين عليوي .. واذا فكرتي ترجعين تحجين وياه لاانه امج ولااعرفج ... اجت امه هسه سمعتني حجي مثل السم وطلعت .
ايمان .. يعني شنو مو خطبتني
امي ... ياخطبه يابطيخ .. ولج تكولي وخري بنتج عن ابني . ..
ايمان .. بوقتها انصدمت ..وامي اخذت الموبايل مني حتى مااحجي وياه ..
ومنها اني دخلت ب حالة اكتئاب .. امي كالت لابوي ..وطبعاً ابوي مثلي صدك كذبة امي ..
___
علي .. من كلتلي امي بكلام مرت عمي حيل انصدمت وامي حلفت متخطب ولاتعدي باب بيتهم .. واني هم حيل ضجت .. وقررت ابعد ايمان من تفكيري .. بس انه احبها حيل ردت بس اخابرها وافتهم ليش هيج هي وامها تسوي .. ادك عليها جهازها مغلق .. اكيد مالها عين تواجهني ..
اروح يم المعهد اريد اشوفها من بعيد .. اشوفها ذبلانه ومتغيره ..
امج السبب يابنت روحي .. عسه حوبة حبنه تضوكها امج ..
ايمان ....
التهيت بدراستي وهواي ناس تتقدملي واني ارفض وامي معصبه مني لان مااوافق .. طبعاً امي مايوم حست بيه او سألتني شبيج .. وتعاملنه اني واختي بقساوة . بينما اخوتي .. تعاملهم بكل حنيه .. .. بحيث اشجان دائماً جانت تكولي امي تحب سيف وسلام اكثر منه .. اني صرت لاشجان اخت وام وجنت اساندها بكلشي واوكف وياها واسولفلها اسراري وتسولفلي شنو يصير وياها .. حتى من تخطء تجي تحجيلي وانصحها ..
اني تعجبت من موقف علي ليش مخابر ليش مبرر موقف امه .. الله اليعلم شنو كلتله امه من كذبه ..
